ROMNAO 4:16 - Kathara Bible (BSI)

¹⁶ Chiwui vang eina tuingashit hi shitkasangli pheisin kasana. Chithada sāda tuingashit Varewui lukhamashan chi Abrahamwui ara̱-azāli khamina; hi ain khamayonabingwui vang maningla kha Abrahamwui thada shitkasanga mibingwui vangla zangda khamina.

ROMNAO 4:16 Iomraidhean Croise

ISAIAH 51:2

Nashāvā Abrahamli, kala nathumli kapharāva̱ Sarahli yanglu; kaja amāng khalei tharan ina hokakhuina, kala ina ali somida kachungkha sāngasaka.

LUKE 19:9

Chieina Jishuna ali hānga, “Mipā hila Abrahamwui ara̱-azā ngasahaoda aja shimkhur hili huikhami rāshunghaira.

ROMNAO 15:8

Ina nathumli kahāngna kaja Varewui ningkatong kala awo-ayibingli ngashitmi kahai chi ungshunga da theikhavai Khristana Jihudibingwui mahut sāda otram ngatha̱mi.

ROMNAO 3:22

Varena mikumoli mashungkhami hi Jishu Khristali shitkasangwui mangā einana. Jishu Khristali shitkasang mi saikorali Varena chithada sāmi, khikhalajila chili khikha khangatei akhala maleimana.

ROMNAO 3:30

Vare akhamaya, chieina Jihudibingli athumwui shitkasangwui mangā eina mashungmira.

ROMNAO 4:11

Ahui marimshokranglakha ana shitkasangwui vang khamashungana da khuisangkhami theikhavai ahui rimshoknao kajina. Chieina marimshoklala shitkasanga kala khamashungana da shānkhui kahaia athum saikorawui manglāwui pongli Abrahamna avāva̱na.

ROMNAO 5:1

Ara shitkasangwui mangā eina ithumli mashungmihaoda ithumwui Proho Jishu Khristawui mangā eina Vareli mashithaira.

ROMNAO 9:8

Hiwui kakhalata Varewui naongarā maningmana, kha Varewui ngashit kahai athishurda rākashoka naongarā chi khamashunga ara̱-azāna da khui.

GALATIANAO 3:14

Khristawui mangā eina Gentilebingli Varena Abrahamli ngashitmi kahai sokhami chi samphangpai khavai Khristana chi tākam eina thimi, chieina Varena ngashitmi kahai Manglā chi shitkasang mangā eina ithumna samphangpaira.

GALATIANAO 3:16

Ara Varena Abraham eina awui ara̱-azāli ngashitmihai, Vare tuili awui “Ara̱-azābingli” da mi tarākhali kahāng thada mahānghaimana kha awui “Ara̱-azāli” da mi akhamāngli hānga, chiwui kakhalat chiya Khrista, mi akha kajina.

GALATIANAO 3:22

Kha hithada hānghai, kaja okathui katonga moreiwui pangshap azingli lei. Chieina pheisin sāda ngashitmi kahai lemmet chi shitkasanga athum chili mihaira

EPHESIANAO 2:5

chiya kahāng manganāmada manglārinli thikasāwui eina Khristali ngasoda ithumli ana ringngasakmi. Awui lukhamashana nathumli huimi.

EPHESIANAO 2:8

Kaja shitkasang mangā eina nathumli huikhami hi Varewui lukhamashanna, nathumna sākakhui maningmana, kha Varewui lemmetna.

TITUS 3:7

Chieina awui lukhamashan mangā eina ithumli mashungmida ithumna kachihān makashimān kharing mirin chi samphang ngasaka.

2 PETER 1:10

Chiwui vang eina ivānaobing, nathumli hokakhui kala kapangkakhui chi shengmeida theikhui khavai sakmeida phaninglu. Chithākha nathum mangaphoklakmara,