ROMNAO 7:11 - Kathara Bible (BSI)

¹¹ Kachiwui vangkhala kaja morei china atam kachā samphangkhaleoda ningkhami chiwui mangā eina ili minamhaowa kala sāthathaowa.

ROMNAO 7:11 Iomraidhean Croise

HAOKAPHOK 3:13

Chieina Proho Varena sha̱nao chili hānga, “Nana khi sākahaikhala?” Sha̱nao china ngahānkai, “Phara̱ china ili ning nguingasakhaida shaihaowa.”

ISAIAH 44:20

Ana hotla zai, kakapik ningna ali thannguithuihaira, kala akhalatta kahuila mahuirar lah “Iwui yāpāngli kakapik maleimala?” da kahāngla mahāngrarmana.

JEREMIAH 17:9

“Ot saikorawuitungli wuklung zakshimeikapa, kala makhaomeikapa, khipāna chi bhab tāshapkhala?

JEREMIAH 49:16

Nana ngachee khangasak china, kala nawui langkaso ningna nali minamhaira, lunghārkhurli kala phungrei kajuili khamunga nali. Nana khalāngwui thāda kajuiyali athip sālala, nali ina chiwui eina ngakhuntāra da Prohona hānga.”

OBADIAH 1:3

Nawui ning lāngkasona na khalattali chipathaira, lungkai kajui ngachaili pamda, “Ili khipāna ngakhuntāshaprakhala?” da nakhalatta phaninga.

ROMNAO 3:20

Kachiwui vangkhala kaja ainwui otsak china mikumo khipālikha Varewui mangāli mashungkhami maleimana. Ainwui eina kashok chiya mikumona morei sāhaira da theikhui khangasakmanga.

ROMNAO 7:13

Chithākha hiwui kakhalatva kaphā china ili thingasakhaowa kajilā? Maningphutmana! Chi moreinana, morei china awui kachangkhat khangachā chi phongshok khavai kaphā kaho chi singlaga ili thingasaka kala chiwui mangā eina hāngkhavai makhalei morei sāngasaka.

ROMNAO 7:8

Kha morei china ain chi singlaga atam kachā samkaphang tharan iwui ningli khangamar ot saikora leikhavai mathuk ngasaka. Ain maleisāsi kaja morei hiya kathina.

EPHESIANAO 4:22

Chieina kharewui mirin ringching khangasaka, minama khamathangna shimān khangasaka kachama khangachā chi horhaolu.

HEBREWNAO 3:13

Moreina nathum khipālikha chipatta ning mamakang ngasak khavai “Aja” kaho hi leilakha nathum akha eina akha kasatkasang eina ngasoda thangkachida machin ngaroklu.

JAMES 1:22

Nakhalatta machipat khavai kashāmang eina mavaila chiwui athishurda otla sālu.

JAMES 1:26

Kachikathāna dharma leilaka da phaninglala maleli makhāmrarakha awui dharma chi aremana, chi akhalatta mikhanamna.