ROMNAO 6:6 - Kathara Bible (BSI)

⁶ Ithumna thei kaja morei sākhangaiwui khangachā chi shimān khavai kachama khangachā chi Khristali ngasoda krushtungli thingasakhaira. Chieina ithum ara moreiwui rao masāluimana,

ROMNAO 6:6 Iomraidhean Croise

2 WUNGNAOBING 5:17

Chieina Naamanna hānga, “Makhuimara jiakha ina kapona, narao ili gadhā khaniphun ngalei khamilu; kaja, aja eina thuida narao ina Proholi maningla rikkatā kachigat kala pha̱kaphayā nilala khangatei vareli masāluimara.

ISAIAH 26:13

O Proho ithumwui Vare! namāng maningla ithumli akhavā khangateinala munghaira, kha namingmāngli ithumna shitsanga.

ROMNAO 6:12

Khamathangli zangda shimānkapai nathumwui phasā hi moreili mamungngasakalu.

ROMNAO 6:22

Kha ara nathumli moreiwui eina ningkhān ngasakhaida Varewui rao sāhaira. Chiwui tongkazā samkaphang chiya tharkhangasak china kala chiwui athei chiya katang makhavai kharing china.

ROMNAO 7:14

Ithumna thei kaja ain hi manglārinwuina, kha iya phasā khavaiya moreili yorsang kahaiya raona.

ROMNAO 8:13

Kaja nathumna phasāwui athishurda ringakha nathum thira. Kha Manglāwui mangā eina phasāwui otsak chi chithithaiakha ringra.

2 CORINTHNAO 5:14

Khristawui leikashina ithumli kuinammi, khiwui vangkhala jilaga mi akhana katongawui vang thimihaira kaja kathili ithumla ngarumhaira.

GALATIANAO 2:20

chieina ringda khalei hi I maningluimana, kha Khristana ili kharingna. Arui ina ringda khalei hi Varewui Naomayara ili leishida amanglā chihokhame chili shitkasang mangā eina kharingna.

GALATIANAO 5:24

Jishu Khristawui ngasa kahaibing chiya mikumowui khangachā khamathang kala ningkachāng saikora chi chithithaira.

GALATIANAO 6:14

Iwui vanga, ithumwui Proho Jishu Khristawui krush maningla lāngso khavai maleimana, kaja krushwui vang eina okathui hi iwui vanga khikha masāvaimana kala okathuiwui vang ila khikha masāvaimana.

EPHESIANAO 4:22

Chieina kharewui mirin ringching khangasaka, minama khamathangna shimān khangasaka kachama khangachā chi horhaolu.

COLOSSIANAO 3:5

Chiwui vang eina nathumna okathui phasāwui ningkachāng kaja, sopkhamasap, makathar, khamathang-khamarang, makaphāli ningkachāng kala kākharām (kaja kākharām hi meoma̱li khokharum kathāna) hikathāthā hi chithitphalungra.

TITUS 3:3

Ithum atam akhali mangma̱sai, kahāngla manganāsāmana kala khangui pongli zatsai. Mik khamathak, pha̱sāwui ringkaphāmangli phāda kala yuikashi yangkashina pemhaida akha eina akha yangkharing ngaroksai.