ROMNAO 16:4 - Kathara Bible (BSI)

⁴ Anina iwui vang manglā hamda ngachonmi. Anili ningshilaka, imāngna majila kha Gentilebingwui churchbingnala ningshisera.

ROMNAO 16:4 Iomraidhean Croise

2 SAMUEL 22:41

Nana iwui yangkashebing iwui eina yāmngasaka, ili yangkakharingbingli ina sākazamhaowa.

MICAH 2:3

Chiwui vang Prohona hithāda hānga: Yanglu, shimkhur hiwuitungli Ina makaphā shokkhavai khangarān sādaleiya, chiwui eina nathumwui akahung mangatha̱thukmara, kala nathum langsosor mazatmara, kaja chi makaphā atam ngasāra.

JOHN 15:13

Ngasotnaobingwui vang manglā chihokhami hili lāngda hakkhamei leikashi maleimana.

OTSAK 15:26

Ani hiya Proho Jishu Khristawui vang mirin chigatchao kahai thathuiya.

OTSAK 15:41

Ana Syria eina Cilicia ngaleili vālaga churchbingli pangsang ngasaka.

OTSAK 16:5

Chieina churchbing chi shitkasangwui lungli pangsanga kala mishānla thangkachida mataisanga.

OTSAK 9:31

Chitharan Judeali, Galileeli kala Samariali khalei church saikora chingri eina okathui samphanga, Proholi khangachee eina okthuida, Manglā Katharana athumli ringphā ngasakta mishānla chungsangkhangai chungsanga.

ROMNAO 16:3

Khrista Jishuwui vang otram ngatha̱kharuma Priscilla eina Aquilali iwui shālam hāngmilu.

ROMNAO 16:5

Aniwui shimli kazip khangaruma churchlila shālam mili. Asia ngaleili Khristali shitsangkhare iwui leikashiya ngasotnao Epaenetusli shālam mili.

ROMNAO 5:7

Kachikathāna kaphā mi akhawui vang thimikashap leisālala, khipānakha khangaronga mi akhawui vanga mathimimana.

1 CORINTHNAO 16:1

Judea ngaleili khalei katharabingli ngachon khavai pheisā khangashaiwui pongli iwui ngahankakā hina; ina Galatiawui churchbingli kaso kahai chithada nathumla sālu.

1 CORINTHNAO 7:17

Mi kachiva̱na Prohona ali chisin kahai kala hokakhui chiwui athishurda okthuiranu; hi Church kachiva̱li ina tamkachithei ayinzana.

PHILIPPINAO 2:30

Kaja nathum khalattana ili mangachonmikharar chi ngachonmi khavai ana manglā hamlaga Khristawui vang ot sāda thinaikhaya.

1 THESSALONICANAO 2:14

Ivānaobing, Judea ngaleili khalei Varewui churchbing, Khrista Jishuli kazanga mibingli kashok tākam eina nathumlila shoka. Jihudibingwui pāngli athumna kachotkachāng samkaphang chithada nathumla nathumwui miyurwui pāngli kachotkachāng samphanga.

JOSHUA 10:24

Kala athumna awungabing chi Joshuali khuikhaung eina, Joshuana Israelwui mibing saikorali hokhuida, ali ngasokhavā raimiwui akuibingli hānga, “Rānganaimeida awungabingwui akahungli nathumwui phei eina nailu.” Chieina athumna rānganai, kala athumna athumwui akahungli ranai.

1 JOHN 3:16

Chithada sāda leikashi hi khikhala da chiwui eina ithumna theikhuipai; Khristana ithumwui vang amanglā chihomi. Chiwui vang eina avānaobingwui vang ithumnala manglā chihomi phalungki kajina.

PHONGKHAMI 1:4

Asiali khalei Church shinili Johnna kagapina: Aruila, achāla, kala naodala chiching kaje, kala wungpamkhong mangāli khalei Manglā shini chiwui eina,