ROMNAO 7:4 - Kathara Bible (BSI)

⁴ Chiwui vang eina ivānaongarā, nathumlila chipapama; kaja nathum Khristawui akai ngasāhaoda, ainwui athishurdava nathum thihaira, kha Varewui otram khangatha̱li kannāmei khavai ringkhaluiya Khristali ringrumda awui ngasāhaira.

ROMNAO 7:4 Iomraidhean Croise

ISAIAH 54:5

Khikhalajila nawui Kasā Akhavā chi nagaharana, saikorawui Proho chi awui mingna; Israelwui Kathara chi nawui Ngatangkhamena, ali okathui saikorawui Vare hoi.

ISAIAH 62:5

Kaja yaronnao akhana kachingva̱ akhali khangakum thāda, nanao ngarāna nali shakzāra; kala shakazā mayarana ngalāva̱ chili ningyāngkhaung thāda, nawui Varena nali ningyangungra.

MATTHEW 26:26

Athum phazāmahunglakha Jishuna khamui khuida ningkashiwui seihā sāhailaga khamui chi serkhaida athumli mida hānga, “Khuilu, shailu, hi iwui asāna.”

MARK 4:20

Kha ngalei katumli tākatungbing chi tui chi shālaga khuikasangbing, atheila thumrāra, hangthararuk, shāshā khamatheibing china.

JOHN 15:8

Hithada nathumwui athei tarākha khamathei china iwui Avāwui tekhamatei phongshoka, kala china nathum iwui sākhangatha̱bingna da chithei.

JOHN 3:29

Khām kahaiva̱ leikahaia chi khām kahaiana. Khām kahaiawui khamashita, awui ngalemli nāshungda khalei china khām kahaiva̱wui akhon kashā eina mathāna. Chithada sāda iwui ringkaphā chi ara kāshunghaira.

JOHN 6:51

I kazingramwui eina katā kharinga kashakazāna. Kachikathāna hi zaakha a katang mavaila ringra kala apuk-apaga ringkhavai ina miki kaji kashakazā chiya iwui asāna.”

ROMNAO 6:11

Chithada sāda nathumla moreili thihailaga Khristawui mangā eina Varewuili ringda lei kaji phaningphalungra.

ROMNAO 6:14

Moreili nathumwui akhavā masāngasakphalungmara, kaja nathum ainwui azingli maleila lukhamashanwui azingli lei.

ROMNAO 6:2

Maningphutmana! Ithum moreili thihaira, chithākha kathada chiwui lungli ringchingpairakhala?

ROMNAO 6:22

Kha ara nathumli moreiwui eina ningkhān ngasakhaida Varewui rao sāhaira. Chiwui tongkazā samkaphang chiya tharkhangasak china kala chiwui athei chiya katang makhavai kharing china.

ROMNAO 7:3

Hithada sāda, sha̱nao china agahara ringlakha mayarnao khangatei akhali aleihaiakha, ali phokaphava̱ hora. Kha agahara thihaiakha ain chiwui eina chihomihaira, kala mayarnao khangatei akhali ra̱sa̱sālala phokaphā maningmana.

ROMNAO 7:6

Atam akhali ainwui zurthingna khalaphaida thikasā chiwui eina ara ithumli khalāmihaira. Chieina kapi kahai ainwui athi mashurla kadhara Manglāwui pongli otram ngatha̱da lei.

ROMNAO 8:2

Kaja Khrista Jishuwui lungli ithumli kharing khame Manglāwui ain china moreiwui kala kathiwui eina ili ningkhān ngasakhaira.

1 CORINTHNAO 10:16

Prohowui phākachizātli sokhami tengkotwui vang ithumna Vareli ningkashi khami hi Khristawui asheeli khangarumna, kala ithumna khamui serkhaida kashai tharan Khristawui phasāli khangarumna.

2 CORINTHNAO 11:2

Varewui thada ina nathumli shivāmlaka, kala kachingva̱ sha̱naona agaharali fakhavā thada nathumli ina Khristali khāmmi kahaina.

GALATIANAO 3:13

Kha ithumwui vang khonshi kahai akha sāda Khristana ithumli ainwui khonshāt eina ngatangmihaira. Kaja hithada kapihaida lei; “Thingtungli kathe ā chi Varewui khonshātlungli lei.”

GALATIANAO 5:18

Manglāna thānmiakha nathum ainwui azingli maleiluimana.

EPHESIANAO 2:15

Jihudi yur khani hi awui mingli kadhara akha sāda chingrihai khavai ngarānmi.

PHILIPPINAO 1:11

Vareli tekmatei khavai kala masochikat khavai, Khrista Jishumāngna mikashap kaphā magunbing chi nathumwui mirinli pemtinghaora.

PHILIPPINAO 4:17

Nathumna thada khami ot chi ningkachāng maningmana, kha nathumwui otsak khamathā chi mataisang ngasakngai.

COLOSSIANAO 1:10

Chieina Prohowui ningkachāng athishurda nathumna ringshapra kala atam kachida ali ningyāng ungngasakshapra. Nathumwui mirin china khamathā ot kachungkha sāshapra kala Vareli mataimeida theikhuira.

COLOSSIANAO 1:22

Kha ara awui Naomayarawui phasāthitwui mangā eina ana nathumli kathar eina, kasheng eina chuk-khara̱ maleila chikat khavai awui ngasotnao sangasakhaira.

COLOSSIANAO 1:6

Nathumna Varewui lukhamashan pao shāthanghon kala chi mashunga da theikhuithanghon eina thuida paokaphā hina sokhami khuirāmichingda lei kala okathui apam saikoralila ngayaovāda lei.

COLOSSIANAO 2:14

Leiman kazangwui eina ara kokmichaohaira.

COLOSSIANAO 2:20

Nathum Khristali thihaira kala apuk-apagali khamunga manglābingwui pangshap eina ningkhānhaira. Chithākha khiwui vang nathumna masākhangayi ot sāda khaleikhala? Kala khisāda hikathā ainbing,

HEBREWNAO 10:10

Chiwui vang eina Varena ningkachāng chi Jishu Khristana kasāwui vang awui phasā akhashi chigatkhami china morei tharmida kupchaohaira.

1 PETER 2:24

Moreili thihailaga khamashung khangarong ot sākhavai, Khrista a khalattana ithumwui morei aphasāli ngasoda thingtungli phungmihaira.

PHONGKHAMI 19:7

Ithum mathānda ringphāsa kala aming tekmatei ngasaksa, khikhalajila Yaonaowui shakzāt atam rāhaira, awui Mākkhām kahaiva̱ ngarānpinghaira;

PHONGKHAMI 21:9

Chiwui thili kazingrao shiniwui ngachaili naomeikap kaje unshimui shini pemting eina kasinga kazingrao akhana ili rāhānga, “Ralu, mākhām kahaiva̱, Yaonao chiwui preiva̱ chi ina chitheira.”