ROMNAO 4:11 - Kathara Bible (BSI)

¹¹ Ahui marimshokranglakha ana shitkasangwui vang khamashungana da khuisangkhami theikhavai ahui rimshoknao kajina. Chieina marimshoklala shitkasanga kala khamashungana da shānkhui kahaia athum saikorawui manglāwui pongli Abrahamna avāva̱na.

ROMNAO 4:11 Iomraidhean Croise

HAOKAPHOK 17:24

Abrahamna ahui rimkashok chitharān a kum hangchikoda chiko kāshunghairasai.

LAA 47:9

Abrahamwui Varewui mibing thāda, yurwui awungabing kazipa. Kaja okathuiwui chāngvei Varewuina; khayākakā malangluimana!

SHONGZĀ 12:13

Ashee china khudam sāda nathum khaleipam theikhuira, kala ashee chi ina theilaga nathumli makānmihaida, Egypt ngaleili sākathat tharan kazātkashi mimao nathumli maraza̱mara.

SHONGZĀ 31:13

Israelnaobingli hānglu, “Nathumna iwui sabbathbing mayonphalungra, kaja I eina nathumwui ngachaili naothot peida hina khudam sāra, kaja nathumli Proho ina tharmathengmi.

SHONGZĀ 31:17

Hina I eina Israelnaobingwui ngachaili, Prohona kazingram eina okathui tharukthangwui alungli sai kala kashinethang pamda ngasāmkhui, kajiwui katang makhavai khudamna.”

EZEKIEL 20:12

Chili lāngda ina athumli tharngasak kahaina kaji theikhavai athum eina iwui ngachaili sabbath lei kajila hāngmihaira.

EZEKIEL 20:20

kala I Proho nathumwui Varena da theikhavai kala iniwui ngachaili khamachut sākhavai iwui sabbath tharmatheng ngasaklu.

MATTHEW 16:16

Simon Peterna ngahānkai, “Na Khrista, kharinga Varivarawui Naomayara china.”

MATTHEW 8:11

Ina nathumli kahāngna, mi kachungkha zingsho zingtunwui eina rāda kazing wungramli Abraham, Isaac kala Jacobli phazārumra,

LUKE 19:9

Chieina Jishuna ali hānga, “Mipā hila Abrahamwui ara̱-azā ngasahaoda aja shimkhur hili huikhami rāshunghaira.

JOHN 3:33

Awui shākhi khuikasanga china Vare hi khamashungalaka kaji hāngshapa.

JOHN 3:36

Naomayara chili shitkasanga mi chi katang makhavai kharing lei; kahāng makhanganaa chi kharing kaho matheimara, kha Varewui malungkhavāt awuitungli lei.

JOHN 6:35

Jishuna hānga, “I kharingawui kashakazāna, ili kharā mi chi mathaimara, kala ili shitkasanga mi chi mara̱changlakmara.

JOHN 6:40

Hi iwui Avāwui ningkachāngna kaja Anaomayarali theilaga ali shitkasangbingli katang makhavai kharing samphang ngasakra. Kala khanaowa zimiksholi ina ali ringshok ngasakra.”

JOHN 6:47

Kachangkhat eina ina nathumli kahāngna, shitkasanga mi chi katang makhavai kharing samphanga.

JOHN 8:33

Athumna ngahānkai, “Ithum Abrahamwui ara̱-azāna, kala khipākhawui rao masālakranga. Chieina ‘Nathumli ningkhān sāngasakra’ kajiwui kakhalat khikhala?”

ROMNAO 10:11

Kaja hithada kapihaida lei: “Ali shitkasang mi khipālikha kaphaning makaingasakmara.”

ROMNAO 10:4

Kaja Khristana ainwui pangshap chi tangngasakhaira, chieina shitkasanga mi kachiva̱li Varena mashungmira.

ROMNAO 10:6

Kha shitkasangwui mangā eina mashungkhamiwui apongli kathara lairikli hithada kapihai, “Kazingramli khipā kārakhala da na khalatta mangahānalu.” (chiya Khristali khuitā khavaina)

ROMNAO 3:22

Varena mikumoli mashungkhami hi Jishu Khristali shitkasangwui mangā einana. Jishu Khristali shitkasang mi saikorali Varena chithada sāmi, khikhalajila chili khikha khangatei akhala maleimana.

ROMNAO 3:26

Ridava ana ja̱mida athumwui moreila yangkheimisai, kha ara a khamashung-khangarongana da chithei khavai morei chila mayangkheimimana. Hithada sāda Vare amāngna khamashungana kala Jishuli shitkasanga mi kachiva̱li ana mashungmi kaji chitheimi.

ROMNAO 3:30

Vare akhamaya, chieina Jihudibingli athumwui shitkasangwui mangā eina mashungmira.

ROMNAO 4:10

Chithākha katharān ali khuisangmihaokhala? Chi ahui rimshok kahaiwui thilikā, mirimshokranglakhakhala? Chiya ahui rimshok kahaiwui thili maningla kha marimshokranglakhana.

ROMNAO 9:30

Chithākha ithumna khi hāngra? Chiya khamashung khangarongli makhangahoma Gentilebingna shitkasangwui mangā eina khamashung samphanghaowa.

ROMNAO 9:33

Kaja hithada kapihaida lei: “Yanglu, ina Zionli lunggui haihaida lei, chili mibingna phei ngaphokra, lunghār china athumli konglui ngasakra. Kha ali shitkasanga mi chili makhayak ngasakmara.”

ROMNAO 9:6

Israelnao saikora Varewui kapangkhui kahai maningserthuwa kajiwui vang Varewui ngashitmi kahai maungshungthura da kahāng maningmana.

2 CORINTHNAO 1:22

Ana ithumli mahor nammihaira kala naodala sokhami mira kajiwui khudam sāda ithumwui wuklungli Manglā Kathara sangmida ngashitmihaira.

GALATIANAO 3:22

Kha hithada hānghai, kaja okathui katonga moreiwui pangshap azingli lei. Chieina pheisin sāda ngashitmi kahai lemmet chi shitkasanga athum chili mihaira

GALATIANAO 3:29

Nathum Khristawuina jiakha, Abrahamwui ara̱-azāna kala Varena ngashitmi kahai chiwui shimluikatna.

GALATIANAO 3:7

Nathumna theingayiphalunga kaja shitkasang khalei mibing chi Abrahamwui ara̱-azā akachangbingna.

GALATIANAO 5:5

Shitkasangwui vang manglāwui pangshap eina Varena mashungmira kaji hi ithumwui kachihānna; kala chiwui vang khangaraina.

GALATIANAO 6:16

Hikathā ayin hi mirinli mayonrā kahai athumli chingri kahai kala phaningkhami chi leichingranu.

EPHESIANAO 1:13

Nathumli huikhami khuirākhami khamashungwui paokaphā chi nathumna kashā eina nathumla Varewui mibing ngasāhaowa. Nathumna Khristali shitkasangwui vang awuina da theikhavai ngashitmi kahai Manglā Kathara chi mida nathumwuitungli mahor namhaira.

EPHESIANAO 4:30

Kala ngatangkhami zimikshowui vang nathumli mahor namkahai Varewui Manglā Kathara chili makhanang ngasakalu.

KHALATLUI 30:6

Kala nathum eina nathumwui naongarāwui ningla Proho nathumwui Varena ahui rimshokmihaida athumna Proho nathumwui Vareli ningyāng tongtingda ali leishira, chithāda nathum ringpaira.

PHILIPPINAO 3:9

kala ali ngarumchaohaipai. Ain khamayonwui vang I khalattawui khamashung khangarong chi I maleiluimana. Ara ina khalei chiya shitkasangli pheisinda Varewui eina kharā, Khristali shitkasang manga eina khami khamashung khangarong china.

HEBREWNAO 11:7

Mik eina matheikharar naoda shokki kaji Varena hāngkhamathin tharan Noahna nganākasang chi shitkasang mangā einana. Varewui kahāng nganāda ashi shimkhurli huikakhuiya marikhong chi sākhui. Chiwui atheiva, okathuili khayon mihailaga shitkasang mangā eina kharā khamashung khangarong chi ana Varewui eina samphanga.

2 PETER 1:1

Varewui khamashung khangarongli kala Jishu Khristawui lungli ithum shitkasang samphang kahaibingli ngaraichā eina Jishu Khristawui rao kala paokazata Simon Peterna kagapina.

PHONGKHAMI 9:4

Khawoli, khamateka thingnā-rahāli kala thingrongli masāza̱paimara, kha khaveili Varewui mahor makakābingli makei khavai athumli kasoi.