ROMNAO 4:14 - Kathara Bible (BSI)

¹⁴ Ain khamayonabingna shimlui kāki kajina jisi kaja shitkasang chi makānnāmana kala tuingashit chi achona,

ROMNAO 4:14 Iomraidhean Croise

LAA 119:126

Prohona saki kaji atamna, kaja nawui ain sākhaihaira.

ISAIAH 55:11

Iwui khamorwui eina kashok iwui tuila chithāra; khamasai eina ili malatungmara, kha ina khangarān chi ungshung ngasakra, ina kachiho chiwui athishurda reisang ngasakra.

JEREMIAH 19:7

Apam hili Judah eina Jerusalemwui khangarān saikora khikha makhaning ngasā ngasakra; kala athumwui mibingla yangkashibingwui mangāli raighai eina thingasakra, kala manglā khuikida khangarān athumwui pāngli thisang ngasakra. Athumwui angun khamasaili yongkazat vānaoli kala ramsāli shaingasakra.

MISHĀN 30:12

Kha agaharana chi shāthang shimitmihaiakha awui khangashit kala akhamor eina shākhi hangtā kahaibing chi khikha makhaning ngasāhaora. Chi agaharana shimitmi kahaina, chieina Prohona ali pheomira.

MISHĀN 30:15

Kha ana chi shālaga shimitmihaiakha, chiwui khayonkhamāng chi ana phungra.

ROMNAO 3:31

Chithākha shitsanghaowada ain hi maleiluimana jirala? Chila maningmana. Ainla singpapamda lei.

ROMNAO 4:16

Chiwui vang eina tuingashit hi shitkasangli pheisin kasana. Chithada sāda tuingashit Varewui lukhamashan chi Abrahamwui ara̱-azāli khamina; hi ain khamayonabingwui vang maningla kha Abrahamwui thada shitkasanga mibingwui vangla zangda khamina.

1 CORINTHNAO 1:13

Khristali ngakaipairalā? Nathumwui vang Paulli krushtungli shaothatlā? Kala nathumli Paulwui ming singda ra̱hikmilā?

GALATIANAO 2:21

Varewui lukhamashanli ina makhamayā maningmana, kha kachikathā mi akhali ainwui mangā eina mashungkhuimipaisi kaja Khristana thikhami hiya aremana.

GALATIANAO 5:4

Ain mayonlaga mashungkhuira da kasā athum chiya khalatta Khristawui eina shokkahaina. Nathum Varewui lukhamashanwui eina ayarli shokhaira.

PHILIPPINAO 3:9

kala ali ngarumchaohaipai. Ain khamayonwui vang I khalattawui khamashung khangarong chi I maleiluimana. Ara ina khalei chiya shitkasangli pheisinda Varewui eina kharā, Khristali shitkasang manga eina khami khamashung khangarong china.

HEBREWNAO 7:19

Kaja Moseswui ainna khilikhala makāshung ngasakrarmana. Ara phākhamei kachihān ithumli chitheimihaira. Chiwui mangā eina ithumna Vareli nganaimeihaira.

HEBREWNAO 7:28

Makaphayo mikumoli ainna pāngmon kharei sāngasaka, kha ainwui thili kharā Varewui ngashit kahai tui china katang mavaila kāshungchao ngasak kahai Anaomayarali kapangsanga.