ROMNAO 2:11 - Kathara Bible (BSI)

¹¹ Khikhalajila Vare mijang mavaimana.

ROMNAO 2:11 Iomraidhean Croise

2 THOTRINCHĀN 19:7

Chiwui vang Vareli khangachee nathumwuitungli leiranu; nathumna khi sālikhala kaji ningngasharlu; kaja ithumwui Proho Varewuili mashun thānkhangui maleimana; mijangla maleimana, pheizāla maleimana.”

JOBWUI LAIRIK 34:19

wungnaoli mijang makazanga; kachāmali lāngda kashāngali khayākashe, chili nana yonngasakrala, kaja saikora hi awui pāng eina kasā maningmala?

MATTHEW 22:16

Chiwui thili athumwui sākhangatha̱bing eina Herodwui mibing kaikhali shivātlaga ahāng ngasaka, “Ojā, ithumna thei kaja na khamashungana, kala Varewui shongfa mashunglak eina tamchithei, kala kateina nali khinada khuilikhala kajiwui vang kakhanang maleilakmana, maramva miwui kharei kateoli nana khikha mayangmana.

LUKE 20:21

Chieina athumna ali ngahānna, “Ojā, na khamashung-khangarong tui matuida tamchithei kaji ithumna thei, kala khipālikha mijang masāla Varewui apongli mashungrik eina tamchithei.

OTSAK 10:34

Chieina Peterna hāngphokuwa, “Ara ina thei kaja Vare hiya mimai mayangmana,

ROMNAO 9:14

Chithākha ithumna khi hāngra? Varewuili makhamashung leilā? Maningphutmana.

GALATIANAO 2:6

Themrekabing china chiyākha ngamda matuilala ina makhuisangmana; kaja Vare mimai mayangmana. Ina kahāngna kaja kathema athumna ili mathākhamei kadhara apong mahāngmirarmana.

EPHESIANAO 6:9

Akhavābing, nathumwui raobingli hi tākam eina sālu kala mamachitalu. Phaningunglu kaja nala kala nawui raobingla mi kachiva̱li ngaraikachā apong eina bichar sāki kaje kazingramli khalei Akhavāwui misera.

KHALATLUI 10:17

Kaja Proho nathumwui Vare hiya varebingwui Varena, kala prohobingwui Prohona; reikhamataiya, pangshapa, khangachee-khangachā Vare, mijang makasā, kala akhangei makakhuiya Varena.

KHALATLUI 16:19

Mashun nathumna mangui ngasakpaimana; nathum mijang masāpaimana, pheizā mazāpaimana, kaja pheizā kazāna thangkhameiwui mik ngapeo ngasakta khangarongli yonngasaka.

COLOSSIANAO 3:25

Makaphā kasā mi chili awui otsak athishurda kashong rāngra, kachiwui vangkhala kaja Varena mi kachiva̱li mimai mayangla bichar sai.

1 PETER 1:17

Nathumna Vareli seihā kasā tharan Avā da hoi. Ana saikorali kachichāna sākahai chiwui athishurda ngaraichā eina bichar sai. Chieina okathuili ringda leilakha ali khayākashi eina ngasoda okthuilu.