ROMNAO 2:1 - Kathara Bible (BSI)

¹ Chiwui vang eina, O mikumo! khipā khipākharanu, nana mi khangateibingwuitungli bichar saakha nali pheomikapai maleimana; kaja awuitungli bichar kasā eina nakhalatta yonngasakta lei, kachiwui vangkhala kaja bichar kasaa nanala awui tākam eina sāda lei.

ROMNAO 2:1 Iomraidhean Croise

LUKE 12:14

Kha Jishuna ali hānga, “Mayara, nani khaniwuitungli bicharwo kala ngayarme sākhavai ili khipāna kapangsanghaikhala?”

LUKE 19:22

Ana ali hānga, ‘He makaphā rao! Ina nali nawui chanhān tākam eina bichar sāra. Nana I sākashena, iwui makhaning chi kakhuia kala makhayao chi hātkakhuiana da thei jihaira!

LUKE 6:37

“Bichar masaalu chithākha nathumlila bichar masāmara; khayon mamialu chithākha nathumlila khayon mamimara; pheomilu chithākha nathumlila pheomira;

ROMNAO 14:22

Hiwui apongli nawui shitkasang chi Vare naniwui ngachaili hailu, kachikathā ot akha kasāli mashunga da theishingkhuilaga ningkakashak maleilakla kasā mi chili ringkaphā ngasāranu.

ROMNAO 2:2

Hikathā kasābingli Varena bichar kasā chi mashunga kaji ithumna thei.

ROMNAO 2:3

O mikumo, nathumna hikathāthā hi nathum khalatta saakha Varewui bicharwui eina yāmshokpaira da phaninglā?

ROMNAO 3:9

Chithākha ithum Jihudibingna Gentilebingli phākhamei leilā? Maleimana, maleilākmana. Kachiwui vangkhala kaja Jihudibingla, Gentilebingla saikora morei pangshapwui azingli leisera da ina hānghaira.

ROMNAO 9:20

Kha Vareli ngahānkākashapa na khipākhala? Ngaleihamna hamkasā chili “Ili khisāda hithada sākhala?” da hangpairalā?

1 CORINTHNAO 4:5

Chiwui vang eina retkahai atam chi marāranglakha eina tangda khipālikha bichar masālu, Proho marāranglakha eina tangda ngaraisālu. Chithanghon tangkhamangli thumtit kahaibing kala mibingwui ningli kharin leilaga ngathum kahai saikora phongshokra. Chiwui thili mi kachiva̱ Verewui eina ana masot samphang khangayi chi samphangra.

1 CORINTHNAO 7:16

Shitkasanga preiva̱, nagaharali nana mahuikhuirarmara da kathada nana hāngshapkhala? Kala shitkasanga gahara, nana napreiva̱li mahuikhuirarmara da kathada hangshapkhala?

JAMES 2:20

He mangkhama̱bing! otsak maleila shitkasang hi aremana kaji hi chithei ngasakngailā?

JAMES 4:11

Ivānaongarā, nathum akhana akhali mamashāt ngarokalu. Avānao akhana avānao akhawuitungli khamashāt lah bichar kasā chi Ainli khamashāt kala bichar kasāna. Ainli bichar saakha nava Ain khamayona maningluimana, kha bichar kasaana.