ROMNAO 5:19 - Kathara Bible (BSI)

¹⁹ Kala mi akhawui kahāng makhanganāwui shongrān china mi kachungkhali morei kaphunga sākhangasak thada, mi akhawui kahāng khanganāwui athei china mi kachungkhali mashung ngasaka.

ROMNAO 5:19 Iomraidhean Croise

DANIEL 9:24

“Nawui mibing kala nathumwui kathara keinungwui pongli khalāng ot kasāwui eina ngalat khavai, morei kasā tangkhavai, kala pheomi khavai, katang mavaila khamashung khangarong samphang khavai, khamahātui eina marāntui khanini mahor namkhavai, kala tharmathengmeikap kajepam chi thao neomi khavai atam, zingkumwui haptā hangshini kakmihaira.

ROMNAO 11:32

Kaja mi saikorali lukhamashan chithei khavai Varena athum saikorali kahāng makhanganāwui rao sāngasakhaira.

ROMNAO 5:12

Morei hi okathuili mi akhawui eina haophoka kala morei china kathi khuirai. Hithada sāda kathi hi mi saikorali rāshunghaowa, kachiwui vangkhala kaja mi kachiva̱na morei sāhaowa.

ROMNAO 5:15

Kha khani chi mangaraichāmana, kaja Varewui lemmet chi Adamwui morei mathāmana; kachiwui vangkhala kaja mi akhawui moreiwui vang mi kachungkha kathi samphanga kaji mashunga. Kha Varewui lukhamashan hiya chili hakmeikhara. Chithada sāda mi akha kaja, Jishu Khrista, chiwui lukhamashan mangā eina mi kachungkhali lemmet mi.

ROMNAO 5:18

Mi akhana morei kasāwui vang mi saikorali yonngasak kahai thada, mi akhawui khamashung otsak china mi saikorali ningkhān kala kharing samphang ngasaka.

2 CORINTHNAO 5:21

Kaja morei makhalei ali ithumwui vang eina morei phungngasaka, chiwui vang eina awui lungli ithum Varewui khamashung-khangaronga ngasāpai.

EPHESIANAO 1:6

Ithumna awui tekhamatei lukhamashanwui vang Vareli sochikatsa, kaja lemmet chi awui khaluma Naomayarawui lungli ithumli mihaira.

PHILIPPINAO 2:8

A malung nimlaka kala kathi eina tangda kahāng nganai— krushli thimi.