ROMNAO 6:4 - Kathara Bible (BSI)

⁴ Chithada sāda ithumwui ra̱kahik chieina Khristali ngasoda chifarum kahaina kala awui kathi chili ngarumhaira. Avāva̱wui tekhamatei pangshap china ali kathiwui eina ringshok khangasak thada ithumla kadhara mirin chi ringpaira.

ROMNAO 6:4 Iomraidhean Croise

JOHN 11:40

Jishuna ali hānga, “Nana shitsangakha Varewui tekhamatei theira da ina mahāngmala?”

JOHN 2:11

Jishuna matakhak kahai sakhare chi Galileeli khalei Canali sai, apam chili awui tekhamatei ana phongshoka kala awui sākhangatha̱bingna ali shitsanga.

OTSAK 2:24

Kha Varena ali kathiwui kachotkachāng eina khalāmihaida ringngasakhaowa. Kathiwui pangshap china matuknarrarmana.

OTSAK 2:32

Varena Jishuli ringkhangasak ithum saikorana shākhina.

ROMNAO 6:19

Nathumwui khangazan khaleiwui vang ina hikathā tuiyār eina kahāngna, kaja atam akhali nathumwui phasāwui akaibing chi makathara kala makaphā chiwui rao sāsai. Ara nathumwui phasāwui akaibing chi tharngasak khavaiwui vang khamashung khangarongwui rao thada nathum khalatta hamsangphalungra.

ROMNAO 6:3

Ithumna Jishu Khristali khangarumwui ra̱kahik kasā chitharan awui kathili khangarumwui ra̱kahik kasānada nathum matheimalā?

ROMNAO 6:8

Ithumna Khristali ngasoda thihaogada ali ngasoda ringra kaji ithum shitsanga.

ROMNAO 6:9

Ithumna thei kaja Khristali kathiwui eina ringngasakhaira kala mathiluilakmara, kathi kaho china awuitungli pangshap maleiluimana.

ROMNAO 7:6

Atam akhali ainwui zurthingna khalaphaida thikasā chiwui eina ara ithumli khalāmihaira. Chieina kapi kahai ainwui athi mashurla kadhara Manglāwui pongli otram ngatha̱da lei.

ROMNAO 8:11

Jishuli ringlui khangasaka Varewui Manglā china nathumwui lungli leiakha, Khrista Jishuli kathiwui eina ringkhangasaka kala nathumwui lungli leiching kaje awui Manglā china nathumwui shimānkapai phasā chi ringngasakra.

1 CORINTHNAO 6:14

Varena Proholi ringluishit ngasaka. Awui pangshap eina ithumlila ringluishit ngasakra.

2 CORINTHNAO 13:4

Ali khangazana akha thada krushli shaothata kha Varewui pangshap eina ana kharingna. Ali ngasoda ithumla ngazanruma kha nathumli otram ngatha̱mi khavai Varewui pangshap china ithum ali ngasoda ringra.

2 CORINTHNAO 5:17

Chiwui vang eina kachikathāna Khristali leiakha a kadhara pāngsemna; kachama chi kānthuihaira, yanglu; kadhara chi rāhaira.

EPHESIANAO 4:17

Mashitkasangbingna wuklung mararda chukmaja̱phāphā kaji thada maokthui khavai ina Prohowui ming singda nathumli saklāk eina kahāngna.

EPHESIANAO 5:8

Nathum tangkhamangli okthuida leisai, kha Prohowui mi sākahaiwui vang, nathum kahorli okthuihaira. Chiwui vang eina nathum kahorli okthuida khalei mibing thāphalungra.

COLOSSIANAO 3:10

Hiya kasā Akhavā Varena a khipākhala da theishingkhui khavai awui sakrinlungli atam kachida nathumli dharngasakchingda lei.

COLOSSIANAO 4:1

Akhavābing, kazingramli nathumwui Akhavā leili kaji phaningda nathumwui raobingli mayangkheilakla mashun eina sālu.

1 PETER 3:21

Hi arui nathumli huikakhui ra̱kahikwui amahāna. Hi pha̱sāwui khamakhao pheokatā maningmana, kha ana Vareli mayāda ning horsangchaolaga awui kahāng nganāra da ra̱kahikwui otsak kasāna. Jishu Khristawui ringkashok china nathumli huimi.

1 JOHN 2:6

Vareli zanga kaji mi china Jishu Khristawui thada okthuichingranu.