ROMNAO 2:2 - Kathara Bible (BSI)

² Hikathā kasābingli Varena bichar kasā chi mashunga kaji ithumna thei.

ROMNAO 2:2 Iomraidhean Croise

HAOKAPHOK 18:25

Khatharabingli makaphābing eina ngasoda shaokathat, kaja katharbingla makaphābingwui kashimānli zangkhangasak chi nawui eina katāva̱li leiranu! Okathui katongawui Bichar akhavāna mashun bichar masāmarala?”

JOBWUI LAIRIK 34:23

Kaja Varewui bicharli vākhavai ana mi akhawui vang atam mangachākhaimana.

LAA 145:17

Prohova saikorali khamashung khangarong eina sai, kala awui kasāsā saikora lukhamashanmānga.

LAA 9:4

Kaja iwui mashunwui vang nana nganingmihaira; nana wungpamkhongli pamda khamashung bichar samidalei.

LAA 96:13

Prohowui mangāli khamathān laa sāra, kaja ana okathuili bichar sākhavai rai. Ana khamashung khangarong eina ngasoda apuk-apagali kala mibinglila khamashung eina bichar sāra.

LAA 98:9

Prohowui mangāli, kaja ana okathuli bichar sākhavai rai. Ana apuk-apagali khamashung khangarong eina bichar sāra, kala mibingli mashun eina bichar sāra.

ISAIAH 45:19

Tangkhamangramli, ina ngathumda mamatuimana; ‘Maphākakhuilungli ili phālu’ da Jacobwui ara̱-azāli mahāngmana. Proho iya khamashung tui matui, khamashung chi ina lānmiya.”

ISAIAH 45:21

Hāngphatta nathumwui tuingaphun rāhānglu; athum ngasankhuingarumranu! Achālakha hi khipāna hāngkhala? Achālakhawui chi khipāna lānmi? Chi Proho ina maningmala? Kala I maningla vare katei maleiluimana, khamashung Vare kala Huikhame, I maningla katei maleiluimana.”

JEREMIAH 12:1

Ina nali iwui makapen kahāng chitharanla, khamashung khangaronga chi nana O Proho, chithālala nawui mangāli iwui tuingaphun chi hāngphalungrali. Khiwui vang eina makhayābingna shāng-leihao? Khiwui vang eina ning makatharbingna reisanghao?

EZEKIEL 18:25

“Laga nathumna, ‘Prohowui apong mamashungmana’ da hānga. Ara nganālu, O Israelwui shimkhur: Iwui shongpong mashun maleimala? Mashun makhalei apong chi nathumwui apong maningmala?

EZEKIEL 18:29

Chithālala Israelwui shimkhurna, ‘Prohowui otsak mamashungmana’ da hānga. O Israelwui shimkhur! Iwui otsak mamashungmala? Makhamashung chi nathumwui shongpong maningmala?

DANIEL 4:37

“Ara, kazingramwui awunga chili Nebuchadnezzar ina khayāshida masot miya; ava khamashung otmāng sai, khangarong pongli zata, kala lāngkaso athumli maishi ngasakshapa.”

ZEPHANIAH 3:5

Awui alungli khalei Prohova khamashung khangarongana, ana khangui ot masāmana; ngathor kachida awui mashun chithei, zingthanlam kachida khavāt maleimana; kha makathara china kakhayak matheimana.

OTSAK 17:31

Kaja ana kapangsang kahai mayarnao china okathui saikorali mashun bichar sāmi khavai zimiksho akha kak-kahaina. Ana mayara chili kathiwui eina ringngasakta mi kachiva̱li hiwui pongli shākhi mihaira!”

ROMNAO 2:1

Chiwui vang eina, O mikumo! khipā khipākharanu, nana mi khangateibingwuitungli bichar saakha nali pheomikapai maleimana; kaja awuitungli bichar kasā eina nakhalatta yonngasakta lei, kachiwui vangkhala kaja bichar kasaa nanala awui tākam eina sāda lei.

ROMNAO 2:3

O mikumo, nathumna hikathāthā hi nathum khalatta saakha Varewui bicharwui eina yāmshokpaira da phaninglā?

ROMNAO 2:5

Kha nawui ning khamarar kala mangacheikhangai china Varewui malungkhavāt kala mashun bichar sāthanghon ritkhamei tandi samphang khavai nakhalatta kazipkakhui ngasāra.

ROMNAO 9:14

Chithākha ithumna khi hāngra? Varewuili makhamashung leilā? Maningphutmana.

PHONGKHAMI 16:5

Chiwui thili tara̱wui kazingraona kahāng shai, “Nawui bichar mashungrikhai, aruila kharelila na chiching.

PHONGKHAMI 19:2

awui bichar mashungrik kahaina; shāmsāda okathui makhao khangasaka khayora akhavaiva̱li Varena bichar sāhaira. Varewui raobingwui ashee tākahai chiwui vang ali athut khuimihaira.”