ROMNAO 7:18 - Kathara Bible (BSI)

¹⁸ Ina thei kaja iwuklungli chiya mikumowui khangachā chili kaphā kaho maleimana. Kaja khamashung chi sāngailala masārarmana,

ROMNAO 7:18 Iomraidhean Croise

HAOKAPHOK 6:5

Okathui alungli mikumowui makaphā sorngasai kahai kala makaphāmāng chukkhamaja katang makhavai chi Prohona thei.

HAOKAPHOK 8:21

Kala Prohona nganamkaphā anganam chi nganamlaga Prohowui ningli hānga, “Ara ina ngalei hi miwui vang eina makhonshiluilakmara, kaja miwui chukkhamaja nganuilakhawui eina thuida makaphā makhayāmānga; kala kharing yur kachiva̱ ina shimān khangasak chi ara ina masāluilakmara.

JOBWUI LAIRIK 14:4

Makatharwui eina khipāna kathara ot khuishokshapra? Akhala maleimana.

JOBWUI LAIRIK 25:4

Chithākha Varewui mangāli mina kathāda mashungpaira? Sha̱naona kapharā mi chi kathāda tharpaira?

LAA 119:173

Ili ngachonmi khavai napāng ngarānmilu, kaja ina nawui tamkachithei kapangkhuihaira.

LAA 119:176

Shiman kahai yao thāda I ma̱zatli, naraoli kaphākhuimilu; kaja ina nawui ningkhami mamalailakmana.

LAA 119:32

Nawui ningkhami athishurda Ina ngasamzatra, iwui theikakhui nana mataisangkhami tharan.

LAA 119:40

Yanglu, ina nawui chitheikhami chi ningchānga; nawui khamashung khangarong chiwui alungli ili okthui ngasakmilu.

LAA 119:5

O nawui shiyan khamayonli iwui apong mangacheilaksi kaje jong!

LAA 51:5

Yanglu, moreilungli ili ishava̱na vaikhui, ili khayonlungli pharai.

ISAIAH 64:6

Ithum hupta makathara mi thāserhaira, ithumwui khangarong kasāsā saikora khamakhao chonshi thāserhaira. Ithum saikora thingnā thāda pa̱tāhaira, kala ithumwui khayonkhamāngna, masi thāda, ithumli phanthuiserhaira.

MATTHEW 15:19

Kaja wuklungwui eina makaphā kaphaning: shaokathat, phokaphā, shāmkasā, khaleekasa̱, makhamashung shākhi khami kala khamashāt shoka.

LUKE 11:13

Maphasālala nana naongarāli khamathā ot mitheiakha, kazingramli khalei Avāva̱na ali kapobingli kayākha mataida Manglā Kathara mirakhala?”

JOHN 3:6

Phasāna kapharā chi phasāna kala Manglāna kapharā chi manglāna.

ROMNAO 13:14

Kha Jishu Khristawui khutlai chi khangkāda moreiwui khangachā kala chi ningyāng ungkhavai hengsangkhami chi thahaolu.

ROMNAO 7:15

Ina kasā chi I khalattana bhap matāmana kaja ina sākhangai ot chi ina masāmana kha ina ningkakachai ot chi sai.

ROMNAO 7:19

kaphāna da theida sāngailak kahai chi ina masāmana, kha maphāmana da theilala chi ina sai.

ROMNAO 7:25

Ithumwui Proho Jishu Khristawui mangā eina Vareli ningshi! Chieina ina iwui ning eina Varewui ainli otram ngatha̱sālala iwui mikumowui khangachānava moreiwui ainli otram ngatha̱da lei.

ROMNAO 7:5

Ithumna phasāwui athishurda ringlakha, moreiwui ningkachāng chi ain china mathuk ngasakta ithumwui phasā akaibingli ot kasā eina kathi shokngasaka.

GALATIANAO 5:17

Kaja mikumowui khangachāna ningkachāng chi Manglāna maningchāngmana, kala Manglāna ningkachāng chi mikumowui khangachā china maningchāngmana: khani hi mamayāngarokmana. Chieina nathumna sākhangangai chi masāpaimana.

GALATIANAO 5:24

Jishu Khristawui ngasa kahaibing chiya mikumowui khangachā khamathang kala ningkachāng saikora chi chithithaira.

PHILIPPINAO 2:13

Kaja awui kaphaning chi sāngairareo sākhavai kala sāshap khavai Varena nathumwui alungli ot sāda lei.

PHILIPPINAO 3:12

Ina hi samphangchaohaira kala I kāshungchaohaira kaji maningmana; kha Khristana ili yuikakhuiwui sāman chi yuikhui khavai ina hotnāchingda lei.

TITUS 3:3

Ithum atam akhali mangma̱sai, kahāngla manganāsāmana kala khangui pongli zatsai. Mik khamathak, pha̱sāwui ringkaphāmangli phāda kala yuikashi yangkashina pemhaida akha eina akha yangkharing ngaroksai.

1 PETER 4:2

Chiwui vang eina ara hiwui eina thuida nawui okathuiwui mirin hi mikumowui ningkachāng eina maningla Varewui kaphaning eina okthuilu.