ROMNAO 2:3 - Kathara Bible (BSI)

³ O mikumo, nathumna hikathāthā hi nathum khalatta saakha Varewui bicharwui eina yāmshokpaira da phaninglā?

ROMNAO 2:3 Iomraidhean Croise

2 SAMUEL 10:3

Kha Ammonwui wungnaobingna Hanunli hānga, “Davidna navāli khayākashiwui vang ninglum ngasak khavai nali mi chihokharāna da phaningla? Keinung hi phākhuida ra̱yang khavai kala ngalei khuikhavai Davidna awui raoli kachiho maningmala?”

JOBWUI LAIRIK 35:2

“Hi mashunga da na phaningla? ‘Varewui mangāli hi iwui mashunna’ kajilamā,

LAA 50:21

Hikatha hi nathumna sāhaira, kala ina kasaikha pama, ila nathum kathā akhanada nathumna phaninga. Kha ara nathumwui mangāli kaphen khuishokta ina kakaharna.

LAA 56:7

athumwui khayon chiwui vang athumli athut hāngsangmilu; O Vare, lungvāt eina mibingli maikashi milu!

CHĀNSAM 11:21

Theishingkhuilu, makaphā mili kashong marāngla mathui ngasakmara, kha khangaronga athumli kanshokmira.

CHĀNSAM 16:5

Yākhangai hi Prohowui mangāli ningkakachai otna, ali tandi mamila machihomara kaji theilu.

EZEKIEL 17:15

Kha ana ali ngakaishida Egyptli wungmathun chihovālaga siguila kala raimila kachungkha samphang khavai sai. Ana ungshungshaprala? Hikathā kasā mina yāmshokshaprala? Tuingashit chi ana kailaga yāmshokshaprala?

EZEKIEL 17:18

Khikhalajila, ana shākhi sākahai kala tuingashit kaikahaiwui vang, apāng katatsanghailaga hikathāthā kasāwui vang, a mayāmshokpaimara.”

DANIEL 10:19

Kala ana hānga, “O leishikhailak kahaia mi, mangacheealu, nali chingrihairanu, pingmeida malung zangmeilu.” Kala ana ili kahāng eina I pangsanghaida chieina hānga, “Ishameina hāngmilu; kaja nana ili pangngasakhaira.”

MATTHEW 23:33

Phara̱bing, phara̱wui naongarābing, nathumna kazeiram vāki kajiwui eina kathada yāmshokpaira?

MATTHEW 26:53

Ina iwui Avāli poakha ana kazingrao ashang tharāda khanili lāngda hengsāda chihorāshapra da nathum matheimalā?

LUKE 12:14

Kha Jishuna ali hānga, “Mayara, nani khaniwuitungli bicharwo kala ngayarme sākhavai ili khipāna kapangsanghaikhala?”

LUKE 22:58

Khaleilaga mi khangatei akhana theilaga, “Nala athumwui ngachaili akhana?” da Peterli hānga. Kha Peterna, “Maningmana” da ngahānkai.

LUKE 22:60

Kha Peterna, “Mayara, nana khi kahāngkhala kaji I matheimana” da ngahānkai. Ana matui mahunglakha heng sāda harvāna khonghaowa.

ROMNAO 1:32

Hikathāthā ot saakha thira kaji Varewui ningkhami chi theilala athumna chi kasāmāng majila khangatei chithada kasābinglila mayāmi.

ROMNAO 2:1

Chiwui vang eina, O mikumo! khipā khipākharanu, nana mi khangateibingwuitungli bichar saakha nali pheomikapai maleimana; kaja awuitungli bichar kasā eina nakhalatta yonngasakta lei, kachiwui vangkhala kaja bichar kasaa nanala awui tākam eina sāda lei.

ROMNAO 2:2

Hikathā kasābingli Varena bichar kasā chi mashunga kaji ithumna thei.

ROMNAO 9:20

Kha Vareli ngahānkākashapa na khipākhala? Ngaleihamna hamkasā chili “Ili khisāda hithada sākhala?” da hangpairalā?

1 THESSALONICANAO 5:3

Mibingna, “Ara chingrihaira kala kalākashi maleimana” da kahāng tharan naokhara̱ thada kashuirak eina athumwuitungli kashimān rāra, chili yāmshok khavai maleisāmara.

HEBREWNAO 12:25

Chiwui vang eina ngasharlu, matuida khalei tui chi makhuikasang masaalu. Okathuili tharkhamatheng tui hāngkhami chili makhuikasang athum chi mayāmshokrarthuwa. Chithaakha kazingramwui eina khamatuia chiwui eina yāmshokkida kayākha sakrakhala?

HEBREWNAO 2:3

Hiyākha kahaka huikhami hili ithumna manganāsangla kathada yāmshokpairakhala? Khareli Prohona huikhami hi hāngmi. Kala kashābingna chi mashunga da shākhi mihaira.