ROMNAO 4:17 - Kathara Bible (BSI)

¹⁷ Hithada kapihaida lei: “Ina nali yur kachungkhawui avāva̱ sāngasakhaira.” Chieina Abrahamna shitkasanga katheli ringkhangasaka kala khikha maleikasāwui eina semkhuikashapa Vare chiwui mangāli tuingashit chi phālak kahai otna.

ROMNAO 4:17 Iomraidhean Croise

HAOKAPHOK 17:16

Ina ali somira, kala chili lāngda awui eina ina nali naomayara akha mira; ina ali somira, kala ana miyur kachungkhawui ava̱va̱ sāra; awui eina miyur kachungkhawui awungabing shokra.”

HAOKAPHOK 17:20

Ishmaelwui pongli ina nawui tui shāhaira; yanglu, ina ali somira kala ali athei mathei ngasakra kala kachungkha mataisangmira; ana wungnao tharāda khaniwui avāva̱ ngasāra, kala ina ali kahaka yur akha sāngasakra.

HAOKAPHOK 28:3

Pangshap sāshapa Varena nali somiranu kala athei matheida kachungkha mataisangmida nali miyur kahakva̱ ngasā ngasakranu.

ISAIAH 43:6

Inaomayara ngarā, inaongalāva̱ ngarā, okathui achikun matiwui eina khuirāser khavai, atoli Chihohaolu, azeli Makhāmalu da hāngra.

ISAIAH 44:7

I kathā khipā lei? Ali vaomalān ngasaklu, ali lānchithei ngasaklu kala iwui mangāli khuirāranu. Shokki kaji khipāna rilak eina hānghaisa? Shokluiki kajila athumna hāngmiranu.

ISAIAH 48:13

Ipāngna okathuiwui shimphunga sākhui, kala iwui yāpang eina kazingrambing phayaishoka; ina athumli kaho tharan, athumna shoknganingngaruma.

ISAIAH 49:12

Yanglu, iwui mibing katāva̱wui eina rāra, atung kala zingtunshongwui eina, kala hibing Syenne lamwui eina rāra.”

ISAIAH 51:2

Nashāvā Abrahamli, kala nathumli kapharāva̱ Sarahli yanglu; kaja amāng khalei tharan ina hokakhuina, kala ina ali somida kachungkha sāngasaka.

ISAIAH 55:12

“Kaja nathumna mathānda shokra, kala chingri kahailungli thānzatra; nathumwui mangāli khalei phungrei phungrābingna laa sāshokra, luiwui thingrong saikorana athumwui pāng kaphera.

MATTHEW 3:9

kala nathum khalatta ‘Ithumwui avāva̱ Abraham lei’ da maphaninghaialu; ina nathumli kahāngna kaja ngalungbing hiwui eina Varena Abrahamli nao kachungkha semmishapa.

JOHN 5:21

Avāva̱na kathebingli ringkhangasak thada Anaomayaranala ana ringngasakkhangaibingli kharing kaho chi mira.

JOHN 5:25

Ina kachangkhat kahāngna, atam rārāli, kathebingna Varewui Naomayarawui akhon shāki kaji atam rāshunghaira kala kashābingna ringra.

JOHN 6:63

Manglā china kharing chi khamina, asā hiya aremana; ina nathumli hāngkahai tui chi manglā kala kharingana.

OTSAK 15:18

da achālakhawui eina saikora hi chitheimi kahai Proho china hānga.’

ROMNAO 3:29

Chi maningakha Vare hi Jihudiwui vangmāngmalā? A Gentilebingwui Vare maningthulā? Mha, ā Gentilebingwui Varena.

ROMNAO 4:18

Chihānkapai apong maleisālaklala Abrahamna Vareli shitsangda kachihānwui vang yur saikorawui avāva̱ ngasāhaowa, kaja ali hithada hānghaisai: “Nawui ara̱-azā sirā ngayara.”

ROMNAO 4:2

Abrahamli awui otsakwui vang Varena mashungkhamina jisi kaja ana langsokapai lei, kha Varewui mangāli langsokapai maleimana.

ROMNAO 8:11

Jishuli ringlui khangasaka Varewui Manglā china nathumwui lungli leiakha, Khrista Jishuli kathiwui eina ringkhangasaka kala nathumwui lungli leiching kaje awui Manglā china nathumwui shimānkapai phasā chi ringngasakra.

ROMNAO 9:11

Kha nao akhali kapangkakhui china Varewui kaphaning ungshungchao khavai sha̱nao chili Varena hithada hānga, “Khararrana khanganoli otram ngatha̱mira.”

ROMNAO 9:26

Kala ‘Nathum iwui miyur maningmana’ da athumli kahāng apam chichang chili ‘Kharinga Varewui naongarā’ da athumli hora.”

1 CORINTHNAO 1:28

Okathuina saklak eina kaphaning chi shimān ngasak khavai, okathuina mayangkasanga kala khikha maningmana da kaphaninga chili Varena kapangkhui.

1 CORINTHNAO 15:45

Hithada kapihaida lei; “Mikumo khare Adamli manglākapai akha sāda semkhui” kha khanaowa Adamva kharing khame manglāna.

1 TIMOTHY 6:13

Ot saikorali kharing mirinkhame Vare kala Pontius Pilatewui mangāli mashungrik eina shitkasang hāngkaphatwui shākhi khame Jishu Khristawui mangāli

HEBREWNAO 11:12

Chieina kathi eina ngaraichā kahaia mi akhawui eina ara̱-azā kazingramwui sirā kala shamadrupheiwui situi ngayāda shoka.

HEBREWNAO 11:3

Shitkasang mangā eina ithumna theishingkhui kaja apuk-apagva̱̱ hi Varewui tui eina sākhui. Chieina theikapai otbing hi mik eina matheikhararra chiwui eina sākakhuina.

HEBREWNAO 11:7

Mik eina matheikharar naoda shokki kaji Varena hāngkhamathin tharan Noahna nganākasang chi shitkasang mangā einana. Varewui kahāng nganāda ashi shimkhurli huikakhuiya marikhong chi sākhui. Chiwui atheiva, okathuili khayon mihailaga shitkasang mangā eina kharā khamashung khangarong chi ana Varewui eina samphanga.

1 PETER 2:10

Atam akhali nathum Varewui mi mangasāsamana, kha ara awui mibingna. Atam akhali nathum awui lukhamashan matheisāmana kha ara nathum theihaira.

2 PETER 3:8

Leikashebing! tui hi khamalai masālakalu, kaja Prohowui miktāli thangkha eina zingkum thingkha khangatei maleimana. Awui vanga khanini chi ngaraichai.