22 Varewui ain chi iwuklungli ningyāng unglaka.
Amorchaiwui ningkhami chiwui eina ina mapākthuiranga; akhamor eina kashok tui chi ina iwui kathuka ningli phārihaida lei.
kha awui ningyāngkhaung Prohowui ainli lei, kala awui ain chili ngashun-ngayā ana chukmajaya.
Nawui ningkhami mashimānda iwui shimluina; mha, chi ining mathān khavaina.
Ning khani kasā mibingli ina yangkharinga, kha nawui ainli ina leishi.
Chiwui vang sināli, sinā kachangali lāngmeida ina nawui ningkhamili leishi.
Nawui ainli ina ringphāra, nawui tui ina mamalaimara.
Imanglāna nawui ningkhami mayona, ina leishi kachangkhata.
O Proho, nawui huikhami chili ina ngaraili; kala nawui ain iwui ringkaphāna.
Nawui tui iwui ringkaphāna, chi iwui hāngmachinkhamena.
Nawui ningkhamiwui shongfali ili thānmilu, kaja ina chili ningyāng unglaka.
Sinā kala lupāsā thingthingle, nakhamor eina khami ainna iwui vang phāmei.
Nawui ainli ina mamathānsi kaja, ina kakhananglungli thihaira̱ra.
O iwui Vare, nawui kaphaning chi ina sāmingailaka; nawui ain iwuklungli lei.”
I kashankachon raihaira, I kathāda ngavaikhuiluira? Ipheila pheohaira, kathāda makhaoluira?
“Khangarong kathei nathum, ili nganālu, wuklungli iwui ain khalei mibing, miwui kakhararli mangacheealu, kala athumwui khamashātli ning masuitaalu.
pāngmonna munlak eina yangra, kala phasāwui ahuili chukkhara̱ chi morthuthaiakha chi phārtheng kakazāna; a thara.
Kha Jishuna hānga, “Ili kashirātawui ningkachāng ot kasā kala chi ungshung khangasak chi iwui kashakazāna.
Kha alungli kala ningli rimkashoka china Jihudi akachangana, kaja hi kapi kahai ainwui otsak maningla kha Manglāwui otsakna. Chieina hikathā kasā mi chili mikumona maningla kha Varena kaso samphangra.
Kaja phasāwui athishurda kazata mi chiya Vareli yangkashena; ana Varewui ain mashurmana, kasāla masārarmana,
Chiwui vang eina ithumna ning masuitāmana. Ayarwui khangacha chi kashimān thālala alungshongwui khangacha chi thangkachida dharngasakchinga.
Ina Vareli awui Manglāwui mangā eina awui khavāt makhalei tekhamateiwui eina nathumli pangshap mida nathumwui ning ngatarmei khavai seihā sai.
Nathum akha eina akha makapik ngarokalu, kaja nathumna sākasā kachama otsak saikora chi horserhaida kadhara mi ngasāhaira.
Ina Israelnaobingli tuingashit sāki kaji chi hina da Prohona hānga: Rārāda khalei atamle ina iwui ainbing hi athumwui ningli sangmira, kala athumwui wuklungli kapisangmira. I athumwui Vare sāra, athum iwui mi sāra.
Kha Varewui miktāli aman kasaka tākui kahai kala khanima ningngai, mashimānkapai eina wuklungwui khangathuma mi sāthulu.
