ROMNAO 3:7 - Kathara Bible (BSI)

⁷ Iwui makhamashung china Varewui khamashung phongshokpaiakha kala ali tekmatei ngasakpaiakha khisāda ili arui eina tangda morei phunga da phenkhala?

ROMNAO 3:7 Iomraidhean Croise

HAOKAPHOK 37:20

Rālu, ithumna ali shaothathailaga khorchop akhali horsanghaosa, laga ali ramsāna shaikahaina jihaosa, awui mang chi khi shoknikhala yangkhuisa.”

SHONGZĀ 14:30

Chithāda sāda chithang, Egyptnaobingwui pāng eina Prohona Israelnaobingli kanmi; kala Israelnaobingna ngayipheili Egyptnaobing kathi chi thei.

SHONGZĀ 14:5

Mibing yāmhaira kaji kashā eina Egyptwui awunga Pharaohla, awui raobingla ning ngacheida hānga, “Ithumli otram khangatha̱wui eina Israelnaobingli chiho kahai hi ithumna khi kasākhala?”

SHONGZĀ 3:19

Pangshapa akhana tandi kasā maningakha Egyptwui awungana nathumli mamayāmara kaji ina thei.

MATTHEW 26:34

Jishuna Peterli hānga, “Kachangkhat eina ina nali kahāngna, arui ngayā harvāna makhongranglakha nana ili matheimana da kathum shida hatra.”

OTSAK 2:23

Rilak eina Varena ngarānping kahai athishurda Jishuli nathumwui pāngli horsangmi kala makaphābingwui pāng zangda ali krushtungli shaothat ngasaka.

ROMNAO 3:4

Maningphutmana! Kapi kahai thada mikumo hina khayona ngasāsālala Vareva khamashunga ngasāchingranu. “Nawui tuina nali mashung ngasakta, nali bichar kasā tharan nana yuira.”