ROMNAO 7:25 - Kathara Bible (BSI)

²⁵ Ithumwui Proho Jishu Khristawui mangā eina Vareli ningshi! Chieina ina iwui ning eina Varewui ainli otram ngatha̱sālala iwui mikumowui khangachānava moreiwui ainli otram ngatha̱da lei.

ROMNAO 7:25 Iomraidhean Croise

ISAIAH 12:1

Chithang nana hāngra: “O Proho, ina nali ningkashi mira; kaja ili nana malungvātsālala nawui malungkhavāt ngalanthuihaowa, kala nana ili ninglum ngasaka.

ISAIAH 49:13

Khamathānwui vang laa sālu, O kazingram, sochikatlu, O okathui; mathānda laa sālu, O phungreibing. Kaja Prohona awui mibingli ningnganung ngasaka, kaja awui mibingli ninglum ngasakhaira, kala awui kakhanangbingli lumashanmira.

ISAIAH 49:9

phātopnaobingli, ‘Ralu’ tangkhamangli khaleibingli, ‘Shoklu’ da hānga. Athumwui kazatpamli phauira, kaphung khangai saikorali athumwui wonui samphangra.

MATTHEW 1:21

Ana naomayara akha pharāra, nana awui ming Jishu phokra, kaja ana awui mibingli athumwui moreiwui eina huikhuira.”

ROMNAO 6:14

Moreili nathumwui akhavā masāngasakphalungmara, kaja nathum ainwui azingli maleila lukhamashanwui azingli lei.

ROMNAO 6:17

Kha Vareli ningshi! Kaja nathum atam akhali moreiwui rao sāsālala ara nathumli mikahai tamkachitheiwui eina samkaphang khamashung chili nathumwui wuklung tongda mayāhaira.

ROMNAO 8:2

Kaja Khrista Jishuwui lungli ithumli kharing khame Manglāwui ain china moreiwui kala kathiwui eina ili ningkhān ngasakhaira.

1 CORINTHNAO 15:57

Kha Proho Jishu Khristawui mangā eina yuikhangasaka Vare chili ningshi.

2 CORINTHNAO 9:15

Khamor eina mahāngkhararra awui lemmetwui vang Vareli ningshisa!

EPHESIANAO 5:20

Atam kachida ot saikorawui vang ithumwui Proho Jishu Khristawui ming singda Avāva̱ Vareli ningshichinglu.

PHILIPPINAO 3:3

Akachang ahui rimkashok samphang kahaibing chi ithumna, athum maningmana, kaja ithumna Vareli awui Manglawui pangshap eina khoruma kala Khrista Jishuli ngarumda ithumwui mirinli mathāna. Ayarwui otsak khangalangli ithumna mashitsangmana.

PHILIPPINAO 4:6

Khiotkhawui vang malungmaringalu, kha ningkashi eina ngasoda nathumna khavavāt chiwui vang Vareli seihā sāda polu.

COLOSSIANAO 3:17

Kala nathumna ot kasāli nilala, tui khamatuili nilala Avā Vareli ningkashi mida otsak kachiva̱li Proho Jishuwui ming eina sālu.

1 PETER 2:5

Nathum khalatta kharinga lunggui ngasāda manglāwui shim sākālu. Kathara pāngmon ngasā khavai Jishu Khristawui mangā eina Varena khuisangkapai manglāwui hanphut chigatlu.

1 PETER 2:9

Kha nathum kapangkhui kahai miyur, wungnao sharva̱, kathara yur, Varewui mibingna. Tangkhamangwui eina kahorli thānshokta awui matakkhak kahai kahor chi hāshok khavai nathumli hokakhuina.