ROMNAO 3:30 - Kathara Bible (BSI)

³⁰ Vare akhamaya, chieina Jihudibingli athumwui shitkasangwui mangā eina mashungmira.

ROMNAO 3:30 Iomraidhean Croise

ROMNAO 2:26

Ahui marimkashoka mi akhana ainwui ningkhami chi mayonakha Varena ali ahui rimkashoka akha thada makhuimarala?

ROMNAO 2:27

Chiwui vang eina nathum Jihudibing, ain leilaga ahui rimshoka, laga ain sākakhaiwui vang nathumli ahui marimkashokbingna ngashimshira. Khiwui vangkhala kaja athumva phasāli ahui marimshokchaolala ain mayona.

ROMNAO 3:22

Varena mikumoli mashungkhami hi Jishu Khristali shitkasangwui mangā einana. Jishu Khristali shitkasang mi saikorali Varena chithada sāmi, khikhalajila chili khikha khangatei akhala maleimana.

ROMNAO 3:28

Kachiwui vangkhala kaja mi akhali mashungkhami hi ain khamayon eina maningla shitkasangwui vangna kaji ithumna thei.

ROMNAO 4:16

Chiwui vang eina tuingashit hi shitkasangli pheisin kasana. Chithada sāda tuingashit Varewui lukhamashan chi Abrahamwui ara̱-azāli khamina; hi ain khamayonabingwui vang maningla kha Abrahamwui thada shitkasanga mibingwui vangla zangda khamina.

ROMNAO 4:9

Davidna hāngkahai sokhami tui chi ahui rimkashokmāngli kahānglā? Maningmana, ahui marimkashokbinglila kahāngna. “Abrahamna shitkasangwui vang Varena ali mashunga da shānkhui,” kaji ithumna hānghaira.

GALATIANAO 3:20

Kha mi akhamāngakha tuisak sāme darkar masāluimana kaja Vare akhamānga.

GALATIANAO 3:28

Chieina Jihudi eina Gentile, rao eina akhavā, sha̱nao eina mayarnao khangatei maleimana; Khrista Jishuli ngarumhaoda nathum akhamanga.

GALATIANAO 3:8

Varetuili hithada phongmihaida lei chiya, shitkasang mangā eina Varena Gentilebinglila mashungmira. Chieina Varetuina Abrahamli paokaphā chi hithada hānghaisai; “Nawui mangā eina miyur saikorali Varena somira.”

GALATIANAO 5:6

Kaja ithumna Khrista Jishuli ngarum kahai tharan, ahui rimkashoknala, marimkashoknala ngatei khangasak khikha maleimana. Leikashi mangā eina ot sākhangasaka shitkasang china khamataina.

GALATIANAO 6:15

Ahui rimkashoknala lah marimkashoknala maningmana; kha midhar khangasā hina akachangana.

KHALATLUI 6:4

“Nganālu, O Israel: Proho ithumwui Vare, Proho A mānga.

PHILIPPINAO 3:3

Akachang ahui rimkashok samphang kahaibing chi ithumna, athum maningmana, kaja ithumna Vareli awui Manglawui pangshap eina khoruma kala Khrista Jishuli ngarumda ithumwui mirinli mathāna. Ayarwui otsak khangalangli ithumna mashitsangmana.

1 TIMOTHY 2:5

Kaja Vare akha lei, kala Vare eina miwui ngachaili ngashikkhame akha lei— chiya Khrista Jishu,