ROMNAO 2:12 - Kathara Bible (BSI)

¹² Gentilebingva Moseswui ain kathā chi maleimana. Athumna morei sāda shimānhaiakha ain mazangla kashimāna. Kha Jihudibingva ain ngavai, chieina athumna morei saakha ain chiwui athishurda bichar sai,

ROMNAO 2:12 Iomraidhean Croise

MATTHEW 11:22

Kha ina nathumli kahāngna, bichar sāthanghon Varena Tyre eina Sidonli kasāliva nathumli sakmeida bichar sāra.

MATTHEW 11:24

Kha ina nathumli kahāngna, Sodomli bichar kasāliva nathumli sakmeida bichar sāra.”

JOHN 19:11

Jishuna ali ngahānkai, “Varena nali khami chiwui vangmāng nana iwuitungli pangshap khaleimaya. Chieina ili nawui pāngli horsangkhame mibing chiwui morei hakmei.”

OTSAK 2:23

Rilak eina Varena ngarānping kahai athishurda Jishuli nathumwui pāngli horsangmi kala makaphābingwui pāng zangda ali krushtungli shaothat ngasaka.

ROMNAO 1:32

Hikathāthā ot saakha thira kaji Varewui ningkhami chi theilala athumna chi kasāmāng majila khangatei chithada kasābinglila mayāmi.

ROMNAO 4:15

khikhalajila ain china Varewui malungkhavāt khuirai. Kha ain makhalei pamli chonkhamakān kaho maleimana.

ROMNAO 8:3

Mikumowui phasāna ngazanhaoda ainna masākharar chi Varena sāshapa, chiya Varena Anaomayarali morei shimitmi khavai mikumowui khangachā chi khuingasakta chihorai, kala mikumowui khangachāli khalei morei chi Varena mamayāmana.

1 CORINTHNAO 9:21

Chi tākam eina ina Gentilebingli sakkharum tharan, athumli yuikhui khavai Jihudiwui ain azingli maleila athum tākam eina sai. Hi kasā eina I Varewui ain mamayonmana kaji maningmana; kachangkhat I Khristawui ain azingli lei.

GALATIANAO 3:10

Ainwui otsakli kachihānbing khonkashilungli lei; kaja hithada kapihaida lei; “Ainwui lairikli kapi kahai saikora atam kachida makashurbing chi Varewui khonshātlungli lei.”

GALATIANAO 3:22

Kha hithada hānghai, kaja okathui katonga moreiwui pangshap azingli lei. Chieina pheisin sāda ngashitmi kahai lemmet chi shitkasanga athum chili mihaira

KHALATLUI 27:26

“‘Ain hiwui athishurda, makasā mi chili khonkashi ngasaranu’ da kahāng eina, mi saikorana ‘Amen’ jira.

JAMES 2:10

Kaja kachikathāna ain katonga mayonlala kateo akha kaihaiakha saikora sākhai kahai kathāna.