ROMNAO 4:12 - Kathara Bible (BSI)

¹² Kala a hi amingmāng eina ahui rimshok kahaibingwuimāng maningla kha ithumwui avāva̱ Abrahamna ahui marimshokranglakha shitkasang thada shitkasangabing saikorawui avāva̱na.

ROMNAO 4:12 Iomraidhean Croise

JOBWUI LAIRIK 33:11

ipheili ana zurthing sanga, kala iwui kazazatli ana yanga’ da hānga.

LAA 47:9

Abrahamwui Varewui mibing thāda, yurwui awungabing kazipa. Kaja okathuiwui chāngvei Varewuina; khayākakā malangluimana!

CHĀNSAM 2:20

Chiwui vang nana kaphā miwui apongli zatki kajina, kala khangarongawui shongfali mayonrali.

SOLOMONWUI LAA 1:8

O ngalānaobingwui ngachaili mathāmeikap kachiva̱, nana matheiakha yaoshangwui pheichon kazunda, nawui yaonaoli phāshai ngasaklu, yao kahomnaobingwui kachonshim ngalemli.

EZEKIEL 33:24

“Miwui naomayara, sāshimānmi kahaia Israelwui ngaleili khaleibingna, ‘Abrahamva amānga, kala ana lam hi samphanga; ithumva kachungkhaya, kachangkhat eina ithumli metchang kahaina’ da hāngda lei.

MATTHEW 3:9

kala nathum khalatta ‘Ithumwui avāva̱ Abraham lei’ da maphaninghaialu; ina nathumli kahāngna kaja ngalungbing hiwui eina Varena Abrahamli nao kachungkha semmishapa.

ROMNAO 4:11

Ahui marimshokranglakha ana shitkasangwui vang khamashungana da khuisangkhami theikhavai ahui rimshoknao kajina. Chieina marimshoklala shitkasanga kala khamashungana da shānkhui kahaia athum saikorawui manglāwui pongli Abrahamna avāva̱na.

ROMNAO 4:13

Varena Abraham eina awui ara̱-azāli okathui hi athumwui ngasārada ngashitkhami hi ainwui mangā eina kharā maningmana, shitkasang khangarongwui vangna.

2 CORINTHNAO 12:18

Hānglaksa jiakha Titus eina ali ngasokharā ichina hili saklak eina chihokharāna. Ithumwui ningphanin kala apong ngaraichada mazatthula?

1 PETER 2:21

Varena hikathāwui vang nathumli kahona, kaja Khrista khalatta nathumwui vang chotmi kala ngayo khavai haimi. Chieina nathumna awui pheichon kazunpaira.