ROMNAO 5:15 - Kathara Bible (BSI)

¹⁵ Kha khani chi mangaraichāmana, kaja Varewui lemmet chi Adamwui morei mathāmana; kachiwui vangkhala kaja mi akhawui moreiwui vang mi kachungkha kathi samphanga kaji mashunga. Kha Varewui lukhamashan hiya chili hakmeikhara. Chithada sāda mi akha kaja, Jishu Khrista, chiwui lukhamashan mangā eina mi kachungkhali lemmet mi.

ROMNAO 5:15 Iomraidhean Croise

ISAIAH 53:11

Amanglāna kachotwui heithei chi theida ningyāng ungra; iwui khangaronga raona awui awor eina, kachungkhali khamashungli shānsangra; kala athumwui khayonkhamāng ana phungmira.

DANIEL 12:2

Thida ngaleilungli chizan kahaibing ngakarthuiluira, kaikhana mashimānda okthui khavai, kaikhana maikashi kala katang mavaila ningkachai khavai.

MATTHEW 20:28

kaja miwui Naomayara eina tangda ali otram ngatha̱mi ngasak khavai kharā maningla ana otram ngatha̱mi khavai kala kachungkhawui vang ngatangman sāda amanglā chigatmi khavai kharāna.”

MATTHEW 26:28

khikhalajila hi tuingashitwui iwui asheena, morei pheomi khavai kachungkhawui vang heishokkhamina.

JOHN 3:16

Khikhalajila Varena apuk-apagva̱li leishinā kahaiwui vang awui Naohonaotong chi mi, chieina ali shitkasanga mi kachiva̱ mashimānphalungmara kha katang makhavai kharing samphangra.

JOHN 4:10

Jishuna ali ngahānkai, “Nana Varewui lemmet chi theisāsi kaja kala ‘Ili tara̱ khamimanglu’ da kapopa hi khipākhala da theisi kaja nana ali poda ana nali kharinga tara̱ chi mihaira̱ra.”

OTSAK 15:11

Ithumna shitsanga kaja Proho Jishuwui lukhamashan mangā eina athumli huikakhui thada ithumlila huikhuihaira.”

ROMNAO 5:12

Morei hi okathuili mi akhawui eina haophoka kala morei china kathi khuirai. Hithada sāda kathi hi mi saikorali rāshunghaowa, kachiwui vangkhala kaja mi kachiva̱na morei sāhaowa.

ROMNAO 6:23

Kachiwui vangkhala kaja moreiwui sāman kathina, kha Varewui lemmet chiya ithumwui Proho Jishu Khristawui lungli katang makhavai kharing china.

2 CORINTHNAO 5:14

Khristawui leikashina ithumli kuinammi, khiwui vangkhala jilaga mi akhana katongawui vang thimihaira kaja kathili ithumla ngarumhaira.

2 CORINTHNAO 9:15

Khamor eina mahāngkhararra awui lemmetwui vang Vareli ningshisa!

EPHESIANAO 2:8

Kaja shitkasang mangā eina nathumli huikhami hi Varewui lukhamashanna, nathumna sākakhui maningmana, kha Varewui lemmetna.

HEBREWNAO 2:9

Kha Varewui lukhamashan mangā eina mi kachiva̱wui vang thimiki kaje atam kasha̱khawui vang kazingraoli nemmeida sākahai Jishuli ithumna thei. Kathiwui kachotkachāng phungkhamiwui vang tekhamatei kala khayākakā eina kuihon sāda ngahonmi kahai chi ithumwui mik eina thei.

1 JOHN 2:2

Khrista akhalatta hi ithumwui morei pheomi khavai apongna, ithumwui moreiwui vangmāng maningla apuk-apagawui vangna.

1 JOHN 5:11

Varena ithumli kharing Manglā mihaira, kala hi Anaomayarawui mangā eina ithumna samkaphangna kaji hina shākhina.