ROMNAO 2:10 - Kathara Bible (BSI)

¹⁰ Kha kaphā kasābingli Varena tekhamatei, khayākakā kala chingri kahai mira. Jihudibingli mirira kala Gentilebinglila mira.

ROMNAO 2:10 Iomraidhean Croise

JOBWUI LAIRIK 22:21

“Vareli mashitkhuida chingri eina pamlu; chithākha nali kaphā chi rāra.

LAA 15:2

Ningkathar eina kazata, khamashung eina kasaa, kala wuklung eina khamashung tui khamatuia;

LAA 29:11

Awui mibingli Prohona pangshap miranu! Prohona awui mibingli chingri kahai eina somiranu!

LAA 37:37

Shāt makakā mili machutkhuilu, kala mashungrik kahai chili yanglu, kaja chingri kahai miwui mataikasang lei.

CHĀNSAM 11:18

Makhayaa mina kakapika ngalangman pheikhui, kha khamashung khangaronga khayao mi china makahatlak kaji sāman samphanga.

CHĀNSAM 8:18

Kashāng kala khayākakāla iwuili lei, makashimān lan kala mataikasangla.

ISAIAH 26:12

O Proho, nana ithumli chingri kahai mira, ithumwui ot saikora nana sāmihaira.

ISAIAH 32:17

Kala khamashung khangarongwui atheina chingri kahai ngasāra, khamashung khangarong athei chiya katang makhavai va̱ri kahai kala shitkasangna.

ISAIAH 48:18

Iyavo, nathumna iwui ningkhamibing chi nganākhuihaisāsi kaja! Nathumwui chingri kahai chi kong thāhairara. kala nathumwui khamashung shamadru khangaphao thahairara;

ISAIAH 48:22

“Makaphā-makhayābingwui vang chingri kahai maleimana”

ISAIAH 55:12

“Kaja nathumna mathānda shokra, kala chingri kahailungli thānzatra; nathumwui mangāli khalei phungrei phungrābingna laa sāshokra, luiwui thingrong saikorana athumwui pāng kaphera.

ISAIAH 57:19

Khanailila, katālila chingrihairanu, kala ina ali raimira da Prohona hānga.

JEREMIAH 33:6

Chithālala ina phasākaphā kala raikhami khuirāmira, kala ina raimida makhavāta leikhayā kala ningkhanung phongshokchitheira.

MISHĀN 6:26

Prohona awui mai nathumli ngareirāmiranu, kala nathumli chingrihai ngasakranu.

MATTHEW 10:13

Shimkhur china mareojeohaiakha nathumwui sokhami chi ashiwui vang ngasāranu. Kha chi mathaakha nathumwui sokhami chi nathumli latungranu.

LUKE 1:79

tangkhamang kala kathi khaya̱lungli kapambingli kahor mira, kala chingri kahai pongli zatkhavai thānmira.”

LUKE 12:37

Akhavāna latkhaung tharan ningkharikta honpamkasā raobing ka̱lā mahai; kachangkhat ina nathumli kahāngna, ana shāneira̱ neikhuilaga athumli tableli pamngasakra, kala rāda sheba samira.

LUKE 19:42

“Chingri kahai hi kachiwui eina kharākhala da nathumna aja theisāsi kaja jong! Kha ara chila nathumwui eina thumihaira,

LUKE 22:14

Phazāt atam ungkashung eina ana paokazatbingli ngasoda phazā khavai pama.

LUKE 9:48

kala athumli hānga, “Hikathā naoshinaoli iwui mingwui vang khuikasanga china ili khuikasangna kala ili khuikasanga china ili kashirata ali khuikasangna; kaja nathum saikorawui ngachaili teomeikap kaje china reimeikapa.”

JOHN 12:26

Kachikathāna ili otram ngatha̱miakha, a ili shurphalungra kala I khalei chili iwui raola sāda leira, ili otram ngatha̱khame mi chili iwui Avāna maiyā ngasakra.

JOHN 14:27

“Ina nathumli chingri kahai haikhamina; I khalattawui chingri kahai nathumli khamina. Okathuina khami thada nathumli khami maningmana. Wukmakhananglakalu; khangacheela mangacheealu.

JOHN 16:33

Ina nathumli hi hānghaira, iwuili nathumna chingri kahai samphangra. Okathuili nathumna kachotkachāng samphangra, kha ningai mathānlu, ina okathuili yuihaira!”

OTSAK 10:35

kha yur kachivawui eina ali khangachee mi kala khamashunga ot kasābingli ana mayāsera.

ROMNAO 14:17

kaja Vare wungram hiliva kashaikashakna akachanga maningmana, kha Manglā Katharana khami khamashung-khangarong, chingri kahai kala ringkaphā china,

ROMNAO 15:13

Kachihānwui ura̱ Vareli nathumna shitkasang khaleiwui mangā eina khamathān kala chingri kahai chipemiranu. Chieina nathumwui kachihān chi Manglā Katharawui pangshap eina mataisangra.

ROMNAO 2:7

Mi kaikhava kaphā ot sāchingda lei, kathi makhavai kharing phai; athumli Varena katang makhavai kharing mira.

ROMNAO 2:9

Makaphā kasā mi kachiva̱li kachotkachāng eina wukakhanang tāshungra. Jihudili rira kala Gentilebinglila tāshungra.

ROMNAO 5:1

Ara shitkasangwui mangā eina ithumli mashungmihaoda ithumwui Proho Jishu Khristawui mangā eina Vareli mashithaira.

ROMNAO 8:6

Phasāwui athishurda zatakha thira, kha Manglāwui athishurda zatakha chingri kahai kala kharing samphangra.

ROMNAO 9:21

Ham kasaa china ngalei chi eina sākhangaingai sai, kala ngaraikachā ngalei chi eina aman kasaka kala kapaiya ham sākhui.

ROMNAO 9:23

Awui lukhamashan samphangda khalei, awui tekhamatei samphang ngasakkida ngarān kahai ithumli ana heirormi kahai awui khavāt makhalei tekhamatei chi chitheingai.

GALATIANAO 5:22

Kha Manglāna leikashi, khamathān, chingri kahai, ja̱khami, lumashankathei, kaphā ot, ningkatong,

GALATIANAO 5:6

Kaja ithumna Khrista Jishuli ngarum kahai tharan, ahui rimkashoknala, marimkashoknala ngatei khangasak khikha maleimana. Leikashi mangā eina ot sākhangasaka shitkasang china khamataina.

PHILIPPINAO 4:7

Mikumona maphaningvākharar Varewui chingri kahai china nathumwui wuklungla, ningla Khrista Jishuli khangarumwui alungli haimira.

1 TIMOTHY 1:17

Kathi makhangavā, mik eina matheikharar, thot kachida awunga sāda khalei akhamāng kaje Vareli katang mavaila khayāshiranu, kala tekmateiranu. Amen.

HEBREWNAO 2:7

Atam kasha̱khawui vang nana ali kazingraobingli kateokha nemmeida sākhui, tekhamatei kala khayākakā eina kuihon sāda ngahonmi.

JAMES 2:22

Awui shitkasang eina otsak ngaruma, kala shitkasang chi otsakna kāshung ngasaka da nathumna thei.

JAMES 3:13

Nathumwui ngachaili thangkhamei kala theishingkakhui khipā leikhala? Thangkhameiwui khangahuilungli ana awui kaphā mirin chi awui otsak eina chitheiranu.

1 PETER 1:7

Hiwui khangarān hiya nathumwui shitkasang akachanga chi phongshok khavaina. Shimankapai sinā meili ruikhayang thada sakmeikhar kaja nathumwui shitkasangla chāng yangphalungra, chi nathumwui shitkasang ngatarmei khavaina. Chiwui thili Jishu Khristali rāchitheithanghon nathumna masot, tekhamatei kala maikhayā samphangra.

1 PETER 5:4

Chieina Yaokahoma akhavā kharā tharan mashimānkapai tekhamateiwui kuihon chi nathumna samphangra.

1 SAMUEL 2:30

Chiwui vang Israelwui Vare Prohona hangdalei: Nawui shimkhur kala navāwui shimkhurna iwui mangāli katang mavaila kashok-kazang yangmichingra da ina ngashithairasai; kha ara Prohona hānghaira: Chi iwui eina katāva̱li leiranu; kaja ili khayākashi mili inala maiyā ngasakra; ili khayākashi mi chili inala khayā shira, ili ningkakachaiya saikorali ina khonshira.