ROMNAO 4:13 - Kathara Bible (BSI)

¹³ Varena Abraham eina awui ara̱-azāli okathui hi athumwui ngasārada ngashitkhami hi ainwui mangā eina kharā maningmana, shitkasang khangarongwui vangna.

ROMNAO 4:13 Iomraidhean Croise

HAOKAPHOK 12:3

Nali kasobingli inala sora, nali khonkashe chili inala khonshira kala okathui shimkhur hupta nawui mangā eina sokhami ngasāra.

HAOKAPHOK 17:16

Ina ali somira, kala chili lāngda awui eina ina nali naomayara akha mira; ina ali somira, kala ana miyur kachungkhawui ava̱va̱ sāra; awui eina miyur kachungkhawui awungabing shokra.”

HAOKAPHOK 28:14

nawui ara̱-azā okathuiwui chifayākhara, kala nathumna zingtunshong kala zingshoshong kala atungshong eina azingshong vāpeira; kala na eina nawui ara̱-azāwui eina okathuiwui shimkhur saikorali sokhami ngasā ngasakra.

HAOKAPHOK 49:10

Wungnao khānthing Judahwui eina mathuimara, lah khamungawui khāmshui apheiwui eina mathuimara, singkhangaye chi marāranglakha; kala mibingna ali khayāshira.

LAA 2:8

Ili polu, chieina yur saikora ina nawui shimluikat sāngasakra; kala okathui vākatangbing nawui ngasā ngasakra.

LAA 72:11

Awungabing saikora ali khorumranu, miyur saikorana ali otram ngatha̱ranu.

OTSAK 13:32

Chiwui vang eina Varena ishāvā ngarāli ngashitmi kahai paokaphā chi nathumli khuirāmi khavai hili ithum leili,

ROMNAO 4:12

Kala a hi amingmāng eina ahui rimshok kahaibingwuimāng maningla kha ithumwui avāva̱ Abrahamna ahui marimshokranglakha shitkasang thada shitkasangabing saikorawui avāva̱na.

ROMNAO 9:8

Hiwui kakhalata Varewui naongarā maningmana, kha Varewui ngashit kahai athishurda rākashoka naongarā chi khamashunga ara̱-azāna da khui.

GALATIANAO 3:29

Nathum Khristawuina jiakha, Abrahamwui ara̱-azāna kala Varena ngashitmi kahai chiwui shimluikatna.

HEBREWNAO 11:7

Mik eina matheikharar naoda shokki kaji Varena hāngkhamathin tharan Noahna nganākasang chi shitkasang mangā einana. Varewui kahāng nganāda ashi shimkhurli huikakhuiya marikhong chi sākhui. Chiwui atheiva, okathuili khayon mihailaga shitkasang mangā eina kharā khamashung khangarong chi ana Varewui eina samphanga.

HEBREWNAO 7:6

Melchizedek Leviwui shangnao maningmana, kha Varewui ngashit kahai samkaphanga Abrahamwui eina sharuk tharāwui akha khuida somi;