ROMNAO 6:13 - Kathara Bible (BSI)

¹³ Nathumwui phasā akai akhanida makaphā-makhayāli ya majihaialu. Kha kathiwui eina kharingli khuiung kahaia mi thada nathum khalatta Vareli milu kala nathumwui phasā katonga khamashung otwui vang shichin khavai Vareli mayālu.

ROMNAO 6:13 Iomraidhean Croise

2 THOTRINCHĀN 30:8

Navā ngarāwui thāda ara hāngla makakhui masaalu, kha Proholi hamsangda ana katang makhavaiwui vang tharmatheng kahaipamli rāda nathumwui Proho Vareli otram ngatha̱lu, chieina awui sākashi malungkhavāt chi nathumwui eina ngalatthuihaora.

LAA 37:30

Khangarongawui khamor eina thangkhamei tui matui; amale eina mashun tui hānga.

CHĀNSAM 12:18

Chānhān makhaungawui tui zeisa̱nao eina kasa̱ thai, kha thangkhamawui malena khamā raimi.

ISAIAH 55:7

makhayā mina awui shongfa horhaida, kala makhamashunga mina awui kaphaning horhailaga; ana lumashanmipai khavai ithumwui Proho Vareli latungranu, kaja ana mavātlakla pheomira.

EZEKIEL 18:4

Yanglu, manglā saikora iwuina; avāva̱ ngarāwuila anao ngarāwui manglāla iwuisera: morei kasā manglā chi thira.

DANIEL 3:28

Nebuchadnezzarna hānga, “Shadrach, Meshach kala Abednegowui Vareli tekmateiranu! Athumwui Vare maningla vare khangateili khorumki kajiwui vang phasā chigat kahai mibingli kazingrao chihotāda, awui raobingli huikhame Vare chi tekmateiranu!

LUKE 15:24

kaja inaomayara hi thihairasai, kha ringluihaira; shimānhairasai, kha ara samphangluihaira.’ Chi eina athumna shaohāhā mana̱da ringkaphā eina phāshak phazāruma.

LUKE 15:32

Kha hiya mathānda ringphārum ngayilak kahaina, kaja nagato hi thihairasai, ringluihaira; shimānhairasai, kha samphangluishithaira.’”

JOHN 5:24

“Kachangkhat eina nathumli kahāngna, iwui tui shāda ili kashirātali shitkasanga a chi katang makhavai kharing lei. Ali bichar masāmara, kha kathiwui eina kharingli kanshok kahaina.

ROMNAO 1:29

Athumwui makaphā-makhayā, zakkashi, khangamar kala mikpaikashiwui acham, yangkashi, shaokathat, khangama̱-khangazai, kateikazā, shimān khavai kasā kala morkasapna pemtinghai.

ROMNAO 12:1

Chiwui vang eina ivānaongarā, Varena ithumli tarākha lumashankhamiwui vang ina nathumli hi poli kaja nathum khalatta Vareli ringchigat sāda chigatlu, otram khangatha̱li dharchigatta ali ningyāng ungngasaklu. Hi nana chigatkhangayiya khamashunga khokharum chilaka.

ROMNAO 6:11

Chithada sāda nathumla moreili thihailaga Khristawui mangā eina Varewuili ringda lei kaji phaningphalungra.

ROMNAO 6:16

Nathumna akhava akhawui rao sāga da mayāhaiakha awui kahāng khanganā rao sāga kaji maningmalā? Hithada sāda morei sākha kathili thānsangra, kahāng khanganāli zangakha nathumli mashungmira.

ROMNAO 6:19

Nathumwui khangazan khaleiwui vang ina hikathā tuiyār eina kahāngna, kaja atam akhali nathumwui phasāwui akaibing chi makathara kala makaphā chiwui rao sāsai. Ara nathumwui phasāwui akaibing chi tharngasak khavaiwui vang khamashung khangarongwui rao thada nathum khalatta hamsangphalungra.

ROMNAO 7:23

Kha iphasāli ot kasā ain khangatei akhala thei— iwui ningna mayā kahai ain chili khangararra ain china iphasāli ot sāda khalei moreiwui ain china ili narkahaina.

ROMNAO 7:5

Ithumna phasāwui athishurda ringlakha, moreiwui ningkachāng chi ain china mathuk ngasakta ithumwui phasā akaibingli ot kasā eina kathi shokngasaka.

1 CORINTHNAO 6:15

Nathumwui phasā chi Khristawui phasākaina da matheimalā? Khristawui akai akha khuilaga pha̱khayorva̱̱wui akai ngasā ngasakpairala? Masākapai otna.

1 CORINTHNAO 6:20

nathumli aman mida lokhuihaira. Chiwui vang eina nathumwui phasā eina Vareli tekmatei ngasaklu.

1 CORINTHNAO 6:9

Makaphā-makhayābingna Vare wungramli mazangmara da nathum matheimalā? Matheinguihaialu, shāmkasābing, ama̱li kapha̱bing, phokaphābing, mayarnao eina mayarnao, sha̱nao eina sha̱nao phasā khangasobing,

2 CORINTHNAO 10:4

Khangarar hili ithumna kasing khutlai hi okathuiwui khutlai maningmana; kha raipan sakhaishapa Varewui khutlaina.

2 CORINTHNAO 5:14

Khristawui leikashina ithumli kuinammi, khiwui vangkhala jilaga mi akhana katongawui vang thimihaira kaja kathili ithumla ngarumhaira.

2 CORINTHNAO 5:15

Ana mi saikorawui vang thimi, hieina ringda khalei athumna athum khalattawui vang maringluila kha athumwui vang thimihailaga ringshok kahai awui vang ringranu.

2 CORINTHNAO 8:5

Rimeikapta athumna Proholi mi kala Varewui kaphaning athishurda ithumlila mi, hi ithumna machihānsālakmana.

EPHESIANAO 2:5

chiya kahāng manganāmada manglārinli thikasāwui eina Khristali ngasoda ithumli ana ringngasakmi. Awui lukhamashana nathumli huimi.

EPHESIANAO 5:14

kaja kachikathā ot chi mathingrik eina phongkashok tharan theipaiserhaowa. Chiwui vang hithada hānga. “Ngakarthuilu, he kape, kathiwui eina ngakarthuilu, Khristana nawuitungli hormira.”

KHALATLUI 25:16

Kaja chikathā ot sāda kateikazā saikora, ngakaishilak eina kasā ot hi Proho nathumwui Varewui mangāli ningkakachai otna.

PHILIPPINAO 1:20

Thilala, ringlala, atam kachida, mataimeikapta aruihon malungkaping eina I khalatta chikatchaohailaga Khrista maiyā khavai kasāli ina machihohailakmara kaji hi iwui ningkachāngna.

COLOSSIANAO 2:13

Moreiwui vang kala ain makhangavā miyur ngasāsāhaoda nathum atam akhali manglāwui pongli thida leisai. Kha ara nathumli Varena Khristawui mangā eina ringngasakhaira kala ithumwui morei saikorala pheomihaira.

COLOSSIANAO 3:5

Chiwui vang eina nathumna okathui phasāwui ningkachāng kaja, sopkhamasap, makathar, khamathang-khamarang, makaphāli ningkachāng kala kākharām (kaja kākharām hi meoma̱li khokharum kathāna) hikathāthā hi chithitphalungra.

2 THESSALONICANAO 2:12

Chiwui athei chiya khamashungli mashitkasang kha morei kasāli ringkaphā athum chili yonngasakra.

2 TIMOTHY 2:15

Varewui pao mashungrik eina tamkachitheia akha sāda nawui otwui vang makhayakla Varewui miktāli tongchaoda mayākhami samphang khavai sālu.

JAMES 4:1

Nathumwui alungli khangama̱ khangashao hi khina shokkhangasakhala? Chi nathumwui ningli phasāwui ningkachāng otmāng kaphaning eina kashokna.

1 PETER 2:24

Moreili thihailaga khamashung khangarong ot sākhavai, Khrista a khalattana ithumwui morei aphasāli ngasoda thingtungli phungmihaira.

1 PETER 4:2

Chiwui vang eina ara hiwui eina thuida nawui okathuiwui mirin hi mikumowui ningkachāng eina maningla Varewui kaphaning eina okthuilu.

1 JOHN 1:9

Kha ithumna ithumwui morei Vareli hāngphatakha ana awui tuingashit chi makaimara, kala mashun chi sāmira: ithumwui moreila pheomida khayon sākahai saikorawui eina ana tharmira.