ROMNAO 16:7 - Kathara Bible (BSI)

⁷ Ili phātop zangkharuma iyur Andrionicus eina Juniasli shālam mili; ani paokazatbingwui ngachaili maholaka kala ili anina Khristali samphangriya.

ROMNAO 16:7 Iomraidhean Croise

ISAIAH 45:17

Kha Israelli katang makhavai huikhami eina ngasoda huimihaira; katang mavaila nathumli kakhayakla kala pa̱khangapāla malei ngasakmara.”

ISAIAH 45:25

Israelwui ara̱-azā saikora Prohowui mangāli khayui kala tekhamatei ngasāra.

JOHN 14:20

Chithang I Avāwuili lei, nathum iwuili lei kala I nathumwuili lei kaji nathumna theira.

JOHN 15:2

Athei makhamathei iwui aphāng kachiva̱ ana yortāhai, kala athei khamathei aphāng kachiva̱li chungmei mathei khavai sāmathāmi.

JOHN 6:56

Iwui asā kashaia kala ashee khamanga chi ili lei kala I ali lei.

ROMNAO 16:10

Khristali ningkatum chithei kahaiya Apellesli shālam mili. Aristobulusshi shimkhurwui mi saikoralila shālam mili.

ROMNAO 16:11

Iyurwui mi Herodion eina Narcisusshi shimkhur Khristali khuisang kahai ngasotnaobingli shālam mili.

ROMNAO 16:21

Ili otsakruma Timothyna nathumli shālam mili; kala iyur Lucius, Jason kala Sosipater athumnala shālam mili.

ROMNAO 16:3

Khrista Jishuwui vang otram ngatha̱kharuma Priscilla eina Aquilali iwui shālam hāngmilu.

ROMNAO 16:6

Nathumwui vang eina panglāk eina ot kasava̱ Maryli shālam mili.

ROMNAO 16:8

Prohowui lungli iwui khamashita Ampliatuslila shālam mili.

ROMNAO 16:9

Khristawui mingli otsakruma Urbanus eina iwui khamashita Stachylila shālam mili.

ROMNAO 8:1

Ara Khrista Jishuli ngasoda kharing athumli mayonshinamluimara.

ROMNAO 8:11

Jishuli ringlui khangasaka Varewui Manglā china nathumwui lungli leiakha, Khrista Jishuli kathiwui eina ringkhangasaka kala nathumwui lungli leiching kaje awui Manglā china nathumwui shimānkapai phasā chi ringngasakra.

ROMNAO 9:3

kaja phasāwui pongli iwui theisābing kala ichināngarāwui phākhavai athumwui eina ili Varena khonshida Khristawui eina ngatei ngasakhaowa jilala khikha maleimana.

1 CORINTHNAO 1:30

Varena nathumli Khrista Jishuli ngarum khavai hokhuihaira kala Varena Khrista chi ithumwui thangmei sāngasakhaira. Awui mangā eina ithumli mashungmihaira; ithum Varewui kathara miyur ngasāhaira kala moreiwui eina ningkhān ngasakhaira.

2 CORINTHNAO 11:23

Athum Khristawui raola? Kapānao thada kahāngna— athumliva I mathāmei! Ina pangmeikharda ot sāhaira; phātoplila I chungmeida zanga, shaomi kahaila shānla makhuimana, thinanai sākhuikhui ji.

2 CORINTHNAO 12:2

Kum tharāda mati thuihaira, Khristali kazanga mi akhali kazingram kakathumali khuikai, phasā zangda khuikāgā, phasā mazangla khuikākhala I matheimana—Varena thei;

2 CORINTHNAO 5:17

Chiwui vang eina kachikathāna Khristali leiakha a kadhara pāngsemna; kachama chi kānthuihaira, yanglu; kadhara chi rāhaira.

2 CORINTHNAO 5:21

Kaja morei makhalei ali ithumwui vang eina morei phungngasaka, chiwui vang eina awui lungli ithum Varewui khamashung-khangaronga ngasāpai.

GALATIANAO 1:22

Chitharan eina tangda Judeali khalei Vareshinaobingna ili matheirangsai.

GALATIANAO 2:2

Varena I vāphalungra da chitheikhami athishurda ina vai kala kathānabing chili ngathumda vāsamphanglaga ina Gentilebingli hākashoka paokaphā chiwui pongli meikhaimi. Rida ina sākasā otla kala arui sāda khalei hila arema mangasā ngasakngaimana.

GALATIANAO 2:6

Themrekabing china chiyākha ngamda matuilala ina makhuisangmana; kaja Vare mimai mayangmana. Ina kahāngna kaja kathema athumna ili mathākhamei kadhara apong mahāngmirarmana.

GALATIANAO 5:6

Kaja ithumna Khrista Jishuli ngarum kahai tharan, ahui rimkashoknala, marimkashoknala ngatei khangasak khikha maleimana. Leikashi mangā eina ot sākhangasaka shitkasang china khamataina.

GALATIANAO 6:15

Ahui rimkashoknala lah marimkashoknala maningmana; kha midhar khangasā hina akachangana.

EPHESIANAO 2:10

Ithum hi Varewui pāngthemna kala kaphā ot sākhavai Khrista Jishuwui lungli ithumli Varena sākahaina kala kaphā ot chi sākhavai ana rilāk eina ngarānpinghaikasāna.

COLOSSIANAO 4:10

Ili ngasoda phātop kazanga Aristarchusna kala Barnabaswui achinā Markna shālam mili. (Markwui maramli nathumli hānghaira. A rāsākha mathada samphangmilu.)

PHILEMON 1:23

Khrista Jishuwui vang ili ngasoda phātop zangkhangaruma, Epaphrasna shālam mili

1 JOHN 4:13

Ithum Varewuili leihaoda a ithumwuili lei kaji ithumna theishingkhuihaira. Khikhalajila awui Manglā ithumli mihaira.

1 JOHN 5:20

Varewui Naomayara rāhaira kala ithumli theishingkhui ngasakhaira kaji ithumna thei. Ithum khamashunga Vare, Anaomayara Jishu Khristali ringrumda lei. Hi khamashunga Vare kala makashimān Kharing china.

PHONGKHAMI 1:9

I nathumwui achinā Johnna, kala Jishuwui thikashura akha sāda, awui wungramwui mi ngasā kahaibingwuitungli kharā kakhanang kachot chi khāngda nathumli phungruma. Varewui tui kala Jishuna phongkhami mashuntui shākhiwui vang I Patmos kaho yikuiramli leisai.