ROMNAO 16:12 - Kathara Bible (BSI)

¹² Prohowui otram khangatha̱li kazanga Tryphaena eina Tryphosa kala Prohowui vang otram tarākha ngatha̱me iwui khamashita Persislonglila shālam mili.

ROMNAO 16:12 Iomraidhean Croise

MATTHEW 5:47

Nathumna nachi nāngarāmāngli ngahānngaiakha kateibingli nathumna mataimeida kasā khi leikhala? Vareli makatheibingnala chithada masāmalā?

MATTHEW 9:38

Chiwui vang eina kahātwui akhavā Proholi kahāta mi chungmeida shirāt khavai seihā sālu.”

ROMNAO 16:11

Iyurwui mi Herodion eina Narcisusshi shimkhur Khristali khuisang kahai ngasotnaobingli shālam mili.

ROMNAO 16:13

Prohowui ot kasāli nganingshing kahai Rufus eina ili nao thada kasā ava̱va̱li iwui shālam mili.

1 CORINTHNAO 15:10

Kha Varewui lukhamashanna ili hokhuida hithada khaleina. Ana hokakhui chi arema maningmana. Lakhashong phaningakha paokazatbingwui ngachaili ina pangmeithuida ot sai. Chi ina kasā maningmana, kha Varewui lukhamashanna sākhangasakna.

1 CORINTHNAO 15:58

Chiwui vang eina leikashe ivānaobing, nganingtitlu. Nana Proholi otram khangatha̱ hi arema mangasāmara kaji theida otram khangatha̱li marekta sāchinglu.

1 CORINTHNAO 16:16

Ivānaobing, hikathā mibingwui kathān kala athumli ngasoda otsakruma kala otram ngatha̱kharuma athumwui thi shurkhavai kapona.

COLOSSIANAO 1:29

Hi ungshung khavai Khristana ili khami yāng pangshap shichinlaga ina ngararda ot sai.

COLOSSIANAO 4:12

Nathumwui ngasota kala Jishu Khristawui rao Epaphrasna shālam chiphunli. Ana nathumwui vang Varewui kaphaning chili kahāng nganāda kākashung kala theishingkakhuia Vareshi thada nathumna nganingshap khavai atam kachida ningsanglak eina seihā sāmichinga.

1 THESSALONICANAO 1:3

Ithumwui Avāva̱ Varivarawui mangāli nathumwui shitkasang eina leikashiwui otsak kala ithumwui Proho Jishu Khristali chihāntitta khalei chi phaningungchinga.

1 TIMOTHY 4:10

Khanganurla nganurda otla panglāk eina sai. khikhala jila mi saikorawui Huikhame kala mataimeikapta shitkasangbingwui vang ringching kaje Vareli ithumwui kachihān shāpkahaina.