ROMNAO 2:25 - Kathara Bible (BSI)

²⁵ Nana ain mayonakha ahui rimkashokwui kankhanā lei, kha ain sākhaida leiakha ahui rimkashokna khikha kankhanā maleimana.

ROMNAO 2:25 Iomraidhean Croise

JEREMIAH 4:4

Proho mingli nathum khalatta ahui rimshoklu, kala nathum wuklungwui ahuila rimshoklu, O Judahwui mibing kala Jerusalemnaobing; Iwui malungkathui mei thāda shokpaishina, kala chuida khipānakha mashimitrarpaishina, nathumwui makaphā kasāwui vang.”

OTSAK 7:51

“Hāngkashi mibing, wuklung kala khanā ahui marimkashoka mibing, nathumna Manglā Katharali ngakaishichinga. Nathumwui avā ngarāna kasa thada, nathumla chi tākamhai.

ROMNAO 2:13

kachiwui vangkhala kaja ain shāhaira kajiwui vang Varewui mangāli mashunghaira kaji maningmana, kha ainwui athishurda kasābing chili mashungkhamina.

ROMNAO 2:23

Nana Varewui ain singhaowa da langsoi— kha ain chi sākhaida Vareli makhayak ngasakmala?

ROMNAO 2:26

Ahui marimkashoka mi akhana ainwui ningkhami chi mayonakha Varena ali ahui rimkashoka akha thada makhuimarala?

ROMNAO 2:27

Chiwui vang eina nathum Jihudibing, ain leilaga ahui rimshoka, laga ain sākakhaiwui vang nathumli ahui marimkashokbingna ngashimshira. Khiwui vangkhala kaja athumva phasāli ahui marimshokchaolala ain mayona.

ROMNAO 2:28

Chithākha kachangkhat ahui rimshok kahaia akachanga Jihudi chi khipākhala? Ayar kala phasāmāngli rimkashoka china Jihudi akachanga maningmana.

1 CORINTHNAO 7:19

Kaja ahui rimkashoknala, marimkashoknala khikha maningmana, kha Varewui ningkhami khamayon hina khamataiyana.

GALATIANAO 6:13

Ahui rimkashokbingla ain mamayonmana, kha phasāwui khangachā ahui rimkashok chili nathumla mayāhaira da athumna kayāng khareili maikhayā samphang khavai kasāna.

GALATIANAO 6:15

Ahui rimkashoknala lah marimkashoknala maningmana; kha midhar khangasā hina akachangana.

KHALATLUI 30:6

Kala nathum eina nathumwui naongarāwui ningla Proho nathumwui Varena ahui rimshokmihaida athumna Proho nathumwui Vareli ningyāng tongtingda ali leishira, chithāda nathum ringpaira.