ROMNAO 2:24 - Kathara Bible (BSI)

²⁴ Hithada kapihaida lei, “Nathumwui vang eina Gentilebingwui ngachaili Varewui ming maishi ngasakhaira.”

ROMNAO 2:24 Iomraidhean Croise

2 SAMUEL 12:14

Chithālala, nawui otsak hina Proholi maishi khangasakwui vang pharā kahai nao hi thiphalungra”

ISAIAH 52:5

Ara iwui mibingli khikha makhaningwui vang khuithuihaira, ara ina khi sārakhala? da Prohona hānga. Athumwui khamungbingna chapa da Prohona hānga, kala langpongda katang mavaila iwui mingli chipata.

EZEKIEL 20:27

“Chiwui vang, miwui naomayara, Israelwui shimkhurli hithāda hānglu, Proho VAREna hithāda hānga: Hilila navā ngarāna ili yomlak eina chipatta sai.

MATTHEW 18:7

Morei sākhavai kasuiwui vang okathuili kakhanang ngasaranu! Kaja kasui hi rāphalungra, kha kasui rākhangasaka mi chi kakhanang ngasaranu!

1 TIMOTHY 5:14

Chiwui vang eina lārongpongbingna fathuida naola pharālaga shimkhurli kachingda ithumwui yangkashebingna ithumli khamashāt maleikhavai kasā phāmei.

1 TIMOTHY 6:1

Varewui mingli kala ithumwui tamkachitheili mamashāt khavai rao sāda khalei saikorana athumwui akhavābingli khayāshida phaningserranu.

TITUS 2:5

ningkakāva̱, shim pānkatheiva̱, lumashankatheiva̱ kala gahara ngarāwui kahāng khanganava̱ sākhavai tamchitheiphalungra; chithākha Varewui eina kharā chānpao chili mi khipānakha mamashātmara.

TITUS 2:8

Maphenkapai tui matuilu, chithākha ithumwui apongli athumna makaphā khikha hāngkhavai masamphangmada yangkashibing khayakkhuira.

2 PETER 2:2

Mi kachungkhana athumwui sokhamasap chili shurra kala athumwui otsak chiwui vang khamashung shongfa chilila mashātra.