ROMNAO 3:11 - Kathara Bible (BSI)

¹¹ theishingkakhui khipākha maleimana lah Vareli kaphā khipākha maleimana.

ROMNAO 3:11 Iomraidhean Croise

LAA 53:2

Varena kazingramwui eina yangtai mi saikorawuitungli; Vareli khangachee thangkhama mazanglikhala da.

LAA 53:4

Vareli khangakao makhalei, iwui mibingli khamui thāda kashaibing, makaphā ot kasā athum, theishingkakhui maleimala?

LAA 94:8

Theikhuilu, mangma̱meikap kajebing! mangkhama̱bing, nathum katharan thangmeinaorakhala?

CHĀNSAM 1:22

“O ningkashambing, nathum karankha ningshamfarakhala? Mashātkatheibingna karankha khamashātli mathanra̱ kala mangkhama̱bingna aworli ningkachaira?

CHĀNSAM 1:7

Proholi khangachee hi theishingkakhui haokaphokana; Mangkhama̱bingna thangkhamei kala hāngkachitheili yangkharinga.

ISAIAH 27:11

Thingphāng thengkahai eina tektāserhaowa; sha̱naobingna rāda chieina mei sai. Kaja hi mashun-makhui makathei miyurna, chiwui vang eina athumli kasāpānala athumli malumashanmara, athumli semkakhuiana athumli ngahankhangaila maleimara.

ISAIAH 31:1

Khangachon pokida Egyptli katā, athumwui siguili kachihānbing, kakhanang ngasāranu, siguigari kachungwui vang, raimibing kapingwui vang shitsangda, athumna Israelwui Katharali, mayangmana, Proholi maphāmana kala mangahānmana.

ISAIAH 55:6

Samphangpailakha Proholi phālu, nganailakha ali ngakaolu;

ISAIAH 65:1

“Ili makhangathingbingna ili phāranu, Ili makaphābingna ili samphangranu da ina ngarāna. “I hili leili, I hili leili” da ili makhangakao yurli ina hānga.

ISAIAH 9:13

Mibingna athumli kashaowa chili malatungmana; kala saikorawui Proholi kaphāla maphāmana.

JEREMIAH 4:22

“Kaja iwui mibing mangma̱haoda athumna ili matheithuwa; athum mangkhama̱ naomayarana, athum theishingkakhui maleimana. Makaphā kasāli athum themlaka, kha kathāda kaphā sara̱khala da matheimana”

HOSEA 4:6

Theikakhui khavātwui vang iwui miyur shimān ngasakhaira; kaja theikakhui chi nana makhuingaithuwa, iwui pāngmon khangasāwui eina nali khalanhaira. Kala nana nawui Varewui ningkhami malai kahaiwui vang, inala nawui naongarāli malaira.

HOSEA 7:10

Israelwui lāngkaso china ali khalatta mamayāmana, chithālala athumna athumwui Vare Proholi malatungmana, thatheilaga kaphāla maphāmana.

MATTHEW 13:19

Kachikathā akhana wungramwui tui shālaga bhap makatā tharan nawui wuklungli yaosang kahai athā chi chipee china rāyonthuiya; chi shongfapheili yaosang kahai kathāna.

ROMNAO 1:22

Athumna thangkhamana da hāngmāngmada mangkhama̱ ngasāhaowa,

ROMNAO 1:28

Athumna Vareli theikhangai ning makhaleiwui vang Varena athumli makhamathā kala makhangayi achamli zatngasakhaowa.

ROMNAO 3:10

Hithada kapihaida lei: “Khamashunga mi akhala maleimana, maleilakmana,

ROMNAO 3:12

Saikora mathuihaira; athum tongda nguihaira; khipākha kaphākasā maleimana, akha eina tangtala maleimana.”

ROMNAO 8:7

Kaja phasāwui athishurda kazata mi chiya Vareli yangkashena; ana Varewui ain mashurmana, kasāla masārarmana,

TITUS 3:3

Ithum atam akhali mangma̱sai, kahāngla manganāsāmana kala khangui pongli zatsai. Mik khamathak, pha̱sāwui ringkaphāmangli phāda kala yuikashi yangkashina pemhaida akha eina akha yangkharing ngaroksai.

1 JOHN 5:20

Varewui Naomayara rāhaira kala ithumli theishingkhui ngasakhaira kaji ithumna thei. Ithum khamashunga Vare, Anaomayara Jishu Khristali ringrumda lei. Hi khamashunga Vare kala makashimān Kharing china.