ROMNAO 5:2 - Kathara Bible (BSI)

² Shitkasangwui mangā eina arui ithumna Varewui lukhamashan lungli ringda khalei hi mazapyangda lei kala Varewui tekhamatei chi ithum samphangarumra kajiwui kachihānwui vang mathāna.

ROMNAO 5:2 Iomraidhean Croise

LAA 17:15

Kha iva khamashung-khangarong eina nali yangra, ina ngakarkathui tharan nazak theilaga ningyāng unglakhaora.

LAA 73:24

Nana hāngkachithei eina ngasoda ili thānmi, kala naoda nana tekhamatei eina ili samphangra.

CHĀNSAM 14:32

Makhayā mili awui makaphāna chithita, kha khangarong mina awui ningsākhangazipwui mangā eina ngayin khavai samphanga.

HABAKKUK 3:18

Prohowui mangāli I mathānchingra, Huikhame Varewui mangāli I ringphāchingra.

MATTHEW 25:21

Awui akhavā china ali hānga, ‘Phālakhaira, kaphā kala shitsangkapaiya rao, nana ot kateowa hi ningtonglak eina shikachinwui vang ina nali ot tarākhawuitungli akhavā sāngasakra; nawui akhavāwui khamathānli zanglu.’

JOHN 10:7

Chieina Jishuna hāngluishita, “Kachangkhat eina ina nathumli kahāngna; ina yaobingwui khamongna.

JOHN 10:9

I khamongna; kachikathāna iwui eina zangakha ali huimira, kala shok-zangda wonnui samphangra.

JOHN 14:6

Jishuna ngahānkai, “I shongfana, khamashungana, kala kharingana; iwui eina maningla Avāva̱wuili khipākha marāpaimana.

JOHN 5:24

“Kachangkhat eina nathumli kahāngna, iwui tui shāda ili kashirātali shitkasanga a chi katang makhavai kharing lei. Ali bichar masāmara, kha kathiwui eina kharingli kanshok kahaina.

OTSAK 14:27

Anina Antioch ungkashung eina Churchwui mibingli kaziprumda Varena anili shichinlaga kathada sāmamei kala kathada Gentilebingna shitsang khavai khāmong shomikhala kaji athumli hāngchithei.

ROMNAO 11:20

Chi mashunga. Athumna mashitsangthuda tektāhaowa kala nathumva shitsanghaoda makhangacheina kajiwui vang malangsoalu kha ningngasharlu.

ROMNAO 12:12

Nawui kachihān china nali ringphā ngasaklu, kachotkachāngli khāngda sālu kala seihā sāchinglu.

ROMNAO 14:4

Na khipāda akhavā khangateiwui raoli bichar kasākhala? Awui ot ungkashung maungkashung bichar saki kaje chiya rao chiwui akhavāmānga kala rao china nganingshapra, khiwui vangkhala jilaga Prohona ali nganingshap ngasakshapa.

ROMNAO 15:13

Kachihānwui ura̱ Vareli nathumna shitkasang khaleiwui mangā eina khamathān kala chingri kahai chipemiranu. Chieina nathumwui kachihān chi Manglā Katharawui pangshap eina mataisangra.

ROMNAO 2:7

Mi kaikhava kaphā ot sāchingda lei, kathi makhavai kharing phai; athumli Varena katang makhavai kharing mira.

ROMNAO 3:23

Mi saikora morei sāserhaoda Varewui tekhamatei chili makāshungmana.

ROMNAO 5:5

Kala kachihān hina ithumli kaphaning makai ngasakmana, kaja Varena ithumli thada khami Manglā Katharawui mangā eina awui leikashi chi ithumwui wuklungli heisangmihaira.

ROMNAO 8:1

Ara Khrista Jishuli ngasoda kharing athumli mayonshinamluimara.

ROMNAO 8:24

Kaja kachihān chiwui vang ithumli huimihaira. Kha kachihān chi ithumna mik eina theihaosi kaja chi kachangkhat kachihān maningmana. Kaja theikahai chili khipāna kachihān leikhala?

1 CORINTHNAO 15:1

Ivānaobing, ara ina nathumli hāshok kahai paokaphā chi nathumna shitsangda nganingtit kahai chiwui apongli phaningung ngasakngai.

2 CORINTHNAO 3:18

Kala mai mafakhamla awui tekhamatei yangda khalei ithum saikorava tekmateikhangai tekmateida awui sakrin thada ngacheihaora; kaja hi Mangla eina khaleia Prohowui eina kharāna.

2 CORINTHNAO 4:17

Aruihon kakhanang kateokha samkaphang hiliva katang makhavai tekhamatei chi samphang khavai ithum wui vang ngarānmida lei.

EPHESIANAO 2:18

Kaja Khristawui manga eina Jihudi eina Gentile, khanini Mangla akha eina Avāli zangkapaina.

EPHESIANAO 3:12

Khristali khangarumwui vang kala ali shitkasangwui mangā eina ithumna maiyārong eina kala ning nganungkhung eina Varewui mangāli zangkashapna.

EPHESIANAO 6:13

Chiwui vang eina ara Varewui raisāri chi shaksākhuilu! Chithākha makaphā zimiksho kharā tharan yangkashebingna rai rākatāli ngasungshapra; kala raikup vāshungda ngarar kahaiwui thilila nathum leisachingra.

2 THESSALONICANAO 2:16

Ithumli leishikhami kala awui lukhamashanlungli makhangachei malungkaping kala kachihān khame ithumwui Proho Jishu Khrista kala ithumwui Avāva̱ Varivarana,

HEBREWNAO 3:6

Kha Khristana anaomayara sāda Varewui shim ningtongda mayonmi. Ithumna kachihān chiwui vang khanao eina tangda ninglumtur eina singtitakha, ithum awui shimna.

HEBREWNAO 6:18

Chili khamataia khani lei, chiya mangacheipaiki kaji kala Varena maningmana majiki kaji china. Chieina awuili ningkhalum samphang kahai ithumwui vanga ithumwui mangāli haimi kahai kachihān chili singtit khavai panglāk eina kasatmiya.

1 PETER 3:18

Kaja Khristanala morei kaphungbingwui vang thimikhashida ngachanghaira, ithumli Vareli thānzang khavai katharali makatharabingwui vang phasā eina chithita, kha manglā eina ringlui ngasaka.

PHONGKHAMI 21:11

Varewui tekhamatei chi aman kasaka hirāmukta kala jasperwui kahān thada mathingrikhai.

PHONGKHAMI 21:23

Kala keinung chili hormi khavai zimikla kachāngla khikha masāvaimana; kaja Varewui tekhamateina chiwui kahorna, kala Yaonaona chiwui thaomeina.

PHONGKHAMI 21:3

kala wungpamkhongwui eina panglāk eina khavaokhon akha ina shai; “Yanglu, Varena mili okthuirumkachangda lei! Ana athumli ringrumra kala athum awui mi sāra, Varivara A khalattana athumli ngasopamra.

PHONGKHAMI 3:21

Ina khayui samphangda Ishāvāli ngasoda awui wungpamkhongli ngasokapam thada khayuiyapā chili iwui wungpamkhongli ili ngasopam khavai ina mayāmira.