ROMNAO 2:9 - Kathara Bible (BSI)

⁹ Makaphā kasā mi kachiva̱li kachotkachāng eina wukakhanang tāshungra. Jihudili rira kala Gentilebinglila tāshungra.

ROMNAO 2:9 Iomraidhean Croise

2 THOTRINCHĀN 6:23

kazingramli nana shakāmida khayonali khayonwui athishurda, khamashungali khamashungwui athishurda bichar sāmilu.”

LAA 32:10

Makaphā-makhayā miwui khangashei kachungkhaya; kha Proholi shitkasangale makhangachei leikashina kuinama.

CHĀNSAM 11:23

Khangarongawui ningkachāng chi khamathāmāng eina tanga, makhayāwui ningkashai chi malungkhavāt eina vai.

EZEKIEL 18:4

Yanglu, manglā saikora iwuina; avāva̱ ngarāwuila anao ngarāwui manglāla iwuisera: morei kasā manglā chi thira.

EZEKIEL 22:31

Chiwui vang ina iwui malungkhavāt athumwuitungli heirorhaira. Iwui malungkhavātwui mei eina ina athumli yumngasakhaira, athumwui otsak athumwuitungli tāra da Proho VAREna hānga.”

AMOS 3:2

“Okathuiwui shimkhur saikorawui eina ina nashi shimkhurmāngli thei; chieina nathumwui khayonkhamāngwui vang ina nathumli tandi mira.

MATTHEW 16:26

Kaja mi akhana okathui tongda samphanglaga awui mirin shimānhaiakha awui tongkaza khi leikhala? Lha mi akhana awui mirin eina ngatha̱khuikapai khi leikhala?

LUKE 24:47

Kala awui ming singda nathumna Jerusalem eina thuida miyur saikorali ningngateida morei pheokhavai pao hāshokra.

OTSAK 11:18

Athumna hi kashā eina athumwui khayetla thāhaowa kala athumna Vareli masotchitkatta hānga, “Chithākha Gentilela ningngateikhuida kharing samphang khavai Varena mayāmihaira.”

OTSAK 13:26

“Ivānaongarā, Abraham shimkhurwui naobing kala nathumwui ngachaili Vareli khangacheebing, huikhami chānpao hi ithumli shirātrāmihaira.

OTSAK 20:21

Jihudinaobing eina Gentilenaobing moreiwui eina ningngateida Varewuili latung khavai kala ithumwui Proho Jishuli shitsang khavai ina ngaraichā eina hāngmachinmi.

OTSAK 26:20

Rimeikapta Damascusli khalei, chiwui thili Jerusalemli khalei kala Judeali khalei saikora kala Gentilebingli, moreiwui eina ning ngateida Vareli latunglu kala ning ngateihaira kaji otsak eina chitheiphalungra da ina pao hāshoka.

OTSAK 28:17

Zimiksho kathumthangwui thili ana apam chiwui Jihudi kathānabingli hokhuisera. Athum saikora rākazip khangarum tharan ana hānga, “Ivānao ngarā, ina iyurwui mibingli lah ithumwui avā ngarāna mitā khamaron khangachā zatkhanā chili khikha kakai masāhaisālaklala, Jerusalemli ili phātop sanghailaga Romewui pāngli horsangmi.

OTSAK 28:28

Chiwui vang eina ina nathumli theingasakkhangai chi hina, Varewui huikhami tui chi Gentilebingli shivāthaira; athumna khuisangra.

OTSAK 3:26

Varena awui rao chi kapangkhuida, mi kachiva̱na makaphā-makhayāwui eina mai ngareiungda sokhami samphang khavai rimeikapta nathumwuili chihorai.”

ROMNAO 1:16

Ina paokaphāwui vang makhayakmana, khikhalajila hi shitkasanga mi kachiva̱li, rimeikapta Jihudibingli kala Gentilebinglila huimi khavai Varewui pangshapna.

ROMNAO 10:12

Chili mi saikora zanga, chiya Jihudi eina Gentilebing khangatei maleimana. Vare hiya saikorawui Prohona kala ali khangakao saikorali khavāt maleilakla somi.

ROMNAO 2:10

Kha kaphā kasābingli Varena tekhamatei, khayākakā kala chingri kahai mira. Jihudibingli mirira kala Gentilebinglila mira.

ROMNAO 8:35

Chithākha ithumli khipāna Khristawui leikashi chi eina ngatei ngasakshaprakhala? Kachotkachāngnakā, ringkashinakā, rekakhareknakā, chāmreinakā, ka̱lā kashinakā, raighainakhala?

ROMNAO 9:24

Kaja ithum ana hokhui kahaibingna, Jihudibingmāngli maningla kha Gentilebingla zanga.

GALATIANAO 3:28

Chieina Jihudi eina Gentile, rao eina akhavā, sha̱nao eina mayarnao khangatei maleimana; Khrista Jishuli ngarumhaoda nathum akhamanga.

COLOSSIANAO 3:11

Hithada sāda Gentilebing eina Jihudibing, ahui rimkashok eina marimkashokbing, makākashunga Scythianaobing kala raonao eina ningkhān kahaibing khangatei maleiluimana, kha saikorali khalei Khrista hi tongtingana, Khrista saikorali lei.

2 THESSALONICANAO 1:6

Varena phāvaira kaji chi ana sāra, nathumli kachotkachāng khamibingli, ana kachotkachāng mira,

1 PETER 4:17

Bichar sāki kaji atam chi rāhaira, kala bichar chi Varewui shimkhur mibingli rira, kala hi ithumwui eina haophokra jiakha, Varewui Paokaphāli mashitkasang athumwui akatang chi katharali?