ROMNAO 2:6 - Kathara Bible (BSI)

⁶ Kaja Varena mi kachiva̱li kachichāwui otsak athishurda sāman mira.

ROMNAO 2:6 Iomraidhean Croise

JOBWUI LAIRIK 34:11

Kaja kachichāwui otsak athishurda kachichāna samphangra, kala awui apong athishurda hi awuitungli tāra.

LAA 62:12

kala O Proho, makhangachei leikashi nawuina. Kaja miwui otsak athishurda nana hanmiya.

SHONGZĀ 32:34

Kha ara, taulu, kala ina hāngkahai apam chili mibingli thānvālu; yanglu, iwui kazingraona nathumwui mangāli zatra. Chithālala, I kharā chitharan, ina athumwui morei chi athumwuitungli hāngsangra.”

CHĀNSAM 24:12

Nathumna “Yanglu, ithum hi matheisamana” da hāngakha, ningla theiser kaje china matheimarala? Namanglā mayonkhame china matheimarala? Kala ana kachichāwui kasā athishurda athut makhuimimarala?

CHĀNSAM 24:2

kaja athumwui ningna khangashao ngarāna, kala athumwui morchaina zakkashimāng matui.

CHĀNSAM 26:10

Mangkhama̱a kala maripkazāra mili ngalang phākasang hiya, malā kakāpana mi kachiva̱li kapphāphā kaji kathāna.

HĀSHOKME 3:17

Ina ningli phaninga, Varena khamashungalila, makhayaalila bichar sāra; kaja ana ot kachiva̱ kala otsak kachiva̱wui vang atam akha rethaira.

JEREMIAH 17:10

Proho, Ina ningli kapeoyanga, kala wuklungli tamyanga; mi kachiva̱li awui apongwui thishurda, awui kasāsāwui athei athishurda mikhavaina.”

JEREMIAH 32:19

thangkhamei ngalat kahai sāshap-pangshapana; mibingwui apong saikora theishapser kaje, kala mi kachiva̱li awui apong kala otsakwui athei athishurda nana sāman mi;

EZEKIEL 18:20

Morei kasā manglā chi thira. Avāva̱wui moreiwui vang naomayarana makhanangpaimana, lah naomayarana morei kasāwui vang avāva̱ makhanangpaimana; khamashungawuitungli khamashung khangarong tāra, kala makhayā mi chiwuitungli makhayā tāra.

EZEKIEL 18:30

“Chiwui vang eina, O Israel! nathum ava̱va̱li kachichāwui shongpong athishurda bichar sāra da Proho VAREna hānga. Ning ngateida nathum morei saikorawui eina latunglu, chi maningakha khayon chi eina shimānra.

EZEKIEL 36:19

Ina athumli yurbingwui ngachaili, ngalei apam kachiva̱li kashamvāser kahaina; athumwui acham aram kala kasākhavāwui athishurda ina bichar sai.

MATTHEW 16:27

Khikhalajila miwui Naomayarana awui kazingraobingli ngasoda Avāwui tekhamatei eina rāki kajina, kala chiwui thili mi kachiva̱li kachichāna sākahai chiwui athishurda ana runmira.

ROMNAO 14:22

Hiwui apongli nawui shitkasang chi Vare naniwui ngachaili hailu, kachikathā ot akha kasāli mashunga da theishingkhuilaga ningkakashak maleilakla kasā mi chili ringkaphā ngasāranu.

1 CORINTHNAO 3:8

Lingkasanga eina tara̱ chaikhame chi khangatei maleimana; Varena mi ava̱va̱li awui ot kasā athishurda sāman mira.

1 CORINTHNAO 4:5

Chiwui vang eina retkahai atam chi marāranglakha eina tangda khipālikha bichar masālu, Proho marāranglakha eina tangda ngaraisālu. Chithanghon tangkhamangli thumtit kahaibing kala mibingwui ningli kharin leilaga ngathum kahai saikora phongshokra. Chiwui thili mi kachiva̱ Verewui eina ana masot samphang khangayi chi samphangra.

2 CORINTHNAO 11:15

Chiwui vang eina chipeewui raobingna khamashunga rao sākakhaning kasak ot maningmana. Naoda athumna sākahai chi tāzakta samphangra.

2 CORINTHNAO 5:10

Ithum saikora Khristawui bicharli kānganingserphalungra, kala mi kachiva̱ ringlakha ana sākahai chiwui athishurda kaphā nilala, kashinilala sāman samphangra.

2 TIMOTHY 4:14

Mari kasā Alexanderna ili zakshilāk eina sai. Awui otsak chiwui vang Prohona sāman miranu.

PHONGKHAMI 2:23

Awui thikashurabingli ina sāthatserhaora, chieina church saikorana I hi mi saikorawui kaphaning sākhangai katheiana da theikhuira. Kala nathum kachiva̱li kachichāna sākahai athishurda mira.

PHONGKHAMI 20:12

Kathebing khareila kateola wungpamkong mangāli khanganing kala lairikbing harkahai chi ina thei. Khangatei lairik akhala harluihaowa, chiya kharingawui lairikna. Lairik hili kapi kahai tākam eina kathebingli athum kachichāna sākahai athishurda bichar sai.

PHONGKHAMI 22:12

“Yanglu, I thākta rāra, kachichāwui ot kasā athishurda mikhavai sāman ina khuirāra!