ROMNAO 2:21 - Kathara Bible (BSI)

²¹ Nana kateili tamchithei, khisāda na khalattali matamchitheithu? Nana “maleepaimana” da hāshoka— kha na maleeli?

ROMNAO 2:21 Iomraidhean Croise

ISAIAH 42:20

Ana kachungkha theihaira, kha maphaningkhuilakmana; khanāva shai kha ana manganākhuilakmana.

ISAIAH 56:11

Fabing chi morhāklaka, kashap mavaimana. Yaokahombingla theishingkakhui malei, athum saikora khalattawui apongli ngareithuihao, kachichāwui kānkhanāli phāda akhala akhala chisera.

EZEKIEL 22:27

Awui alungli khalei wungnaobing, khara̱ngna sā makeikakhanār thāda, ashee tāngasaka, makhamashung apong eina tongkhavai manglā sāshimāna.

MICAH 3:11

Chiwui akhavābingna pheizāwui vang bichar sai, pāngmonbingna aman khuida tamchithei, marānbingna pheisāwui vang phonga; chithālala athumna Proholi chihānda hānga, “Proho ithumwui ngachaili maleimala? Ithumwuitungli makaphā marāmara.”

MATTHEW 21:13

Ana athumli hānga, “Hithada kapihaida lei, ‘Iwui shim hi seihā sākhavai shim hora’; kha nathumna khangaponabingwui akhur sāngasakhaira.”

LUKE 11:46

Kha Jishuna ngahānkai, “Ain kathemabing, nathumla kakhanang ringkashi ngasāranu! kaja nathumna mibingli maphungkhararra ot chiphuna, kha nathum khalattana kharita ot chili pāngmarengnao einala masāza̱mana.

LUKE 12:47

“Akhavāwui ningkachāng chi thatheilaga chi sākhavai makhangarāna kala akhavāwui ningkachāng athishurda makasā rao chi lijei shaira.

LUKE 19:22

Ana ali hānga, ‘He makaphā rao! Ina nali nawui chanhān tākam eina bichar sāra. Nana I sākashena, iwui makhaning chi kakhuia kala makhayao chi hātkakhuiana da thei jihaira!

LUKE 4:23

Chieina ana hānga, “Makahatlakla chānjam tui hi nathumna ili hāngra, ‘Khanong, na khalatta raikhuilu, nana Capernaumli sākahahai ithumna shākahai chi naram ngaleilila sālu’ jira.”

1 CORINTHNAO 9:27

Mi kateili khangahān chili rāzang khavai ngahot kahaia ili makhalanshokhai khavai ina iwui phasā hi makang ngasaka.

GALATIANAO 6:13

Ahui rimkashokbingla ain mamayonmana, kha phasāwui khangachā ahui rimkashok chili nathumla mayāhaira da athumna kayāng khareili maikhayā samphang khavai kasāna.