ROMNAO 6:10 - Kathara Bible (BSI)

¹⁰ Ana akhashida thihaogada moreina khiyangkha maleiluimana kala ana kharing hi Vareli ngasoda kharingna.

ROMNAO 6:10 Iomraidhean Croise

LUKE 20:38

Chithākha a kathewui Vare maningmana kha kharingawui Varena; kaja saikora awuili kharingna.”

ROMNAO 6:11

Chithada sāda nathumla moreili thihailaga Khristawui mangā eina Varewuili ringda lei kaji phaningphalungra.

ROMNAO 6:9

Ithumna thei kaja Khristali kathiwui eina ringngasakhaira kala mathiluilakmara, kathi kaho china awuitungli pangshap maleiluimana.

ROMNAO 8:3

Mikumowui phasāna ngazanhaoda ainna masākharar chi Varena sāshapa, chiya Varena Anaomayarali morei shimitmi khavai mikumowui khangachā chi khuingasakta chihorai, kala mikumowui khangachāli khalei morei chi Varena mamayāmana.

2 CORINTHNAO 5:15

Ana mi saikorawui vang thimi, hieina ringda khalei athumna athum khalattawui vang maringluila kha athumwui vang thimihailaga ringshok kahai awui vang ringranu.

2 CORINTHNAO 5:21

Kaja morei makhalei ali ithumwui vang eina morei phungngasaka, chiwui vang eina awui lungli ithum Varewui khamashung-khangaronga ngasāpai.

1 PETER 3:18

Kaja Khristanala morei kaphungbingwui vang thimikhashida ngachanghaira, ithumli Vareli thānzang khavai katharali makatharabingwui vang phasā eina chithita, kha manglā eina ringlui ngasaka.

1 PETER 4:6

Hiwui vang eina kathebingli eina tangda Paokaphā hi tamchithei kahaina kaja mikumo thada phasāli bichar sāhailala, Varewui thada manglā eina ringkhavaina.