ROMNAO 4:25 - Kathara Bible (BSI)

²⁵ Ithum moreiwui vang ali thingasaka kala mashungmi khavaiwui vang ringlui ngasaka.

ROMNAO 4:25 Iomraidhean Croise

ISAIAH 53:4

Kachangkhat eina ana ithumwui kakhanang phungmihaira; kala ithumwui sikafa phungthuimihaira; kha ithumnava ali Varena khanang khangasakna, shaomi kahaina, kala chotngasak kahaina da phaninga.

DANIEL 9:24

“Nawui mibing kala nathumwui kathara keinungwui pongli khalāng ot kasāwui eina ngalat khavai, morei kasā tangkhavai, kala pheomi khavai, katang mavaila khamashung khangarong samphang khavai, khamahātui eina marāntui khanini mahor namkhavai, kala tharmathengmeikap kajepam chi thao neomi khavai atam, zingkumwui haptā hangshini kakmihaira.

DANIEL 9:26

Haptā hangtharukta khaniwui thili thao neomi kahai akhali katathaida khikha maleimara; kala rāki kaje wungnaowui mibingna keinungla, kathara shimla sākazamhaora, khangachang atam chi tara̱ kaphong eina ngasorāra, kala khangachangli rai shokra; ramkachola khak tāhaira.

ZECHARIAH 13:7

O raighai, iwui yaokahomali thuingasunglu, ili khangalengpa chili ngasunglu da saikorawui Prohona hānga. “Yaobing chaiyanghai khavai yaokahomapā chili ngaphitlu; kateonaobingli ina pāng parra.

MATTHEW 20:28

kaja miwui Naomayara eina tangda ali otram ngatha̱mi ngasak khavai kharā maningla ana otram ngatha̱mi khavai kala kachungkhawui vang ngatangman sāda amanglā chigatmi khavai kharāna.”

ROMNAO 3:25

Mikumowui morei chi shitkasangwui mangā eina pheomi khavai Varena Jishu Khristali pha̱mi. Hi Varewui khamashung-khangarong chithei khavaiwui vangna.

ROMNAO 5:18

Mi akhana morei kasāwui vang mi saikorali yonngasak kahai thada, mi akhawui khamashung otsak china mi saikorali ningkhān kala kharing samphang ngasaka.

ROMNAO 8:3

Mikumowui phasāna ngazanhaoda ainna masākharar chi Varena sāshapa, chiya Varena Anaomayarali morei shimitmi khavai mikumowui khangachā chi khuingasakta chihorai, kala mikumowui khangachāli khalei morei chi Varena mamayāmana.

1 CORINTHNAO 15:17

Kala Khristali maringshok ngasakhaisāsi kaja nathumwui shitkasang chi aremana kala nathum moreilungli ngaphumchingda lei.

2 CORINTHNAO 5:15

Ana mi saikorawui vang thimi, hieina ringda khalei athumna athum khalattawui vang maringluila kha athumwui vang thimihailaga ringshok kahai awui vang ringranu.

2 CORINTHNAO 5:21

Kaja morei makhalei ali ithumwui vang eina morei phungngasaka, chiwui vang eina awui lungli ithum Varewui khamashung-khangaronga ngasāpai.

GALATIANAO 1:4

Aruihonwui makaphā mithot hiwui eina ithumli ningkhān ngasak khavai, ithumwui Vare kala Avāva̱wui kahāng nganāda Khrista a khalattana ithumwui moreiwui vang thimihaira.

GALATIANAO 2:20

chieina ringda khalei hi I maningluimana, kha Khristana ili kharingna. Arui ina ringda khalei hi Varewui Naomayara ili leishida amanglā chihokhame chili shitkasang mangā eina kharingna.

GALATIANAO 3:13

Kha ithumwui vang khonshi kahai akha sāda Khristana ithumli ainwui khonshāt eina ngatangmihaira. Kaja hithada kapihaida lei; “Thingtungli kathe ā chi Varewui khonshātlungli lei.”

EPHESIANAO 5:2

Khristana ithumli leishida ithumwui vang Vareli ningyāng ungkhavai nganamkaphā kachigat kala pha̱phayākhami chithada, nathumla leikashiwui lungli yaothuizatlu.

TITUS 2:14

makaphā makhayāwui eina ngatangkhuida awui kathara kala khamareka mi sākhavai a khalatta ithumwui vang chigatmi.

HEBREWNAO 8:3

Pāngmon Kharei kachiva̱ hi Vareli kachigat kala pha̱kaphayāwui ot sākhavai kapangkasangna. Chithada sāda ithumwui Pāngmon Khareipāla khikhakha chigatphalungra.

HEBREWNAO 9:28

Chiwui eina kachungkhawui morei pheomi khavai Khristali akhashida pha̱kaphayāna. Moreili bichar sākhavai maningla kha ali khangaraibingli huikhui khavai kakhane sāda rāluira.

1 PETER 1:21

Awui mangā eina nathumna Vareli shitsanga. Ali Varena kathiwui eina khangmathotta tekhamatei chi mi; chieina nathumwui shitkasang kala kachihān chi Vareli lei.

1 PETER 2:24

Moreili thihailaga khamashung khangarong ot sākhavai, Khrista a khalattana ithumwui morei aphasāli ngasoda thingtungli phungmihaira.

1 PETER 3:18

Kaja Khristanala morei kaphungbingwui vang thimikhashida ngachanghaira, ithumli Vareli thānzang khavai katharali makatharabingwui vang phasā eina chithita, kha manglā eina ringlui ngasaka.

1 JOHN 2:2

Khrista akhalatta hi ithumwui morei pheomi khavai apongna, ithumwui moreiwui vangmāng maningla apuk-apagawui vangna.

PHONGKHAMI 1:5

kala ningtongda shākhi sākhame Jishu Khrista, kathiwui eina pharākhare kala okathuili awungabingli khamungawui eina lukhamashan kala chingri kahai ngasāranu. Ana ithumli leishi kala awui thikhamiwui pha̱kaphayā eina ana ithumli moreiwui eina ningkhān ngasakhaira.

PHONGKHAMI 5:9

kala athumna laa kadhar akha sai: “Lairik akhalui chi khuida chiwui mahor namkahai sākhaingayilak kaje chi nalāka, khikhalajila nali sāthathaowa, laga nawui asheena shang kachiva̱wui eina, tuiyur kachiva̱wui eina, miyur kachiva̱wui eina, kala ngalei kachiva̱wui eina, Varewui vang mi lokhuihaira.

PHONGKHAMI 7:14

Chieina ina ali ngahānkai, “Amei, nana katheina,” Chieina ana ili hānga, “Athum hiya kachotkachāngwui eina shokkahaibingna kala athumwui sāri Yaonaowui ashee eina ngasa̱hailaga charshi eina sākhui kahaibingna.