ROMNAO 5:8 - Kathara Bible (BSI)

⁸ Kha Varena ithumli kayākha leishikhala kaji hina kaja ithumna morei phungda leilakha Khristana ithumwui vang thimi.

ROMNAO 5:8 Iomraidhean Croise

ISAIAH 53:6

Yao thāda ithum saikora ma̱thuiserhaira, kachichā khalattawui apongli thuihaira; chieina ithum saikorawui morei awuitungli Prohona parmi.

JOHN 15:13

Ngasotnaobingwui vang manglā chihokhami hili lāngda hakkhamei leikashi maleimana.

JOHN 3:16

Khikhalajila Varena apuk-apagva̱li leishinā kahaiwui vang awui Naohonaotong chi mi, chieina ali shitkasanga mi kachiva̱ mashimānphalungmara kha katang makhavai kharing samphangra.

ROMNAO 3:5

Kha ithumwui makaphā kasā china Varewui khamashung chi theingasakta leiakha ithumna khi hāngra? Varena ithumli tandi khami chi a yona jira̱lā? (Ina hi mikumo akha thada kahāngna)

ROMNAO 4:25

Ithum moreiwui vang ali thingasaka kala mashungmi khavaiwui vang ringlui ngasaka.

ROMNAO 5:20

Ain khuikharā chi khayon-khamang chungsang khavaina; kha morei chungkasang eina Varewui lukhamashan chi lāngmeikharda chungsanga.

ROMNAO 5:6

Ithumna ngazankasa tharan, Varena retkahai atam chi horzakta Khristana morei kaphungbingwui vang thimi.

ROMNAO 5:7

Kachikathāna kaphā mi akhawui vang thimikashap leisālala, khipānakha khangaronga mi akhawui vanga mathimimana.

ROMNAO 8:32

Anaomayarali mashivāmla ithum saikorawui vang chigatmiakha ithumli ot saikora khalem eina mamimaralā?

ROMNAO 8:39

okathuiwui atungnala, azingnala, sākahai saikora hiwui khikhikhanala Khrista Jishu ithumwui Prohowui alungli khalei Varewui leikashi chiwui eina mangateithui ngasakrarmara.

GALATIANAO 2:20

chieina ringda khalei hi I maningluimana, kha Khristana ili kharingna. Arui ina ringda khalei hi Varewui Naomayara ili leishida amanglā chihokhame chili shitkasang mangā eina kharingna.

EPHESIANAO 2:7

Chithada sāda Khrista Jishuwui lungli awui leikashi chithei kahai chi khanaowa mithotli awui khavāt makhalei lukhamashan chi chitheipaira.

EPHESIANAO 5:2

Khristana ithumli leishida ithumwui vang Vareli ningyāng ungkhavai nganamkaphā kachigat kala pha̱phayākhami chithada, nathumla leikashiwui lungli yaothuizatlu.

1 TIMOTHY 1:16

Kha naoda kateibingna ali shitsangda makashimān mirin samphang khavaiwui ngayoyan sāda Khrista Jishuwui kākashung ja̱khami chiwui eina theikhui khavai Varena ili lumashankhamina.

HEBREWNAO 8:3

Pāngmon Kharei kachiva̱ hi Vareli kachigat kala pha̱kaphayāwui ot sākhavai kapangkasangna. Chithada sāda ithumwui Pāngmon Khareipāla khikhakha chigatphalungra.

1 PETER 3:18

Kaja Khristanala morei kaphungbingwui vang thimikhashida ngachanghaira, ithumli Vareli thānzang khavai katharali makatharabingwui vang phasā eina chithita, kha manglā eina ringlui ngasaka.

1 JOHN 3:16

Chithada sāda leikashi hi khikhala da chiwui eina ithumna theikhuipai; Khristana ithumwui vang amanglā chihomi. Chiwui vang eina avānaobingwui vang ithumnala manglā chihomi phalungki kajina.