ROMNAO 6:5 - Kathara Bible (BSI)

⁵ Ithumla awui kathi thada thihaogada awui tākam eina ringluira.

ROMNAO 6:5 Iomraidhean Croise

LAA 92:13

Athumli Prohowui shimli lingsanghai, Varewui kayāngli reisanga.

ISAIAH 5:2

Ana chi changa kala chiwui lungguibing hāshokserhailaga, drakhāthei khamathā yur lingsanga; chiwui alungli ana tārong akha sai; kala chili vaichum akhala khonhai; kala ana athei khamathei honpama, kha ramwui samkāngra̱thei matheihaowa.

JEREMIAH 2:21

Chithālala ina nathumli mathāmeikap kaje arongwui vang kashenga athāmāng hākhuilaga lingsanga. Chithākha kathāda hiyākha makākashunga kharar-ngahongwui drakhārong sāthuihaokhala?

MATTHEW 15:13

Ana ngahānkai, “Kazingramli khaleia iwui Avāna malingkasang thingrong kachiva̱ phurshokhaora.”

JOHN 12:24

Kachangkhat eina ina nathumli kahāngna, māngumna ngaleilungli tāzangda mathiakha chithada leichinga, kha thihaiakha māngum kachungkha mathei ngasaka.

2 CORINTHNAO 4:10

Thangkachida shimānkapai ithumwui phasā hili Jishuwui kathi chi khuiphungchinga, chieina awui kharing chi ithumwui phasāli theipaira.

COLOSSIANAO 2:12

Kaja nathumli ra̱hikkhami tharan nathum Khristali ngasoda chifarum kahaina, kala ali kathiwui eina ringkhangasaka sāshapa Vareli shitkasang mangā eina ra̱kahikwui otsak hieina nathumla Khristali ngasoda ringshokrumhaira.

COLOSSIANAO 3:1

Khristali ngasoda nathumli ring ngasakhaira, chiwui vang eina Varewui yāshong Khristana awui wungpamkhongli pamda khalei kazingramwui otbing chili nathum ningshailu.