Biblia Todo Logo
Bìoball air-loidhne

- Sanasan -




ROMNAO 3:22 - Kathara Bible (BSI)

22 Varena mikumoli mashungkhami hi Jishu Khristali shitkasangwui mangā einana. Jishu Khristali shitkasang mi saikorali Varena chithada sāmi, khikhalajila chili khikha khangatei akhala maleimana.

Faic an caibideil Dèan lethbhreac




ROMNAO 3:22
30 Iomraidhean Croise  

Prohowui lungli ina mathānlakra, Iwui Varewui lungli imanglāna sochikatra; kaja ana ili huikhamiwui kachon ngavaimi, khamashung khangarongwui sāri shaksāmi, ngalā shakazāpāna awon khangachā thāda, shakazā ngalāva̱na sāri khongnang shakasā thāda.


Awui thotli Judahli kanmira, kala Israel chingri eina okthuira. Kala ali hoki kaji aming chi hina: ‘Proho hi ithumwui khamashung khangarongana.’


“Nawui mibing kala nathumwui kathara keinungwui pongli khalāng ot kasāwui eina ngalat khavai, morei kasā tangkhavai, kala pheomi khavai, katang mavaila khamashung khangarong samphang khavai, khamahātui eina marāntui khanini mahor namkhavai, kala tharmathengmeikap kajepam chi thao neomi khavai atam, zingkumwui haptā hangshini kakmihaira.


Kha avāva̱na awui raobingli kasoi, ‘Thakta mathāmeikap kaje kachon khuirāda ali rāngavaimilu. Apāngli khutop rāsangmilu kala pheihop ngahopmilu;


Athumli ningkhamaong maleila ngasovā khavai ili Manglāna hānga. Joppawui eina shitkasanga ivānao tharukla Caesareali ili ngasovai kala ithum saikora Corneliuswui shimli azanga.


Ana ithum eina athumli ngatei khangasak maleimana, kaja shitkasangwui mangā eina ana athumwui morei pheomi.


Awui mingli shitkasang china nathumna theida khalei mipa hili pangngasakhaira, kala Jishuwui mangā eina shitkasang china nathum saikorawui mangāli awui phasā pongngasakhaira.


Kaja, Varivarana mikumoli kathada mashungmikhala kaji hi pao khamathāna phongmi: hi khare eina thuilaga khanao eina tangda shitkasang mangā einana. Hithada kapihaida lei, “Shitkasangwui mangā eina khangaronga ā chi ringra.”


Chili mi saikora zanga, chiya Jihudi eina Gentilebing khangatei maleimana. Vare hiya saikorawui Prohona kala ali khangakao saikorali khavāt maleilakla somi.


Kaja Khristana ainwui pangshap chi tangngasakhaira, chieina shitkasanga mi kachiva̱li Varena mashungmira.


Chiwui vang eina, O mikumo! khipā khipākharanu, nana mi khangateibingwuitungli bichar saakha nali pheomikapai maleimana; kaja awuitungli bichar kasā eina nakhalatta yonngasakta lei, kachiwui vangkhala kaja bichar kasaa nanala awui tākam eina sāda lei.


Vare akhamaya, chieina Jihudibingli athumwui shitkasangwui mangā eina mashungmira.


Chiwui vang eina tuingashit hi shitkasangli pheisin kasana. Chithada sāda tuingashit Varewui lukhamashan chi Abrahamwui ara̱-azāli khamina; hi ain khamayonabingwui vang maningla kha Abrahamwui thada shitkasanga mibingwui vangla zangda khamina.


Ara Khrista Jishuli ngasoda kharing athumli mayonshinamluimara.


Chithākha ithumna khi hāngra? Chiya khamashung khangarongli makhangahoma Gentilebingna shitkasangwui mangā eina khamashung samphanghaowa.


Manglā akhamāngna ithum saikorali phasā akha sāda ra̱hikmi—kaja Jihudiranu, Gentileranu, raoranu, ningkhān kahaibingranu— ithum saikorali Manglā akhali mangrum ngasaka.


Khipāna nathumli khangateibingli hakmei ngasakkhala? Nathumwui khalei saikora hi Varena khami maningmalā? Chithākha kathada nathumna samphangda khalei chi lemmet makhaning thada langsopaikhala?


Thalala ithumna thei kaja ainwui otsakna khipalikha mamashungmirarmana, kha Jishu Khristali shitkasang manga einana, ainwui otsakna maningla Jishu Khristali shitkasang manga eina mashungmi khavai ithumna Jishu Khristali shitkasangna, kaja ainwui otsakna khipalikha mamashungmirarmana.


chieina ringda khalei hi I maningluimana, kha Khristana ili kharingna. Arui ina ringda khalei hi Varewui Naomayara ili leishida amanglā chihokhame chili shitkasang mangā eina kharingna.


Kha hithada hānghai, kaja okathui katonga moreiwui pangshap azingli lei. Chieina pheisin sāda ngashitmi kahai lemmet chi shitkasanga athum chili mihaira


Chieina Jihudi eina Gentile, rao eina akhavā, sha̱nao eina mayarnao khangatei maleimana; Khrista Jishuli ngarumhaoda nathum akhamanga.


Khristali khangarumwui vang kala ali shitkasangwui mangā eina ithumna maiyārong eina kala ning nganungkhung eina Varewui mangāli zangkashapna.


kala ali ngarumchaohaipai. Ain khamayonwui vang I khalattawui khamashung khangarong chi I maleiluimana. Ara ina khalei chiya shitkasangli pheisinda Varewui eina kharā, Khristali shitkasang manga eina khami khamashung khangarong china.


Hithada sāda Gentilebing eina Jihudibing, ahui rimkashok eina marimkashokbing, makākashunga Scythianaobing kala raonao eina ningkhān kahaibing khangatei maleiluimana, kha saikorali khalei Khrista hi tongtingana, Khrista saikorali lei.


Kala hithada hāngkahai tui chi ungshunga, “Abrahamna Vareli shitsanga kala ningtongda shitkasangwui vang khamashung khangaronga da ali shānkhui”, kala ali Varewui ngasotnao hoi.


Lean sinn:

Sanasan


Sanasan