ROMNAO 6:3 - Kathara Bible (BSI)

³ Ithumna Jishu Khristali khangarumwui ra̱kahik kasā chitharan awui kathili khangarumwui ra̱kahik kasānada nathum matheimalā?

ROMNAO 6:3 Iomraidhean Croise

MATTHEW 28:19

Chiwui vang eina nathumna vāda miyur saikorali iwui sākhangatha̱ sāngasaklu; athumli Avā kala Anaomayara kala Manglā Katharawui ming singda ra̱hikmilu,

OTSAK 19:5

Athumna pao hi shākahaiwui thili athumli Proho Jishuwui mingli ra̱hikmi.

OTSAK 2:38

Chieina Peterna hānga, “Ning ngateihaolu, kala nathumwui morei pheomi khavai Jishu Khristawui ming singda nathum kachiva̱ ra̱hikhaolu, chithākha Manglā Katharawui lemmet chi nathumna samphangra.

OTSAK 8:16

Kaja Proho Jishuwui ming singda ra̱hikkhami maningla athum khipākhawuitungli Manglā Kathara matāzangrangsai.

ROMNAO 6:16

Nathumna akhava akhawui rao sāga da mayāhaiakha awui kahāng khanganā rao sāga kaji maningmalā? Hithada sāda morei sākha kathili thānsangra, kahāng khanganāli zangakha nathumli mashungmira.

ROMNAO 6:8

Ithumna Khristali ngasoda thihaogada ali ngasoda ringra kaji ithum shitsanga.

ROMNAO 7:1

Ivānaongarā, ain katheia nathumli kahāngna kaja mi akhali ainna kakhalap hi a ringlakhamānga.

1 CORINTHNAO 10:2

Athum saikora Moseswui thikashura sāda muiyā eina ngayilungli ra̱hika.

1 CORINTHNAO 12:13

Manglā akhamāngna ithum saikorali phasā akha sāda ra̱hikmi—kaja Jihudiranu, Gentileranu, raoranu, ningkhān kahaibingranu— ithum saikorali Manglā akhali mangrum ngasaka.

1 CORINTHNAO 15:29

Chi maningakha kathebingwui mathun ra̱kahik khuikhamiwui kakhalat khikhala? Kathebing maringphalungluimara jiakha khisāda athumwui mathun sāda ra̱hikmirakhala?

1 CORINTHNAO 3:16

Nathum khorumshimna kala Varewui Manglā nathumwuili lei kaji matheimalā?

1 CORINTHNAO 5:6

Nathum malāngsongayimana. Hithada chānjam hāngkahai nathumna thei, “Khawok kateokha china khamuitang katonga kapchung ngasakshapa.”

1 CORINTHNAO 6:19

Nathumwui phasā hi Varena khami Manglā Kathara nawui wuklungli pamkhavai khorumshimna da nathum matheimalā? Nathum hi nathum khalattawui maningmana kha Varewuina;

1 CORINTHNAO 6:9

Makaphā-makhayābingna Vare wungramli mazangmara da nathum matheimalā? Matheinguihaialu, shāmkasābing, ama̱li kapha̱bing, phokaphābing, mayarnao eina mayarnao, sha̱nao eina sha̱nao phasā khangasobing,

1 CORINTHNAO 9:13

khorumshimli otram khangatha̱ athum china khorumshimwui eina kashakazā samphanga kala hanphutpamli otram khangatha̱ athum chinala kachigat chiwui eina athumwui yar samphanga da nathumna thei.

1 CORINTHNAO 9:24

Shongzā khangakhuili mi kachungkhana ngasāma, kha mi akhamāngna sāman samphanga kaji nathum matheimalā?

2 CORINTHNAO 13:5

Nathum shitsangtita leichinglā kaji nathum khalatta chāng yanglu kala machukkhuilu. Nathumna chāng khayang chili mangasungkharar maningakha Khrista nathumwuili lei da matheimala?

GALATIANAO 3:27

Khristali zangda ra̱hik kahai nathum saikora, Khrista ā khalattawui mirina nathumwui sāri ngasahaira.

JAMES 4:4

He mashitkasanga mibing! Okathuili ngasotnao kasā hiya Vareli yangkashena da nathum matheimalā? Okathuili ngasotnao sākhangaia mi chi Varewui yangkashena.

1 PETER 3:21

Hi arui nathumli huikakhui ra̱kahikwui amahāna. Hi pha̱sāwui khamakhao pheokatā maningmana, kha ana Vareli mayāda ning horsangchaolaga awui kahāng nganāra da ra̱kahikwui otsak kasāna. Jishu Khristawui ringkashok china nathumli huimi.