ROMNAO 6:21 - Kathara Bible (BSI)

²¹ Ara nathumna khayākhamalā ot kasā chieina khi tongkazā samphangkhala? Otsakbing chiwui athei chiya kathina.

ROMNAO 6:21 Iomraidhean Croise

1 WUNGNAOBING 2:26

Pāngmon Abiatharli awungana hānga, “Nalila shaothat ngayilak kahaina, kha aja mashaothatmara, kaja ishāvā Davidli ngasoda, kala Proho Varewui ningkhami oko phungzatta kachotkachāng kachungkha phungrumhaira; chieina nawui shimli ungulu.”

EZRA 9:6

“O iwui Varivara, nawui mangāli imai ngareikākida khayakhaowa, kala vaishihaowa, iwui Varivara, kaja ithumwui khayonkhamāng ithumwui kui kānkāhaira, kala morei kazingram kāzokhaira.

JOBWUI LAIRIK 33:27

kala miwui mangāli laa sāda ana hānga, khamashungli yonngasakta ina morei sāhaira, kala chiwui eina ili yangmihaowa.

JOBWUI LAIRIK 40:4

“Yanglu, iya khikhala maningmana, ina nali khi ngahānkāra? Ipang eina khamor kafaya.

JOBWUI LAIRIK 42:6

chiwui vang I khalatta ningkachaiya, kala chifa eina hotlālungli ining ngateili.”

LAA 73:17

Varewui kathara shimli mazangranglakha eina tangda athumwui akatanga matheimara.

CHĀNSAM 1:31

chiwui vang eina athumna athumwui apongli kazatwui athei shaira, kala khalattawui khangarān eina sānra.

CHĀNSAM 14:12

Mi akhawui vang apong khamashung akha khalei thāda lei, kha chiwui akatang chi kathiwui apongna.

CHĀNSAM 16:25

Mashungrik kahai thada miwui mangali apong akha lei, kha chiwui akatang chi kathiwui apongna.

ISAIAH 3:10

Khangarongabingwui vanga, kaphā ngasāra da hānglu kaja athumwui otsak athishurda athumna kazā samphangra.

JEREMIAH 12:13

Athumna kehu lingsanga, ka̱shāt hātkhui; chotchānglak eina ot sai, kha tongkazā maleimana. Athum māhātwui vang khayakkha̱ sākhuira, khikhalajila athumli Prohona malungvāthaowa.”

JEREMIAH 17:10

Proho, Ina ningli kapeoyanga, kala wuklungli tamyanga; mi kachiva̱li awui apongwui thishurda, awui kasāsāwui athei athishurda mikhavaina.”

JEREMIAH 3:3

Chiwui vang zingrot ngasām ngasakhaira, kala mayo kachāng zingrotla marothura; nava khayorva̱wui azakla thahaoda kakhayakla marāpeithumana.

JEREMIAH 31:19

Kaja ina ngareithui kahai thili ina ning ngateiya; ili tamchithei kahaiwui thili iwui khaishangli ngaphita; I khayakhaowa, kala I maphākhuithuwa, khikhalajila ina yaronlakhawui khayākhamalā phungzata.

JEREMIAH 8:12

Ningkakachai ot kasā tharan athum khayakla? Maningmana, athumna makhayakphaphutmana; kathāda mai hungra̱khala dala matheimana. Chiwui vang kongluikasangbingwui alungli athumla kongluisangra; ina athumli tandi khami atamli athumlila maikashi mira” da Prohona hānga.

EZEKIEL 43:11

Kala athumna sakā kahai chiwui vang khayāmalaakha, khorumshim chiwui zangkhavai, shokkhavai, ngarānkharirik kahai chi meisā eina hāngchitheilu; kala chili sāki kaji kakaso kala ain saikora kapichitheida kakaso hi mathālak eina mayon khavai sālu.

DANIEL 12:2

Thida ngaleilungli chizan kahaibing ngakarthuiluira, kaikhana mashimānda okthui khavai, kaikhana maikashi kala katang mavaila ningkachai khavai.

ROMNAO 1:32

Hikathāthā ot saakha thira kaji Varewui ningkhami chi theilala athumna chi kasāmāng majila khangatei chithada kasābinglila mayāmi.

ROMNAO 5:12

Morei hi okathuili mi akhawui eina haophoka kala morei china kathi khuirai. Hithada sāda kathi hi mi saikorali rāshunghaowa, kachiwui vangkhala kaja mi kachiva̱na morei sāhaowa.

ROMNAO 6:16

Nathumna akhava akhawui rao sāga da mayāhaiakha awui kahāng khanganā rao sāga kaji maningmalā? Hithada sāda morei sākha kathili thānsangra, kahāng khanganāli zangakha nathumli mashungmira.

ROMNAO 6:23

Kachiwui vangkhala kaja moreiwui sāman kathina, kha Varewui lemmet chiya ithumwui Proho Jishu Khristawui lungli katang makhavai kharing china.

ROMNAO 7:5

Ithumna phasāwui athishurda ringlakha, moreiwui ningkachāng chi ain china mathuk ngasakta ithumwui phasā akaibingli ot kasā eina kathi shokngasaka.

ROMNAO 8:13

Kaja nathumna phasāwui athishurda ringakha nathum thira. Kha Manglāwui mangā eina phasāwui otsak chi chithithaiakha ringra.

ROMNAO 8:6

Phasāwui athishurda zatakha thira, kha Manglāwui athishurda zatakha chingri kahai kala kharing samphangra.

2 CORINTHNAO 4:2

Khayākhamalā ngathumngateida kasā ot saikora horhaida ithumna mareimarā ot masāmana. Varewui tuila mashongachei khavai mahotnāmana, kha mashun chi phonglāk eina kachithei eina Varewui miktāli kachithei thada mi kachiva̱wui mashun-makhuili theikhuipai khavai ithum khalatta kachitheina.

2 CORINTHNAO 7:11

Kaja malungkharing chiwui vang Varena kayākha sāmihairakhala kaji theilu, kayākha ningtharda nathumwui mashun chitheihaira! Chiyākha ningkachot, chiyākha khangachee, makaphā kasāli tandi mikida, ningtongda phaning khangasak ot saikorali khangui maleilakla nathumna nganinghaira.

KHALATLUI 17:6

Shākhi khani lah kathum leiakha thikhangayiya a chili shaothatra, kha shākhi khami akhamāngwui eina masāthatpaimara.

KHALATLUI 21:22

“Kachikathā mi akhana kathi danti samphangkhangayi mithit kashong sāhaida, nathumna ali shaothata thingtungli phāshi saakha,

PHILIPPINAO 3:19

Athum meifali vātangsera, kaja phasāwui ningkachāngli phākazat chi athumwui vare ngasāhaowa; khayakkhamarao otsakli athumna langsoi, athum okathui otmāngli phaninga,

HEBREWNAO 10:29

Chithākha Varewui naomayarali makachāpa, moreiwui eina tharmi kahai Varewui tuingashitwui asheeli paisor eina kaphaninga mi, lukhamashanwui Manglāli mana̱kashe mi chi khi ngasāra? Awui tandi kayākha sakmeirakhala da phaningyanglu!

HEBREWNAO 6:8

Kha ka̱shāt eina khawomāng kaphor ngalei chi kānkhanā maleimana; chili Varena khonshikapaiwui kalāshāt lei kala mei eina shimān ngasakra.

JAMES 1:15

Ningkachāng chi chungkasang tharan morei shokka kala morei hakkasang tharan kathi shoka.

JAMES 5:20

hi phaningunglu, kaja moreiwui khangui shongzāwui eina hanung khangasaka ana mipā chiwui manglā kathiwui eina kanmi kala morei kachungkha farormi ngasaka.

1 PETER 4:17

Bichar sāki kaji atam chi rāhaira, kala bichar chi Varewui shimkhur mibingli rira, kala hi ithumwui eina haophokra jiakha, Varewui Paokaphāli mashitkasang athumwui akatang chi katharali?

1 JOHN 2:28

Ara naoshinaobing, ali leichinglu, chithākha ana rāthanghon khayakta mangathumla pinglak eina samphangshapra.

PHONGKHAMI 16:6

Mibingna katharabing eina marānbingwui ashee heitai. Chieina ara athumli ashee mangkhavai nana mihaira. Athumna samphangkhangayi chi samkaphangna.”

PHONGKHAMI 20:14

Chiwui thili Kathe eina Kazeiramli meiwui ngayili horsanghaowa. Meiwui ngayi hi thikakhanena;