ROMNAO 5:21 - Kathara Bible (BSI)

²¹ Moreina kathiwuilungli khamung thada, Jishu Khristawui mangā eina samkaphang Varewui lukhamashan china mashung ngasakta ithumli katang makhavai kharing miya.

ROMNAO 5:21 Iomraidhean Croise

MATTHEW 25:46

Kala athum katang makhavai tandipamli vāra, kha khamashungbingna katang makhavai kharingpamli vāra.”

JOHN 1:14

Kala Tui chi asā ngasāhaowa kala lukhamashan kala khamashung pemting eina ithumwui alungli raokthui. Avāvawui Naohonaotong sāda ana samkaphang awui tekhamatei chi ithumna yanga.

JOHN 10:28

Ina athumli makashimān kharing mi, chieina athum mathilākmara, kala athumli khipānakha iwui eina mangapaithuimara.

ROMNAO 4:13

Varena Abraham eina awui ara̱-azāli okathui hi athumwui ngasārada ngashitkhami hi ainwui mangā eina kharā maningmana, shitkasang khangarongwui vangna.

ROMNAO 5:12

Morei hi okathuili mi akhawui eina haophoka kala morei china kathi khuirai. Hithada sāda kathi hi mi saikorali rāshunghaowa, kachiwui vangkhala kaja mi kachiva̱na morei sāhaowa.

ROMNAO 5:14

Adamwui eina thuilaga Moses tāshungda mi saikorawuitungli kathina mungsai, naoda rāki kaje chiwui amahā sāda khalei Adamna Varewui kakaso kakaiwui morei kasā thada morei makasaa athumwuitungli eina tangda mungsai.

ROMNAO 5:17

Mi akhawui moreiwui vang kathina mungsai kha Jishu Khristana sāmi kahai athei china kayākha hakmeikhala! Varewui makhavāta lukhamashan kala khamashung-khangarongwui lemmet samkaphanga athumna Jishu Khristawui mangā eina kharing samphangra.

ROMNAO 6:12

Khamathangli zangda shimānkapai nathumwui phasā hi moreili mamungngasakalu.

ROMNAO 6:14

Moreili nathumwui akhavā masāngasakphalungmara, kaja nathum ainwui azingli maleila lukhamashanwui azingli lei.

ROMNAO 6:16

Nathumna akhava akhawui rao sāga da mayāhaiakha awui kahāng khanganā rao sāga kaji maningmalā? Hithada sāda morei sākha kathili thānsangra, kahāng khanganāli zangakha nathumli mashungmira.

ROMNAO 6:23

Kachiwui vangkhala kaja moreiwui sāman kathina, kha Varewui lemmet chiya ithumwui Proho Jishu Khristawui lungli katang makhavai kharing china.

ROMNAO 8:10

Kha Khristana nathumli leiakha, moreiwui vang nathumwui phasā thihailala mashungkhamiwui vang eina nathumwui manglā ringda lei.

TITUS 2:11

Kaja mikumo saikorali huikhui khavai Varena awui lukhamashan chitheimihaira.

HEBREWNAO 4:16

Chiwui vang eina lukhamashan khaleipam Varewui wungpamkhongli chihansa̱ vāsa. Chili ithum lukhamashan samphangra kala ithumna khavāt tharan ngachonmi khavai lukhamashan samphangra.

1 PETER 5:10

Kha nathumna kasha̱nakha kachotkachāng samphang kahaiwui thili Khristali ngarum kahaiwui vang katang makhavai tekhamatei samphangrum khavai hokhuikhame, lumashankatha Varena nathumli kākashung, khangazip, pangshap kala rungshing kahai mira.

2 PETER 1:1

Varewui khamashung khangarongli kala Jishu Khristawui lungli ithum shitkasang samphang kahaibingli ngaraichā eina Jishu Khristawui rao kala paokazata Simon Peterna kagapina.

1 JOHN 2:25

Khristana ithumli mira da ngashitmi kahai chi makashimān mirin china.