ROMNAO 2:16 - Kathara Bible (BSI)

¹⁶ Chiwui vang eina ina hāshokta khalei Paokaphā hiwui athishurda khanaowa zimiksholi Varena Jishu Khristawui mangā eina miwui wuklungli ngathum kahai saikora phongshoksera.

ROMNAO 2:16 Iomraidhean Croise

HAOKAPHOK 18:25

Khatharabingli makaphābing eina ngasoda shaokathat, kaja katharbingla makaphābingwui kashimānli zangkhangasak chi nawui eina katāva̱li leiranu! Okathui katongawui Bichar akhavāna mashun bichar masāmarala?”

LAA 50:6

Kazingramna awui khamashung khangarong phongmi, kaja Vare a khalatta bichar kasaana.

LAA 96:13

Prohowui mangāli khamathān laa sāra, kaja ana okathuili bichar sākhavai rai. Ana khamashung khangarong eina ngasoda apuk-apagali kala mibinglila khamashung eina bichar sāra.

LAA 98:9

Prohowui mangāli, kaja ana okathuli bichar sākhavai rai. Ana apuk-apagali khamashung khangarong eina bichar sāra, kala mibingli mashun eina bichar sāra.

HĀSHOKME 11:9

Mathānlu, O Yaronnao, na yaronshaplakha, yaronshaplakha ningngasa̱ta eina, nawui ningwui kala nawui mikwui apongli zatlu; kha ot saikora hiwui vang Varena nali bicharpamli khuirāra kaji theilu.

HĀSHOKME 12:14

Kaja kaphāla kashila, ngathum kahai saikora bichar sāthang Varena khuishokserra.

HĀSHOKME 3:17

Ina ningli phaninga, Varena khamashungalila, makhayaalila bichar sāra; kaja ana ot kachiva̱ kala otsak kachiva̱wui vang atam akha rethaira.

MATTHEW 16:27

Khikhalajila miwui Naomayarana awui kazingraobingli ngasoda Avāwui tekhamatei eina rāki kajina, kala chiwui thili mi kachiva̱li kachichāna sākahai chiwui athishurda ana runmira.

LUKE 8:17

“Kaja maphongshokla thumhaoki kaji khikha maleimana, lah matheiki kaji kala kahorli makhuishokla kafakhamhaoki kaji khikha maleimana.

JOHN 12:48

Ili mamayāmada iwui tui makhuisangakha ali bichar sākhavai akha lei; ina hāngkahai tui china khanaowa zimiksholi awui bicharwo ngasāra.

OTSAK 10:42

Kala kharingabing eina kathebingli bichar sāmi khavai Varena ali kapangkhui kahaina kaji mibingli shākhi sākhavai kala hāshok khavai ithumli ana kaso kahaina.

OTSAK 17:31

Kaja ana kapangsang kahai mayarnao china okathui saikorali mashun bichar sāmi khavai zimiksho akha kak-kahaina. Ana mayara chili kathiwui eina ringngasakta mi kachiva̱li hiwui pongli shākhi mihaira!”

ROMNAO 16:25

Ithum Vareli tekkmatei ngasaksa! Ina hākashoka paokaphā Jishu Khristawui chānpao athishurda kala achālakhawui eina ngathumhaikasā khamashung chi phongmi kahai athishurda Varena nathumwui shitkasang pheisin ngatar ngasakshapa.

ROMNAO 2:5

Kha nawui ning khamarar kala mangacheikhangai china Varewui malungkhavāt kala mashun bichar sāthanghon ritkhamei tandi samphang khavai nakhalatta kazipkakhui ngasāra.

ROMNAO 3:6

Maningphutmana! Vare khangaronga maningsi kaje ana kathada okathuili bichar sapairakhala?

1 CORINTHNAO 15:1

Ivānaobing, ara ina nathumli hāshok kahai paokaphā chi nathumna shitsangda nganingtit kahai chiwui apongli phaningung ngasakngai.

1 CORINTHNAO 4:5

Chiwui vang eina retkahai atam chi marāranglakha eina tangda khipālikha bichar masālu, Proho marāranglakha eina tangda ngaraisālu. Chithanghon tangkhamangli thumtit kahaibing kala mibingwui ningli kharin leilaga ngathum kahai saikora phongshokra. Chiwui thili mi kachiva̱ Verewui eina ana masot samphang khangayi chi samphangra.

2 CORINTHNAO 5:10

Ithum saikora Khristawui bicharli kānganingserphalungra, kala mi kachiva̱ ringlakha ana sākahai chiwui athishurda kaphā nilala, kashinilala sāman samphangra.

GALATIANAO 1:11

Ivānaongarā, ina tamkachithei paokaphā hi miwui maningmana kaji nathumli theishingkhui ngasakngai.

1 TIMOTHY 1:11

Tamkachithei chi tekhamatei kala sokhame Varewui eina kharā, chi chishāt khavai ili horsangmi kahai paokaphāli samphanga.

2 TIMOTHY 2:8

Ina paokaphā hākashokli tamkachithei kathiwui eina ringshok kahaia kala Davidwui naotun Jishu Khristali phaningunglu.

2 TIMOTHY 4:1

Kharingabinglila, kathebinglila bichar sāki kaje Vare kala Khrista Jishuwui miktāli kala ana Awunga sāda rāmungki jihaoda ina nali hi saklak eina kapona.

2 TIMOTHY 4:8

Chithang Zimiksho khangaronga mashunwona, imāngli maningla kha leikashi eina ngasoda ali khangaraibing saikorali miki kaji khamashung khangarongwui wungkuihon china ili ngaraili.

HEBREWNAO 9:27

Mi saikora akhashida thiphalungra.

1 PETER 4:5

Kha athumna kharingbinglila, kathebinglila bichar sāki kaje Vareli athumwui sākahai saikora chiwui hishap misera.

2 PETER 2:9

khamashungbingli kathada kachotkachāngwui eina kanshokrakhala kala bichar sāki kaji zimiksho marāranglakha makaphābingli kathada tandi mida narhairakhala kaji Prohona thei.