ROMNAO 5:9 - Kathara Bible (BSI)

⁹ Chiwui vang eina ara awui thimalokhamiwui ashee china ithumli mashungmihaira; chithākha Varewui malungkhavāt chiwui eina ithumli ana kayākha mataida huimirakhala?

ROMNAO 5:9 Iomraidhean Croise

JOHN 5:24

“Kachangkhat eina nathumli kahāngna, iwui tui shāda ili kashirātali shitkasanga a chi katang makhavai kharing lei. Ali bichar masāmara, kha kathiwui eina kharingli kanshok kahaina.

ROMNAO 1:18

Mikumowui makaphā-makhayā kala morei saikora china khamashung chi mathei ngasakthuwa, chiwui vang kazingramwui eina Varewui malungkhavāt phongshoka.

ROMNAO 5:1

Ara shitkasangwui mangā eina ithumli mashungmihaoda ithumwui Proho Jishu Khristawui mangā eina Vareli mashithaira.

ROMNAO 5:10

Kaja ithum Varewui yangkashe ngasāda leilakha, Anaomayarawui thikhami mangā eina Vareli ngashimi, langmeikharda ara ithum ali ngashimhaoda Khristawui kharing mirin china ithumli kayākha mataida huimirakhala!

ROMNAO 8:1

Ara Khrista Jishuli ngasoda kharing athumli mayonshinamluimara.

ROMNAO 8:30

Chithada sāda Varena kapangkhui kahaibing chili hokhui kala hokakhuibing chili ana mashungmi, kala athumli awui tekhamatei samphangrum ngasaka.

EPHESIANAO 2:13

Kha ara nathum Khristali zanghaoda, katāva̱li leikasāwui eina Khristana tāmi kahai asheewui mangā eina nganaikhameili khuiungmihaira.

EPHESIANAO 2:3

Ithumla athum thada, phasāwui ningkachāng athishurda kala ningli sākhangai chi ungshung khavai sāda okthuisai. Chiwui vang eina ithumla athumwui thada Varena malungkhavāt naongarā ngasāsai.

1 THESSALONICANAO 1:10

Ithumli rāki kaji malungkhavāt chiwui eina kanshokkhame, kathiwui eina Varena ringkhangasaka Anaomayara Jishuwui pongli athumna ngazeksera.

HEBREWNAO 9:14

Chithākha Khristawui ashee eina kayākha mataida tharmirakhala? Katang makhavai Manglā chieina chukkhara maleila a khalatta Vareli pha̱mi. Awui ashee eina ithumwui mashun-makhui chi makaphā otsakwui eina tharmihaida kharinga Vareli otram ngatha̱pai khavai sāmi.

HEBREWNAO 9:22

kachangkhata ainwui athishurda ot saikora ashee eina tharmi ngasakpapama; kala ashee tākhami maningla morei mapheomipaimana.

1 JOHN 1:7

Kha ana kahorli khalei thada— ithumna kahorli okthuiakha ithum akha eina akha ngarumsak lei, kala Anaomayara Jishuwui ashee china ithumli morei saikorawui eina tharmi.