ROMNAO 3:25 - Kathara Bible (BSI)

²⁵ Mikumowui morei chi shitkasangwui mangā eina pheomi khavai Varena Jishu Khristali pha̱mi. Hi Varewui khamashung-khangarong chithei khavaiwui vangna.

ROMNAO 3:25 Iomraidhean Croise

LAA 119:142

Nawui khamashung khangarong chichinga, kala nawui ain khamashungana.

LAA 22:31

kala mapharārang kaje yurli awui kankhami tui phongchitheira, kaja ana hi khuirāmihaira. mibingna

LAA 40:10

Iningli nawui khangachon huikhami chi mathumhaimana; nawui huikhamila, ningtongda shitsang kapaiwui ponglila ina matuihaira; nawui makhangachei leikashi kala ningtongda shitkasangla ina mathumhailakla hakkhamahā yarui kazipli hāngsanga.

LAA 50:6

Kazingramna awui khamashung khangarong phongmi, kaja Vare a khalatta bichar kasaana.

LAA 97:6

Kazingramna awui khamashung khangarong phongmi; kala yurbing saikorana awui tekhamatei thei.

LAA 98:2

Prohona awui khayui chi chitheimihaira, ana athut kakhui yur saikorawui mikyanli phongmihaira.

ISAIAH 53:11

Amanglāna kachotwui heithei chi theida ningyāng ungra; iwui khangaronga raona awui awor eina, kachungkhali khamashungli shānsangra; kala athumwui khayonkhamāng ana phungmira.

PĀNGMONSHI 16:10

kha Azazelwui vang kalā tākahaiya me chi Prohowui mangāli kharing eina chigatta pheomi khavai sāra, kaja mi makhalei lamhāngli Azazelli chihovāhaora.

PĀNGMONSHI 16:15

Chiwui thili ana mibingwui suihamchigatwui me chi taithatra, kala chiwui ashee chi mairārwui alungli khuizangra, kala mukkāwui ashee kasirkharor tākam eina lukhamashan pamkhongtungli kala mangāvāk kasirrorra.

JOHN 6:47

Kachangkhat eina ina nathumli kahāngna, shitkasanga mi chi katang makhavai kharing samphanga.

OTSAK 14:16

Thuikahai atamli yur saikorali kachichāwui zatkhangaingaili zatngasaksai.

OTSAK 15:18

da achālakhawui eina saikora hi chitheimi kahai Proho china hānga.’

OTSAK 17:30

Achālakha matheithangkhameiwui vang Varena yangkateomisai, kha apam kachiva̱li khalei mikumo saikorali ningngatei khavai ana kasoi.

OTSAK 2:23

Rilak eina Varena ngarānping kahai athishurda Jishuli nathumwui pāngli horsangmi kala makaphābingwui pāng zangda ali krushtungli shaothat ngasaka.

OTSAK 3:18

Kha Varena awui marānbing saikorawui khamor eina Khristana kachotkachāng phungphalungra da rida hāngkahai chi ana ungshung ngasakhaowa.

OTSAK 4:28

athumna kakazip hi nawui pangshap kala kaphaning eina shokkhavai ngarānping kahaina.

ROMNAO 2:4

Maningakha awui mahāngkharar lukhamashan, khāngkhami kala ja̱khami chili nana matheikhamila? Vare hi lumashankathana kaji nathumna thei. Chiwui vang eina ana nathumli ningngateikhui ngasakngai.

ROMNAO 3:26

Ridava ana ja̱mida athumwui moreila yangkheimisai, kha ara a khamashung-khangarongana da chithei khavai morei chila mayangkheimimana. Hithada sāda Vare amāngna khamashungana kala Jishuli shitkasanga mi kachiva̱li ana mashungmi kaji chitheimi.

ROMNAO 5:1

Ara shitkasangwui mangā eina ithumli mashungmihaoda ithumwui Proho Jishu Khristawui mangā eina Vareli mashithaira.

ROMNAO 5:11

Chimāng maningmana, kha ithumwui Proho Jishu Khristawui mangā eina ngashimmihaoda ithum ringphai.

ROMNAO 5:18

Mi akhana morei kasāwui vang mi saikorali yonngasak kahai thada, mi akhawui khamashung otsak china mi saikorali ningkhān kala kharing samphang ngasaka.

ROMNAO 5:9

Chiwui vang eina ara awui thimalokhamiwui ashee china ithumli mashungmihaira; chithākha Varewui malungkhavāt chiwui eina ithumli ana kayākha mataida huimirakhala?

1 CORINTHNAO 5:7

Nathumwui kachama morei saikora horhaolu, chithākha nathum tharchaohaora. Na khawok makazangana, kaja ara nathumwui makānkhami phanitwui khangarān kuphaira kala makānkhami yaonao Khristali pha̱phayāmihaira.

2 CORINTHNAO 5:21

Kaja morei makhalei ali ithumwui vang eina morei phungngasaka, chiwui vang eina awui lungli ithum Varewui khamashung-khangaronga ngasāpai.

EPHESIANAO 1:7

Kaja Khristawui asheena ithumli ningkhānmi, chiya ithumwui morei pheomihaira. Varewui lukhamashan kayākha hakmahākhala,

EPHESIANAO 2:13

Kha ara nathum Khristali zanghaoda, katāva̱li leikasāwui eina Khristana tāmi kahai asheewui mangā eina nganaikhameili khuiungmihaira.

1 TIMOTHY 1:15

Hi khuisangkapai kala shitsangkapai khamashunga chānjamna. Khrista Jishuna morei kaphungbingli huimi khavai okathuili rai. Chiwui ngachaili I morei phungmeikapa.

HEBREWNAO 10:4

Seishee, mesheena morei mapheorarlakmana.

HEBREWNAO 11:14

Hikatha kahāngabing hiya ramsom phākazatna da tharzā eina chithei.

HEBREWNAO 11:17

Chāng khayang tharan shitkasang mangā eina Abrahamna Isaacli pha̱phayā khavai chigata kala ngashit kahai samkaphanga a china akhamāng kaje anaomayarali chigatkida mangangmana.

HEBREWNAO 11:7

Mik eina matheikharar naoda shokki kaji Varena hāngkhamathin tharan Noahna nganākasang chi shitkasang mangā einana. Varewui kahāng nganāda ashi shimkhurli huikakhuiya marikhong chi sākhui. Chiwui atheiva, okathuili khayon mihailaga shitkasang mangā eina kharā khamashung khangarong chi ana Varewui eina samphanga.

HEBREWNAO 9:28

Chiwui eina kachungkhawui morei pheomi khavai Khristali akhashida pha̱kaphayāna. Moreili bichar sākhavai maningla kha ali khangaraibingli huikhui khavai kakhane sāda rāluira.

HEBREWNAO 9:5

Okotung chili angachāng kakā sāyurna Vare khaleiwui mathun sāda, lukhamashanpam chiwuitungli angachāngna farorhai. Kha saikora chi arui mahāngrarmana.

1 JOHN 1:10

Kha ithumna morei masāmana da hāngakha ali kakapika sāngasaka, kala awui tui ithumwuili maleimana.

1 JOHN 2:2

Khrista akhalatta hi ithumwui morei pheomi khavai apongna, ithumwui moreiwui vangmāng maningla apuk-apagawui vangna.

1 JOHN 4:10

Leikashi kaho chi hithai; ithumna Vareli leishikhare maningmana kha ana ithumli leishida ithumwui morei pheomi khavaiwui vang maseimi khavai Anaomayarali chihorāmi.

PHONGKHAMI 1:5

kala ningtongda shākhi sākhame Jishu Khrista, kathiwui eina pharākhare kala okathuili awungabingli khamungawui eina lukhamashan kala chingri kahai ngasāranu. Ana ithumli leishi kala awui thikhamiwui pha̱kaphayā eina ana ithumli moreiwui eina ningkhān ngasakhaira.

PHONGKHAMI 13:8

Okathui masāranglakha shaothat kahaia Yaonaowui kharinga lairikli kapisang kahaibing chi maningla okathui katongana ali khorumra.

PHONGKHAMI 20:15

kala kachikathāwui aming kharingawui lairikli mazangthura̱-akha chikathā mili meiwui ngayi hili horsanghaowa.

PHONGKHAMI 5:9

kala athumna laa kadhar akha sai: “Lairik akhalui chi khuida chiwui mahor namkahai sākhaingayilak kaje chi nalāka, khikhalajila nali sāthathaowa, laga nawui asheena shang kachiva̱wui eina, tuiyur kachiva̱wui eina, miyur kachiva̱wui eina, kala ngalei kachiva̱wui eina, Varewui vang mi lokhuihaira.