ROMNAO 4:18 - Kathara Bible (BSI)

¹⁸ Chihānkapai apong maleisālaklala Abrahamna Vareli shitsangda kachihānwui vang yur saikorawui avāva̱ ngasāhaowa, kaja ali hithada hānghaisai: “Nawui ara̱-azā sirā ngayara.”

ROMNAO 4:18 Iomraidhean Croise

CHĀNSAM 13:12

Kachihān kaikahaina ning kazā ngasaka, kha ningkachāng ungkashung chi mirinwui thingrongna.

EZEKIEL 37:11

Chiwui thili ana ili hānga, “Miwui naomayara, ara̱kuibing hi Israelwui shimkhur katongana. Yanglu, athumna, ‘Ithumwui ara̱kui thengthuthaira, kala ithumwui kachihān shimānhaira, ithum maringluimara’ da hānga.

LUKE 1:18

Chieina Zechariahna kazingrao chili hānga, “Hi ina kathada theikhuipairakhala? Kaja I kasarnaona kala ipreiva̱la sarhaira.”

OTSAK 27:25

Chiwui vang ivānaongarā, malung pingmeilu, kaja ana ili hāngkahai chi tāzak eina shokra da ina Vareli shitsanga.

ROMNAO 4:17

Hithada kapihaida lei: “Ina nali yur kachungkhawui avāva̱ sāngasakhaira.” Chieina Abrahamna shitkasanga katheli ringkhangasaka kala khikha maleikasāwui eina semkhuikashapa Vare chiwui mangāli tuingashit chi phālak kahai otna.

ROMNAO 4:19

Zingkum shākha kānanaihaoda phasā ngazanhailala kala Sarah naoshuma jilala awui shitkasang masuitāmana.

ROMNAO 5:5

Kala kachihān hina ithumli kaphaning makai ngasakmana, kaja Varena ithumli thada khami Manglā Katharawui mangā eina awui leikashi chi ithumwui wuklungli heisangmihaira.

ROMNAO 8:24

Kaja kachihān chiwui vang ithumli huimihaira. Kha kachihān chi ithumna mik eina theihaosi kaja chi kachangkhat kachihān maningmana. Kaja theikahai chili khipāna kachihān leikhala?

HEBREWNAO 6:19

Kachihān hi ithumwui mirinwui pokkhui khavai katha sāda lei. Hiya kalākashi makhalei, makhangapatana, chonrān chi kānzangda zangkhamei kathara shim chili zangshunga.