ROMNAO 2:13 - Kathara Bible (BSI)

¹³ kachiwui vangkhala kaja ain shāhaira kajiwui vang Varewui mangāli mashunghaira kaji maningmana, kha ainwui athishurda kasābing chili mashungkhamina.

ROMNAO 2:13 Iomraidhean Croise

LAA 143:2

Naraoli bichar masāmialu; kaja nawui mangāli khamashung eina kharing mi maleimana.

JEREMIAH 11:6

Kala Prohona ili hānga, “Judahwui keinungbing kala Jerusalemwui chānreibingli tui saikora hi chishātlu: Ngashitkahai tui hi khuisangda chiwui athishurda sālu.

EZEKIEL 20:11

Athumli ina iwui shiyan-chikan mihaira kala ain chitheihaira, kala chi khamayon mina kharing samphangra da hāngchithei.

LUKE 18:14

Ina nathumli kahāngna, “Phariseepā maningla khāshinā khalokapāna pheokhami samphangda shimli hanunghaowa; kaja khalatta hakkakhui mi kachiva̱li teongasakra kala khalatta kateowana da kaphaninga mi chili hakngasakra.”

LUKE 8:21

Chieina ana athumli ngahānkāda hānga, “Varewui tui nganāda chi kasā athum chi ishava̱ kala ichināngarāna.”

JOHN 13:17

Ara khamashung hi nathum theihaira; nathumna hiwui athishurda saakha kayākha ringkaphā ngasārakhala!

OTSAK 13:39

Moseswui ainna nathumli ningkhān masā ngasakkharar chi hipāwui mangā eina shitkasanga kachiva̱li ningkhān ngasakhaira.

ROMNAO 10:5

Ain mayonlaga mashungkhamiwui apongli Mosesna kakapi chi hina: “Ainwui kakaso khamayona mipā china ainwui athishurda ringra.”

ROMNAO 2:25

Nana ain mayonakha ahui rimkashokwui kankhanā lei, kha ain sākhaida leiakha ahui rimkashokna khikha kankhanā maleimana.

ROMNAO 3:20

Kachiwui vangkhala kaja ainwui otsak china mikumo khipālikha Varewui mangāli mashungkhami maleimana. Ainwui eina kashok chiya mikumona morei sāhaira da theikhui khangasakmanga.

ROMNAO 3:23

Mi saikora morei sāserhaoda Varewui tekhamatei chili makāshungmana.

ROMNAO 3:30

Vare akhamaya, chieina Jihudibingli athumwui shitkasangwui mangā eina mashungmira.

1 CORINTHNAO 4:4

Ina khangui khalāng sākahai I matheimana, kha china I mashungchaowa kaji maningmana. Iwuitungli bichar kasaa chi Prohona.

GALATIANAO 2:16

Thalala ithumna thei kaja ainwui otsakna khipalikha mamashungmirarmana, kha Jishu Khristali shitkasang manga einana, ainwui otsakna maningla Jishu Khristali shitkasang manga eina mashungmi khavai ithumna Jishu Khristali shitkasangna, kaja ainwui otsakna khipalikha mamashungmirarmana.

GALATIANAO 5:4

Ain mayonlaga mashungkhuira da kasā athum chiya khalatta Khristawui eina shokkahaina. Nathum Varewui lukhamashanwui eina ayarli shokhaira.

KHALATLUI 4:1

“Chieina ara, O Israel, ina tamchithei kahai ain kala shiyan-chikanbing chi ningkachang eina mayonlu, kala chibing chi sālu; chithakha nathum ringra, kala navā ngarāwui Proho Varena mikahai apam chili nathumna vāda samphangra.

KHALATLUI 5:1

8Mosesna Israel saikorali hokhuida athumli hānga, “Nganālu, O Israel, ina aja nathumli shākhavai kagaso ain kala shiyan-chikanbing hāngkachithei hi nathumna ningkachāng eina shākhuida hi mayontitlu.

KHALATLUI 6:3

Chiwui vang eina nganālu O Israel, ning ngasharlak eina chibing chi sākhavai sālu; chithākha nathum mahaimeira, kala navā ngarāwui Proho Vare china nathumli ngashitmi kahai thāda, seina̱ eina khuira̱ khalong ngalei chili nathum kachungkha mayāsangra.

JAMES 1:27

Varivara kala Avāva̱wui mangāli kashenga kala khamakhao makhalei dharma chi: marānao eina ra̱meinaowui kakhanangli yangkhami kala okathuiwui khamakhaoli makazang hina.

1 JOHN 2:29

Khristava khamashungana da nathumna thei. Chiwui vang eina mashun ot kasā mi kachiva̱ Varewui naona da theiphalungra.

1 JOHN 3:7

Naoshinaobing, khipānakha nathumli maminamaranu, ana khangarong thada khamashung kasā mi chi khangarongana.