ROMNAO 7:15 - Kathara Bible (BSI)

¹⁵ Ina kasā chi I khalattana bhap matāmana kaja ina sākhangai ot chi ina masāmana kha ina ningkakachai ot chi sai.

ROMNAO 7:15 Iomraidhean Croise

1 WUNGNAOBING 8:46

“Nawui mangāli athumna morei sākahai chitharan— kaja mi khipākha morei makasā maleimana— nana malungvāthaida yangkashibingwui pāngli horsangmihaiakha, kala athumli yangkashiwui ramli, nailala tālala, tukvāhaiakha,

LAA 1:6

kaja Prohona khamashungabingwui apong chi yangda lei, kha makhayāwui apongva shimānra.

LAA 101:3

Makaphāna kaji otli imikna mayangsangmara. Ning ngacheithui kahaibingli ina yangkharinga; china ili mangavapmara.

LAA 119:104

Nawui ningkhami mangā eina, ina theithangkhamei samphanga; chieina makhamashung apong saikorali ina yangkharinga.

LAA 119:113

Ning khani kasā mibingli ina yangkharinga, kha nawui ainli ina leishi.

LAA 119:128

Chiwui vang iwui pheikār kachida nawui tamkachithei athishurda zata; makhamashung apong saikora ina yangkharinga.

LAA 119:163

Mikhanamli ina yangkharinga kala ningkachaiya, kha nawui ningkhamili ina leishi.

LAA 119:32

Nawui ningkhami athishurda Ina ngasamzatra, iwui theikakhui nana mataisangkhami tharan.

LAA 119:40

Yanglu, ina nawui chitheikhami chi ningchānga; nawui khamashung khangarong chiwui alungli ili okthui ngasakmilu.

LAA 19:12

Kha khalattawui khangui theikhui kashapa khipā leikhala? Thumkahai khangui khalāng nana ili sāmathāmilu.

LAA 36:4

Pilakha yankasai ot machukpi; khalatta makaphā shongfali zata; ana makaphāli mangakheimana.

LAA 65:3

Ithumwui khayonkhamangna ithumli yuikahai tharan, chi nana pheomi.

LAA 97:10

Makaphāli ningkakachaibingli Prohona leishi; awui katharabingwui manglā ana kanmi; makhayābingwui pāng eina ana kanshokmi.

CHĀNSAM 13:5

Khangaronga mina makhamashung otli yangkharinga, kha makhayā mina khayaklak eina kala maishilak eina otsai.

CHĀNSAM 8:13

Proholi khangachee hina makaphāli yangkakharingna. Lāngkaso kala khayāning khanganinga kala makaphāwui apong kala kapik kakhayang tuimatui ina yangkharinga.

HĀSHOKME 7:20

Kachangkhat okathuili morei masālak kaji kaphāmang kasā khangaronga mi akhala maleimana.

AMOS 5:15

Makaphāli ningkachaida kaphāli leishilu, kha̱lungli mashun leingasaklu; chithākha, Proho ashangva̱wui Varena, Josephwui shākkahaibingli lumashanra.

NAHUM 1:7

Proho hiya kaphāna, pa̱khangapā atamli ngākkhamena; ali rākhangayinbingli ana thei.

LUKE 11:48

Chieina nathum hiya navā ngarāwui otsak chili khamayābing kala shākhi khamibingna. Kaja athumna shaothata kala nathumna chikhur sāmi.

JOHN 15:15

Ina nathumli rao maholuimana, kachiwui vangkhala kaja akhavāna khi salikhala kaji raona matheimana. Ina nathumli ngasotnao hoi, kachiwui vangkhala kaja ina iwui Avāwui eina shākakhui saikora nathumli hāngserhaira.

ROMNAO 12:9

Kāshunglak eina leishilu, makaphāli ningkachailu, kaphā chi singtitlu.

ROMNAO 14:22

Hiwui apongli nawui shitkasang chi Vare naniwui ngachaili hailu, kachikathā ot akha kasāli mashunga da theishingkhuilaga ningkakashak maleilakla kasā mi chili ringkaphā ngasāranu.

ROMNAO 7:16

Ina masākhangai chi ina kasā tharan ain chi mashunga kaji khamayā thāhaowa.

GALATIANAO 5:17

Kaja mikumowui khangachāna ningkachāng chi Manglāna maningchāngmana, kala Manglāna ningkachāng chi mikumowui khangachā china maningchāngmana: khani hi mamayāngarokmana. Chieina nathumna sākhangangai chi masāpaimana.

2 TIMOTHY 2:19

Kha Varewui khangazipa shimphunga chi mangachei ngasakrarmana, kala chiwuitungli hithada kapihaida lei: “Prohona awui mibingli thei kala Prohowui mina kajibing chi makhamashungwui eina latungphalungra.”

HEBREWNAO 1:9

Nana khamashungli leishi kala khanguili ningkachai. Chiwui vang eina Vare, nawui Varena nawui ngasotnaobingli lāngmeikharda ringkaphāwui thao chi nali neomihaira.”

JAMES 3:2

Ithum saikora khangui kachungkha lei. Khamatuili khangui makhaleia chi kāshungchao kahaia akhalatta aphasāli ngarinkashapa mina.

JUDE 1:23

Meifawui eina shimenshokmida kanmilu. Mi kaikhali, moreiwui khamathang china makhao ngasak kahai kashankachon chili yangkharinglala, athum shimānhaipainada malungkharingwui phaningkhami chitheilu.