ROMNAO 6:9 - Kathara Bible (BSI)

⁹ Ithumna thei kaja Khristali kathiwui eina ringngasakhaira kala mathiluilakmara, kathi kaho china awuitungli pangshap maleiluimana.

ROMNAO 6:9 Iomraidhean Croise

ROMNAO 5:14

Adamwui eina thuilaga Moses tāshungda mi saikorawuitungli kathina mungsai, naoda rāki kaje chiwui amahā sāda khalei Adamna Varewui kakaso kakaiwui morei kasā thada morei makasaa athumwuitungli eina tangda mungsai.

ROMNAO 6:10

Ana akhashida thihaogada moreina khiyangkha maleiluimana kala ana kharing hi Vareli ngasoda kharingna.

ROMNAO 6:14

Moreili nathumwui akhavā masāngasakphalungmara, kaja nathum ainwui azingli maleila lukhamashanwui azingli lei.

ROMNAO 6:4

Chithada sāda ithumwui ra̱kahik chieina Khristali ngasoda chifarum kahaina kala awui kathi chili ngarumhaira. Avāva̱wui tekhamatei pangshap china ali kathiwui eina ringshok khangasak thada ithumla kadhara mirin chi ringpaira.

HEBREWNAO 7:16

Ali mikumowui ayin eina pāngmon sākhangasak maningmana, kha katang makhavai kharing chiwui pangshap eina pāngmon sākhangasakna.

HEBREWNAO 7:25

Chiwui vang awui ming eina Vareli kazanga saikorali aruila kala atam kachida ana huimishapa. Khikhalajila ana athumwui vang Vareli phayetmichinga.

PHONGKHAMI 1:18

kala kharing chi Ina; I thihailaga, yanglu ara mashimānda ringdalei kala Kathi eina Kazeiramwui pangshap lei.