ROMNAO 4:15 - Kathara Bible (BSI)

¹⁵ khikhalajila ain china Varewui malungkhavāt khuirai. Kha ain makhalei pamli chonkhamakān kaho maleimana.

ROMNAO 4:15 Iomraidhean Croise

2 WUNGNAOBING 22:13

“Iwui vang, mibingwui vang, Judahwui vang samkaphang lairik chiwui tui chi Proholi vāngasanlu; kaja ithumli makhamayāwui vang Prohowui lungvāt haklakhaira; khikhalajila ithumwui pongli hāngmi kahai saikora chiwui athishurda ishāvā ngarāna tui chi mamayonthuwa.”

JEREMIAH 4:8

Hiwui vang bora ngavaida pangda chapngachālu, kaja ithumwui eina Prohowui malungkhavāt mangareithuiranga.”

CHAPCHĀT 2:22

Langchin sākahai phanitli hokakhui thāda, apam kachiva̱wui eina nana ina khangacheebingli hokhui; kala Prohona malungvāthang khipākha mayāmshokmana, kharingla maringmana; Ina pharākakhui kala lumtir eina nganaokakhuibing chili, yangkashebingna sākazamhaowa.

EZEKIEL 7:19

Lupāsāla chānreili horkathānra, kala athumwui sināla makathar ot thāhaora; Prohowui malungkhavāt zimiksholi athumwui sinā eina lupāna athumli mangatangkhuirarmara; athumna athumwui kathai kala awuk machipemrarmara. Kaja china athumwui morei kasāli phei ngaphok khavai sāthuihaowa.

ZEPHANIAH 1:18

Prohowui malungkathui zimiksholi, athumwui lupāsānala, sinānala mangatangkhuirarmara, awui yuishātwui malungkhavāt alungli okathui saikora shimān ngasakra. Okathuili khalei saikora kashuirak hunkhawui alungli shimān ngasakra.

MISHĀN 32:14

Kala yanglu, navā ngarāwui mahut, morei kaphungbingwui mithot nathum shokrali, hieina Prohowui malungkhavāt chi Israelwuitungli mataimeida tāra!

JOHN 15:22

Ina athumli marātamchitheisāsi kaja athum morei kasā matheisāmara, kha ara athum moreiwui eina mayāmshokrarmara.

JOHN 3:36

Naomayara chili shitkasanga mi chi katang makhavai kharing lei; kahāng makhanganaa chi kharing kaho matheimara, kha Varewui malungkhavāt awuitungli lei.

ROMNAO 1:17

Kaja, Varivarana mikumoli kathada mashungmikhala kaji hi pao khamathāna phongmi: hi khare eina thuilaga khanao eina tangda shitkasang mangā einana. Hithada kapihaida lei, “Shitkasangwui mangā eina khangaronga ā chi ringra.”

ROMNAO 5:13

Ain mamiranglakhawui eina morei hi okathuili leisai; kha ain maleisāthuda moreina kaji matheisāmana.

1 CORINTHNAO 15:56

Kathina kathiri hi moreiwui eina samphanga kala moreina awui pangshap ainwui eina samphanga.

GALATIANAO 3:10

Ainwui otsakli kachihānbing khonkashilungli lei; kaja hithada kapihaida lei; “Ainwui lairikli kapi kahai saikora atam kachida makashurbing chi Varewui khonshātlungli lei.”

GALATIANAO 3:19

Chithākha ain chi khi sākhavai khamikhala? Hiya khayon otsak hi khikhala da theikhui khavai ngarumkasangna, kala ngashitmi kahai Abrahamwui ara̱-azā chi marāranglakha eina tangda zatsā khavaina. Ain hi Vare eina mikumowui marakli tuisak sāme sāda Varena kazingraoli shichinda mitā khamarona.

EPHESIANAO 5:6

Khipānakha nathumli makhaninga tui eina machipat ngasakalu, hikathāwui vang Varewui malungkhavāt chi kahāng makhanganābingwuitungli katāna.

COLOSSIANAO 3:6

Hikathā otsakbingwui vang Varewui malungkhavāt chi awui kahāng makhanganābingli tāra.

1 JOHN 3:4

Morei kasā mi chi Varewui ningkhami sākakhai mina, kaja morei kasā hi ain kakaina.

PHONGKHAMI 19:15

Miyurbingli maikashi mikhavai akhamorwui eina kazana raighai shoka. Ana mari-khāmshui eina mungra, kala khamunga Varivarawui malungkhavāt surkhui khavai chili ana naikazamra.